សម្តេចធិបតី ហ៊ុន ម៉ាណែត មានប្រសាសន៍ថារាជរដ្ឋាភិបាលនីតិកាលទី៧ បានផ្ដោតការយកចិត្តទុកដាក់ខ្ពស់បំផុតចំពោះកត្តាមនុស្ស ក្នុងការអភិវឌ្ឍប្រទេសជាតិ ឆ្ពោះទៅកាន់ប្រទេសចំណូលខ្ពស់ ស្របតាមចក្ខុវិស័យកម្ពុជា ឆ្នាំ២០៥០។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/MMJDGfzpehU
ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួង បរិស្ថាន បានបង្ហាញមហិច្ឆតាចង់អភិវឌ្ឍន៍ការធ្វើស្ករត្នោតពីលក្ខណៈគ្រួសារ ឱ្យទៅជាការធ្វើអាជីវកម្មបែបលក្ខណៈពាណិជ្ជកម្មខ្នាតអន្តរជាតិ និងបំព្រួញពូជត្នោតឱ្យឆាប់ទទួលផល។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/aafIyn7AYiU
មិនខុសពីបណ្ដារាជធានីខេត្តផ្សេងៗឡើយ ក្នុងខេត្តមណ្ឌលគិរីនៅថ្ងៃទី០៥ សីហា ២០២៤នេះ មន្ត្រីរាជការកងកម្លាំងប្រដាប់អាវុធ ប្រជាពលរដ្ឋដែលរួមមានទាំងជនជាតិដើមភាគតិច បានរួបរួមគ្នាប្រមាណជិត២ពាន់នាក់ នៅចំណុចវិមានឯករាជ្យ ស្ថិតក្នុងក្រុងសែនមនោរម្យ ដើម្បីអបអរព្រឹត្តិការណ៍ប្រវត្តិសាស្ត្រថ្ងៃបើកការដ្ឋានព្រែកជីកហ្វូណនតេជោ ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/RuX483Keu5A
សម្តេចធិបតី ហ៊ុន ម៉ាណែត ជាប្រតិបត្តិករមួយរូបក្នុងដំណើរការកសាងហេដ្ឋរចនាសម្ព័ន្ធផ្លូវខ្សែក្រវាត់តាមព្រំដែនដែលជាផ្នែកដ៏សំខាន់នៃខឿនការពារបូរណភាពទឹកដីនិងអធិបតេយ្យជាតិបន្ថែមលើបង្គោលព្រំដែនដែលបានបោះជាក់ស្តែងនិងខ្សែកំណត់ដែនសីម៉ាដែលបានកំណត់នៅលើផែនទី។ រូបភាពវីដេអូឃ្លីបនេះបង្ហាញពីសកម្មភាពរបស់សម្តេចធិបតី ហ៊ុន ម៉ាណែត កាលឆ្នាំ២០១៧ ដែលពេលនោះ សម្ដេចធិបតីមានតួនាទីជានាយរងសេនាធិការចម្រុះ និងជាមេបញ្ជាការរងកងទ័ពជើងគោក។ចុះពិនិត្យការដ្ឋានសាងសង់ផ្លូវក្រវ៉ាត់ព្រំដែនខេត្តមណ្ឌលគិរី រតនគិរី និងក្រចេះ។ ចុចបើក Link ទស្សនាព័ត៌មានពិស្ដារ (https://youtu.be/CvwRPDuRZK8)
ខឿនវប្បធម៌ចាមមានភាពត្រចះត្រចង់ ដោយមានពិធីបុណ្យ កេរ្តិ៍ដំណែល មុខរបរប្រពៃណី ជាច្រើន ក្នុងនោះ “សិល្បៈធ្វើគ្រឿងកុលាភាជន៍ជនជាតិចាម”ត្រូវបានអង្គការ UNESCOទទួលស្គាល់ជាបេតិកភណ្ឌអរូបីត្រូវការការពាជាបន្ទាន់ រួមចំណែកក្នុងការបង្កើតផ្ទាំងគំនូរវប្បធម៌ចម្រុះពណ៌ ក្នុងមហាគ្រួសារ ៥៤ ជនជាតិនៃប្រទេសវៀតណាម។
បុណ្យ Ramuwan បានប្រព្រឹត្តិទៅ នាខែមិនា ឬខែមេសា ហើយអូសបន្លាយក្នុងរយៈពេល ១ ខែ។ ក្នុងពីធីបុណ្យ Ramuwan ពិធីសែនផ្នូរគឺជាពិធីការដ៏សំខាន់បំផុត។ ក្នុងថ្ងៃនេះ ជនជាតិចាមដែលកាន់សាសនាបានី នឹងស្លៀកពាក់សម្លៀកបំពាក់ប្រពៃណី ហើយនាំគ្នាទៅកាន់កន្លែងបញ្ចុះសពរបស់ជនជាតិចាម ដើម្បីរួមគ្នារៀបចំពិធីសែនផ្នូរ អញ្ជើញបុព្វការី ជីដូនជីតា។
គ្រឿងសំណែនក្នុងពិធីសែនផ្នូរគឺសាមញ្ញណាស់ រួមមាន ម្លូស្លា បារី ទឹក នំនែក ស្ករគ្រាប់ជាដើម…ផ្នូររបស់ជនជាតិចាមមានភាពពិសេសណាស់ គេមិនបានកសាងឱ្យមាំទាំទេ គ្រាន់តែពូនខ្សាច់ពីលើស្មើផ្ទៃមុខដីប៉ុណ្ណោះ ហើយបានសម្គាល់ដោយថ្មរាងមូលមួយដុំ។ ផ្នូរទាំងអស់បានរៀបជាជួរវែងៗយ៉ាងពិសេស។
ទន្ទឹមនឹងបុណ្យ Ramuwan បុណ្យ Kate ក៏ជាបុណ្យធំមួយក្នុងឆ្នាំដែរ។ នេះគឺជាពិធីបុណ្យរបស់ជនជាតិចាមកាន់ព្រហ្មញ្ញសាសនា ដែលធ្វើឡើងនៅដើមខែទី ៧ នៃប្រតិទិនចាម (ត្រូវនឹងខែទីតុលា)។ ពិធីបុណ្យនេះត្រូវបានប្រារព្ធឡើងនៅតំបន់ប្រាសាទបុរាណរបស់ជនជាតិចាម។
នៅខេត្ត ប៊ិញធួន (Binh Thuan) ជាតំបន់ដែលមានសហគមន៍ជនជាតិចាមច្រើនទីពីរនៅប្រទេសវៀតណាម បន្ទាប់ពីខេត្ត នីញធួន (Ninh Thuan) មានកេរ្តិ៍ដំណែលប្រាសាទបុរាណ Po Sah Inu (សង្កាត់ ភូហាយ (Phu Hai) ទីក្រុង ផានធៀត (Phan Thiet)) ដែលតែងតែត្រូវបានជ្រើសរើសជាកន្លែងសំខាន់សម្រាប់ការរៀបចំពិធីបុណ្យ Kate អស់រយៈពេលជាច្រើនឆ្នាំមកហើយ ព្រោះនេះជាអាស័យដ្ឋានវប្បធម៌ ស្ថាបត្យកម្ម និងសាសនាដ៏ពិសេសរបស់ជនជាតិចាម ក៏ដូចជាអាស័យដ្ឋានទេសចរណ៍ ទាក់ទាញភ្ញៀវទេសចរជាច្រើនផងដែរ។
ក្នុងប៉ុន្មានថ្ងៃនៃពិធីបុណ្យនេះ ពិធីការប្លែកនិងពិសេសត្រូវបានធ្វើឡើងនៅប្រាសាទ Po Sah Inu ដូចជា៖ ពិធីបើកប្រាសាទ ពិធីសែនថ្វាយ ពិធីដង្ហែរក្បួនសម្លៀកបំពាក់របស់ព្រះ Po Sah Inu ងូតលាង Linga – Yoni ស្លៀកពាក់ សែនព្រេនអំណរពិធី Kate នៅមុខប្រាសាទ… ដែលមានអត្ថន័យដ៏ពិសិដ្ឋ ដើម្បីថ្លែងអំណរគុណចំពោះអាទិទេពដែលបានជួយឲ្យអាកាសធាតុល្អ និងមានរដូវប្រមូលផលច្រើនសន្ធឹក ក៏ដូចជារំលឹកដល់យុទ្ធជនពលី ជីដូនជីតា និងបុព្វការីជន។ ក្រៅពីអត្ថន័យខាងលើ ក្នុងឱកាសនេះ សហគមន៍ជនជាតិចាម ក៏នាំគ្នាទៅប្រាសាទ Po Sah Inu ដើម្បីបួងសួង សុំសេចក្តីសុខ សេចក្តីចម្រើន ក្រុមគ្រួសារបានជីដូនជីតាជួយចម្រុងចម្រើន កូនចៅរកស៊ីមានបាន និងជួបសំណាងល្អ។
ពិធីបុណ្យ Kate ក៏ជាឱកាសសម្រាប់ជនជាតិចាមសម្តែងឧបករណ៍ភ្លេងប្រពៃណី រាំនិងច្រៀងបទចម្រៀងប្រពៃណីជនជាតិចាម យុវជនចូលរួមប្រកួតផ្លុំត្រែ ត្រែ saranai ប្រឡងបង្ហាញម៉ូតសម្លៀកបំពាក់ប្រពៃណី ប្រឡងវេចនំ និងបុកអង្ករ តុបតែង និងដាក់តាំងគ្រឿងសំណែន… សកម្មភាពទាំងនេះធ្វើឡើងយ៉ាងរំជើបរំជួល និងទាក់ទាញភ្ញៀវ។ ក្រៅពីសកម្មភាពណែនាំវប្បធម៌ចាមជាច្រើន ដូចជា ការសម្ដែងការបង្ហាញពីរបៀបធ្វើគ្រឿងកុលាលភាជន៍ ការត្បាញក្រណាត់ជនជាតិ ការដាក់តាំងផលិតផលពិសេសនៃតំបន់… អ្វីៗទាំងអស់បង្កើតបានជាពិធីបុណ្យ Kate ចម្រុះពណ៌ និងពោរពេញទៅដោយអត្តសញ្ញាណវប្បធម៌ជនជាតិចាម។
ពិធីបុណ្យ Kate មិនត្រឹមតែបំពេញតម្រូវការសាសនារបស់ជនជាតិចាមប៉ុណ្ណោះទេ ថែមទាំងបានក្លាយទៅជាព្រឹត្តិការណ៍វប្បធម៌ និងទេសចរណ៍ដ៏ពិសេសមួយ ដែលទាក់ទាញភ្ញៀវទេសចរណ៍ជាតិ និងអន្តរជាតិយ៉ាងច្រើនកុះករមកទស្សនា និងស្វែងយល់ពីសម្រស់វប្បធម៌ចាម។
លក្ខណៈពិសេសនៃសិល្បៈធ្វើគ្រឿងកុលាលភាជន៍របស់ជនជាតិចាម
គ្មាននរណាម្នាក់ដឹងច្បាស់ថា មុខរបរធ្វើគ្រឿងកុលាលភាជន៍របស់ជនជាតិចាមចាប់ផ្តើមនៅពេលណាទេ ពួកគេគ្រាន់តែដឹងថា មុខរបរនេះមានតាំងពីយូរយារណាស់មកហើយ។ សព្វថ្ងៃនេះ មុខរបរធ្វើគ្រឿងកុលាលភាជន៍របស់ជនជាតិចាមនៅតែមាន និងអភិវឌ្ឍយ៉ាងខ្លាំងក្លា ក្នុងភូមិទាំងពីរគឺ ភូមិប៊ីញឌឹក (Binh Duc) (អតីតមានឈ្មោះថាភូមិ Ligok) នៅឃុំផានហៀប (Phan Hiep) ស្រុក បាកប៊ិញ (Bac Binh) ខេត្តប៊ិញធួន (Binh Thuan) និងភូមិធ្វើគ្រឿងកុលាលភាជន៍ បាវទ្រុក (Bau Truc) (អតីតមានឈ្មោះថាភូមិ Hamu Crok) នៅទីរួមស្រុក ភឿកយ៉ឹន (Phuoc Dan) ស្រុក នីញភឿក (Ninh Phuoc) ខេត្ត នីញធួន (Ninh Thuan)។
ក្បួនរចនាលើគ្រឿងកុលាលភាជន៍ បាវទ្រុក (Bau Truc) ភាគច្រើនមានប្រធានបទអំពីទន្លេ ដើមឈើ មេឃ និងផែនដី ខ្លឹមសារសាសនា។ របៀបដុតគ្រឿងកុលាលភាជន៍នៅភូមិ បាវទ្រុក (Bau Truc) ក៏មានលក្ខណៈពិសេសផងដែរ គេមិនដុតក្នុងឡទេ ប៉ុន្តែគេបានប្រមូលផ្តុំអុស ចំបើង និងអង្កាម ដោយសីតុណ្ហភាពប្រហែល ៨០០ អង្សាសេ ដុតក្នុងរយៈពេល ៥ ទៅ ៨ ម៉ោង អាស្រ័យលើទំហំគ្រឿងកុលាលភាជន៍។
តាមទំនៀមទំលាប់តាំងពីបុរាណ មុនពេលដុតគ្រឿងកុលាលភាជន៍ សិប្បករនឹងជ្រើសរើសថ្ងៃណាល្អ និងទិញគ្រឿងសំណែនមួយចំនួន ដើម្បីសែនថ្វាយដល់បុព្វការីជន និងអាទិទេព ដើម្បីបង្ហាញពីបំណងចង់ឱ្យគ្រឿងកុលាលភាជន៍ត្រូវបានដុតឲ្យ “ឆ្អិន” ស្មើៗគ្នា មិនត្រូវខូចខាត។
ផលិតផលគ្រឿងកុលាលភាជន៍ប្រពៃណី បាវទ្រុក (Bau Truc) មានច្រើនប្រភេទ ពិសេសដូចជា៖ ពាង ចង្រ្កាន កំសៀវ ផើង ឆ្នាំង… សព្វថ្ងៃនេះ ក្នុងយុគសម័យសេដ្ឋកិច្ចទីផ្សារ សិប្បករភូមិធ្វើគ្រឿងកុលាលភាជន៍ បាវទ្រុក (Bau Truc) បានស្រាវជ្រាវយ៉ាងឆាប់រហ័ស និងបង្កើតបន្ថែមទៀតនូវគ្រឿងកុលាលភាជន៍ថ្មីជាច្រើនប្រភេទ ដែលមានលក្ខណៈសិល្បៈខ្ពស់ ដើម្បីបម្រើទេសចរណ៍ និងពាណិជ្ជកម្ម។
និយាយអំពីទិសដៅយូរអង្វែង និងនិរន្តរភាពក្នុងការអភិវឌ្ឍគ្រឿងកុលាលភាជន៍ បាវទ្រុក (Bau Truc) លោក ភូហ៊ឹវមីញធួន (Phu Huu Minh Thuan) ប្រធានសហករណ៍គ្រឿងកុលាលភាជន៍ចាម បាវទ្រុក (Bau Truc) បានមានប្រសាសន៍ថា៖ “យើងតែងតែស្វែងរក និងមានគំនិតថ្មីៗជាច្រើន”; តែងតែផ្លាស់ប្តូរ និងកែលម្អការរចនាឱ្យសមស្របតាមចំណង់ចំណូលចិត្តទីផ្សារ។ បច្ចុប្បន្នយើងខ្ញុំមានគំរូគ្រឿងកុលាលភាជន៍ជាង ១០ ពាន់ រួមទាំងគំរូសំខាន់ៗប្រហែល ៥០០ ។ យើងក៏ចាប់អារម្មណ៍យ៉ាងខ្លាំងផងដែរក្នុងការវិនិយោគលើធនធានមនុស្ស ជាពិសេសធនធានមនុស្សវ័យក្មេង។ ទន្ទឹមនឹងនោះក៏មានផែនការរួមផ្សំនឹងទេសចរណ៍ ដើម្បីអភិវឌ្ឍភូមិសិប្បកម្ម ដើម្បីទាញយកសក្តានុពលក្នុងស្រុកជាអតិបរមា។
ការដែលអង្គការ UNESCO ទទួលស្គាល់ជា “សិល្បៈធ្វើគ្រឿងកុលាលភាជន៍របស់ជនជាតិចាម” បានចុះក្នុងបញ្ជីបេតិកភណ្ឌវប្បធម៌អរូបី ដែលត្រូវការការពារជាបន្ទាន់ នោះគឺជាការបញ្ជាក់នូវអត្តសញ្ញាណវប្បធម៌ជាតិរបស់វៀតណាមក្នុងឃ្លាំងបេតិកភណ្ឌវប្បធម៌ពិភពលោក។ បេតិកភណ្ឌវប្បធម៌សិល្បៈនៃការធ្វើគ្រឿងកុលាលភាជន៍របស់ជនជាតិចាម ឥឡូវនេះបានក្លាយទៅជាសម្បត្តិរួមរបស់មនុស្សជាតិ./.
សូមចុច Link ដើម្បីទស្សនាព័ត៌មានពិស្ដារ៖ https://youtu.be/Yv4rmCUa60U
ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីសុខាភិ បាល បានជំរុញឲ្យមន្ត្របំរើសេវានៅមណ្ឌលសុខភាព ត្រូវមានវត្តមានក្នុងម៉ោងវេលាការងារឲ្យបានច្បាស់ លាស់ ដើម្បីផ្ដល់សេវាជូនប្រជាពលរដ្ឋឲ្យបានទាន់ពេលវេលា។ ការបញ្ជាក់នេះធ្វើឡើងនៅក្នុងឱកាស ដឹកនាំគណៈប្រតិភូចាប់ពិនិត្យការអនុវត្តសេវាសុខាភិបាល នៃមន្ទីរសុខាភិបាលរដ្ឋបាលខេត្ត នៅសាលាខេត្តកំពត។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/n5MfcGKnNxM
អាជ្ញាធររាជធានីភ្នំពេញបានត្រៀមរួចរាល់ហើយ សម្រាប់ពិធីអបអរសាទរ ថ្ងៃបើកការដ្ឋានគម្រោងព្រែកជីកហ្វូណន-តេជោ ជាមួយនឹងការតៀម លក្ខណៈការពារសន្តិសុខ សុវត្ថិភាពក្នុងពិធីយ៉ាងម៉ត់ចត់បំផុត នៅមជ្ឈមណ្ឌលសន្និបាត និងពិព័រណ៍កោះពេជ្រ នារសៀលនិងរាត្រីថ្ងៃទី៥សីហាឆ្នាំ២០២៤ខាងមុខនេះ ខណៈដែលការតំឡើងឆាកប្រគុំតន្ត្រីបាននិងកំពុងរៀបចំយ៉ាងញាប់ដៃញាប់ជើង។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/DdZi1jYy3Rg
ក្នុងឱកាសនៃជំនួបសម្ដែងការគួរសមជាមួយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កាលពីម្សិលមិញ ឯកឧត្តម អ៊ូ កូកូ ឡាំង (U Ko Ko Hlaing) បេសកជនពិសេសរបស់ប្រធានក្រុមប្រឹក្សារដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ា បានថ្លែងកោតសរសើរចំពោះការអភិវឌ្ឍដ៏ឆាប់រហ័សរបស់ប្រទេសកម្ពុជា នៅរៀងរាល់ដំណើរទស្សនកិច្ចរបស់ឯកឧត្តម មកកាន់កម្ពុជា។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/2CeH0UQfbag
រដ្ឋសភាកម្ពុជា និងសភាចិន គ្រោងចុះកិច្ចព្រមព្រៀងលើកកម្រិតទំនាក់ទំនងគ្នាឡើងវិញ ដើម្បីធ្វើយ៉ាងណាឱ្យស្របតាមការលើកកម្រិតទំនាក់ទំនង រវាងរដ្ឋាភិបាលនៃប្រទេសទាំងពីរ ដែលនឹងនាំមកនូវផលប្រយោជន៍សម្រាប់ប្រទេសជាតិ និងប្រជាជនទាំងសងខាង។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/drALR_LH-fg
លោកជំទាវ ដួង វណ្ណាតំណាងរាស្ត្រមណ្ឌលស្វាយរៀង និងសហការី បាននាំយកគ្រឿងឧបភោគបរិភោគប្រគល់ជូនកីឡាករដែលកំពុងហ្វឹកហាត់ ដើម្បីត្រៀមប្រកួតកីឡាអុំទូកប្រពៃណីខ្នាតអន្តរជាតិ “ទូកនាគ ទូកកានូ ទូកកាយ៉ាក់ និងទូករ៉ូអីង” ជ្រើសរើសជើងឯកថ្នាក់ជាតិ ពានរង្វាន់ ឯកឧត្តមអភិសន្ដិបណ្ឌិត ស សុខា លើកទី ១ ឆ្នាំ ២០២៤។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/VLuBWeY1ufQ
(ខេត្តកំពង់ធំ)÷ អភិបាលស្រុកស្ទោង លោក សាយ គឹមឡម បានធ្វើការណែនាំដូច្នេះនៅក្នុងឱកាសដែលលោកអភិបាលស្រុក និងសហការីបានអញ្ជើញចុះពិនិត្យមើលស្ថានភាពទឹកជំនន់ និងស្រែស្រូវរបស់ប្រជាកសិករដែលជនលិចដោយសារទឹកជំនន់នៅក្នុងភូមិសាស្ត្រឃុំម្សាក្រងស្រុកស្ទោង ខេត្តកំពង់ធំ នៅសៀលថ្ងៃទី៣១ ខែកក្កដា ឆ្នាំ២០២៤ កន្លងទៅនេះ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/d42R2E8pm_s
គម្រោងព្រែកជីកហ្វូណនតេជោ ជាគម្រោងប្រវត្តិសាស្ត្រដែលមានតម្លៃខ្ពស់មហាសាលសម្រាប់ប្រជាជាតិកម្ពុជា ទាំងក្នុងពេលបច្ចុប្បន្ននិងទៅអនាគត។ ជាមួយគ្នានេះ ការសាងសង់ព្រែកជីកហ្វូណនតេជោ ដែលជាផ្លូវទឹកដ៏ធំជាប្រវត្តិសាស្ត្ររបស់កម្ពុជានេះ ប្រជាជនកម្ពុជានៅគ្រប់មជ្ឈដ្ឋានបានសម្តែងការគាំទ្រយ៉ាងផុសផុលនូវសមិទ្ធផលដ៏ថ្លៃថ្លានេះ ដោយពលរដ្ឋកម្ពុជាជឿជាក់យ៉ាងមុតមាំថា ព្រែកជីកហ្វូណនតេជោ នឹងផ្តល់ផលប្រយោជន៍ដល់ប្រជាជនកម្ពុជាទូទាំងប្រទេស ។
ប្រជាជនខ្មែរទាំងប្រុសស្រី គឺតែងរំពឹងចង់ឃើញសមិទ្ធផលដ៏មានតម្លៃនេះលេចចេញជារូបរាងផ្លូវការ។ រដ្ឋាភិបាលអាណត្តិថ្មីទី៧ ដឹកនាំដោយសម្តេចធិបតី ហ៊ុន ម៉ាណែត បានប្រកាសហើយថានឹងបន្តគម្រោងនេះពីគំនិតផ្តួចផ្តើមដ៏ថ្លៃថ្លារបស់ សម្តេចតេជោ ហ៊ុន សែន ហើយធ្វើយ៉ាងណាសម្រេចឱ្យបានជោគជ័យទាល់តែបាន។
ថ្ងៃទី៥ ខែសីហា ឆ្នាំ២០២៤ ត្រូវបានកំណត់ជាថ្ងៃប្រកាសបើកដំណើរការគម្រោងព្រែកជីកហ្វូណនតេជោ ដែលរាជរដ្ឋាភិបាលកម្ពុជា និងប្រជាជនខ្មែរទូទាំងនគរ បានចាត់ទុកថាថ្ងៃចងចាំជាប្រវត្តិសាស្ត្រមួយ ដ៏អស្ចារ្យថ្មីមួយទៀតសម្រាប់កម្ពុជា ។
យើងនឹងមានសមិទ្ធផលផ្លូវទឹកដ៏ធំ និងបម្រើផលប្រយោជន៍មហាសាលដល់សេដ្ឋកិច្ចជាតិ និងជាពិសេសគឺការរក្សាបាននូវឯករាជ្យភាពខាងការដឹកជញ្ជូនផ្លូវទឹក ដែលកម្ពុជាពុំធ្លាប់មានក្នុងរយៈកាលកន្លងទៅ។ ការកសាងសមិទ្ធផលផ្លូវទឹកដ៏មានតម្លៃនេះ គឺអាចឱ្យកម្ពុជាមានច្រកដែលអាចដង្ហើមបានដោយខ្លួនឯង ដែលនេះជាមហិច្ឆតាបង្កប់ដោយស្មារតីស្នេហាជាតិ និងប្រកបដោយគុណតម្លៃខ្ពស់បំផុត របស់ប្រមុខដឹកនាំកម្ពុជា ដើម្បីបម្រើផលប្រយោជន៍ជាតិសុទ្ធសាធ មិនមែនដើម្បីផលប្រយោជន៍សួនតួរបស់អ្នកដឹកនាំនោះទេ ព្រោះព្រែកជីកហ្វូណនតេជោ នឹងជួយទាំងវិស័យដឹកជញ្ជូន ដែលធ្វើឱ្យកម្ពុជាមានផ្លូវទឹកផ្ទាល់ខ្លួន ឯករាជ្យម្ចាស់ការ ចំណាយតិចជាងមុន ចំណេញពេល និងកាត់បន្ថយរបាំងនានាក្នុងការនាំចេញទំនិញរបស់កម្ពុជា។
សូមទស្សនាវីដេអូ៖https://youtu.be/1QpctZAp-O0
រដ្ឋមន្រ្តីក្រសួងបរិស្ថាន បានជំរុញដល់មន្ត្រីក្រោមឱវាទ សហការឱ្យបានល្អជាមួយអាជ្ញាធរគ្រប់លំដាប់ថ្នាក់ និងដៃគូពាក់ព័ន្ធ ដើម្បីឱ្យមានប្រសិទ្ធភាពក្នុងការគ្រប់គ្រងធនធានធម្មជាតិនិងបរិស្ថាន ជាពិសេស ការសម្អាតថង់ប្លាស្ទិក ដើម្បីលើកកម្ពស់សុខភាពល្អ និងទាក់ទាញភ្ញៀវទេសចរចូលមកទស្សនានៅប្រទេសកម្ពុជា។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/NR2cvDfpWjA
ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី០១ ខែសីហា ឆ្នាំ២០២៤ បានចុះពិនិត្យមើលទីតាំងសម្រាប់សាងសង់ទារកដ្ឋាន និងពិនិត្យសង្វាក់ផលិតកម្មដ៏ទំនើបក្នុងតំបន់រោងចក្រម៉ាវ៉ល ហ្កាមិន ដែលស្ថិតក្នុងតំបន់សេដ្ឋកិច្ចពិសេសភ្នំពេញ ខណ្ឌកំបូល រាជធានីភ្នំពេញ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/fsfnCaUP3Xs
រដ្ឋបាលខណ្ឌបឹងកេងកងបានបើកកិច្ចប្រជុំស្ដីពីការរៀបចំសន្តិសុខសណ្ដាប់ធ្នាប់និងអនាម័យនៅក្នុងខណ្ឌបឹងកេងកងដើម្បីចូលរួមអបអរសាទរការបើកការដ្ឋានសាងសង់ព្រែកជីកហ្វូណនតេជោនៅថ្ងៃទី៥ ខែសីហាខាងមុខនេះ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/MbYnnpT76Co
