អភិបាលរងខេត្តស្វាយរៀងលោក រស់ ផារិទ្ធ នៅព្រឹកថ្ងៃទី១៤ខែមីនា ឆ្នាំ២០២៥ បានដឹកនាំកិច្ចប្រជុំគណៈអភិបាលខេត្ត និងគណៈកម្មាធិការសម្របសម្រួលបច្ចេកទេស ដើម្បីពិនិត្យ និងផ្តល់យោបល់លើសេចក្តីព្រាងសៀវភៅផែនការអភិវឌ្ឍន៍រយៈពេលប្រាំឆ្នាំ ២០២៥-២០២៩។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/7couXj3YNWk
សួនសុបិន្ត កោះច្រែងមានទីតាំង ស្ថិតក្នុងឃុំកោះច្រែង ស្រុកចិត្តបុរី ខេត្តក្រចេះ តំបន់ទេសចរណ៍នេះកំពុងក្លាយគោលដៅទេសចណ៍ថ្មីមួយ ដែលនិងអាចទាក់ទាញអ្នកទេសចរណ៍ជាតិ និងអន្តរជាតិ ចូលមកលេងកម្សាន្តក្នុងខេត្តក្រចេះ,កាន់តែច្រើននាឱកាសបុណ្យចូលឆ្នាំថ្មីប្រពៃណីខ្មែរខាងមុខ។
អ្នកស្រី សាន ថានី ម្ចាស់សួនសុបិន្តកោះច្រែង បានរៀបរាប់ថា ផ្តើមចេញពីអាជីវកម្មផែនការបែបគ្រួសារ និងការស្រលាញ់បរិស្ថាន អ្នកស្រី និងគ្រួសារ ក៏បានរៀបចំជាហាងកាហ្វេ និងសួនកំសាន្ដនេះឡើង កាលពីដើមឆ្នាំ២០២៥។ដោយមានបម្រើសេវាកម្មម្ហូបអាហារ ជាមួយនឹងកាហ្វេដ៏ឈ្ងុយឆ្ងាញ់ អមទៅដោយសួនផ្កាចម្រុះពណ៌, ស្ពានឆ្លងវាលស្រែមានរាងជាសត្វពស់, និងកន្លែងថតរូបស្អាតៗ អមទៅដោយវាលស្រែចម្ការបៃតងលឿងតាមរដូវកាល។
អ្នកស្រីបានរៀបរាប់បន្តថា ថ្មីៗនេះអ្នកស្រីបានរៀបចំជាអាហារដ្ឋានលើទឹក ស្ពានឆ្លងទឹក, ខ្យុសលើទឹក, អ្នកទេសចរណ៍មកកំសាន្ដ អាចញ៉ាំអាហារគយគន់សម្រស់ធម្មជាតិ អមដោយឆ្នេរខ្សាច់ ស ក្បូស និងទឹកទន្លេថ្លាឆ្វង់នារដូវប្រាំង ពិសេសអ្នកទេសចរណ៍ ក៏អាចជួលសំពៅជិះឆ្លងពីត្រើយម្ខាងទៅត្រើយម្ខាងទៀតបានផងដែរ។
អ្នកស្រី បានបញ្ជាក់ថា ថ្វីត្បិតរមណីយដ្ឋានទេសចរណ៍នេះ មិនទាន់បានចុះបញ្ជីផ្លូវការ ក្នុងមន្ទីរទេសចរណ៍ខេត្តក្តី។ប៉ុន្តែទីតាំងនេះបានក្លាយជាកន្លែងលំហែមួយដ៏ពេញនិយមរួចទៅហើយ ជាពិសេសនៅអំឡុងពេលចុងសប្តាហ៍ និងថ្ងៃបុណ្យទាន។
អ្នកស្រី បានសម្ដែងក្ដីសប្បាយរីករាយជាខ្លាំង បន្ទាប់ពីមានបងប្អូនមកលេងកំសាន្ដច្រើនកុះករ ក្នុងថ្ងៃបុណ្យឆ្លងឆ្នាំសកល, បុណ្យចូលឆ្នាំចិន និងថ្ងៃបុណ្យសិទ្ធិនារីកន្លងទៅនេះ។ហើយអ្នកស្រីបានសង្ឈឹមយ៉ាងម៉ុតមាំថា ក្នុងឱកាសចូលឆ្នាំថ្មីប្រពៃណីជាតិខ្មែរខាងមុខនេះ និងមានអ្នកទេសចរណ៍ចូលមកលេងកាន់តែច្រើនបន្ថែមទៀត៕
សូមចុច Link ដើម្បីទស្សនាព័ត៌មានពិស្ដារ៖ https://youtu.be/tq3IQ96QXP0
ភ្នំពេញ-សមត្ថកិច្ចជំនាញ,ផែនការងារនគរបាលព្រហ្មទណ្ឌបង្រ្កាបជនសង្ស័យជនជាតិចិននិងខ្មែរ១៩នាក់ដែលបានបង្កការប៉ះពាល់សន្តិសុខសណ្តាប់ធ្នាប់ និងបង្កការភ្ញាក់ផ្អើលដល់ភ្ញៀវទេសចរណ៍អន្តរជាតិ
អនុវត្តតាមបទបញ្ជារបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ។សមត្ថកិច្ចផែនការងារនគរបាលព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ បានធ្វើការស្រាវជ្រាវឈានដល់ការបង្រ្កាបបានជនសង្ស័យជនជាតិចិននិងខ្មែរចំនួន១៩នាក់ដែលបានប្រព្រឹត្តនៅចំណុចអាកាសយានដ្ឋានអន្តរជាតិភ្នំពេញ ផ្លូវសហព័ន្ធរុស្សី សង្កាត់កាកាប១ ខណ្ឌពោធ៍សែនជ័យ រាជធានីភ្នំពេញ ។ការបង្រ្កាបនោះធ្វើឡើងជាបន្តបន្ទាប់។
ដឹកនាំកម្លាំងដោយលោកឧត្តមសេនីយ៍ត្រី ប៊ុន សត្យា ស្នងការរងទទួលផែន ការងារនគរបាលព្រហ្មទណ្ឌ។ដែលបានធ្វើចាប់ផ្ដើមកាលពីទី០៦រហូតដល់ថ្ងៃទី១០ខែមីនាឆ្នាំ២០២៥ ដោយមានការសហការពីកម្លាំងនគរបាលខេត្តមណ្ឌលគីរី ខេត្តស្វាយរៀង និងខេត្តបន្ទាយមានជ័យ។សមត្ថកិច្ចដកហូតបានរថយន្តចំនួន ៥ គ្រឿង និងអាវុធខ្លីចំនួន១ ដើម ។ក្នុងចំណោមជនសង្ស័យទាំង១៩នាក់មានជនជាតិចិន២នាក់និងជនជាតិខ្មែរ១៧នាក់។
បច្ចុប្បន្នជនសង្ស័យ និងវត្ថុតាងទាំងអស់ ស្នងការដ្ឋាននគរបាលរាជធានីភ្នំពេញ បានកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ។ ដោយឡែកចំពោះបក្ខពួកជនសង្ស័យដែលនៅសេសសល់មួយចំនួនសមត្ថកិច្ចកំពុងស្រាវជ្រាវដើម្បីបន្តស្វែងរកឃាត់ខ្លួនយកមកចាត់ការតាមនីតិវិធី៕ ចុចបើក Link ដើម្បីទស្សនាព័ត៌មានពិស្ដារ៖https://youtu.be/_Zjstju_1Jc
រាជរដ្ឋាភិបាល សម្រេចឱ្យលុបចោលគម្រោងអភិវឌ្ឍន៍នៅលើតំបន់ទេសចរណ៍ភ្នំខ្នងផ្សារ តាមរយ:ការដកមកវិញនៅដីដែលមានការបោះបង្គោលព្រំ ដើម្បីថែរក្សាឱ្យបាននូវស្ថានភាពដើមនៃធម្មជាតិ សម្រាប់បម្រើជាឧត្តមប្រយោជន៍ដល់សហគមន៍ និងអ្នកទេសចរ ដោយមិនអនុញ្ញាតឱ្យមានការវិនិយោគនៅលើភ្នំឡើយ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/mqEO4cgqE8I
ធនាគារវិនិយោគអឺរ៉ុបសកល (EIB Global) បានផ្ដល់ជំនួយឥតសំណងចំនួន១៥លានអឺរ៉ូ ឬប្រមាណ១៦,២៦លានដុល្លារអាមេរិក ដល់កម្ពុជាដើម្បីគាំទ្រដល់ការអភិវឌ្ឍសេដ្ចកិច្ចជនបទ និងពាណិជកម្មផលិតផលកសិកម្ម។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/BCn330JHUhQ
ថ្លែងក្នុងឱកាសអញ្ជើញក្នុងពិធីស្រោចស្រពព្រះសុគន្ធវារីថ្វាយ និងប្រគេនសម្ដេចព្រះសង្ឃជាន់ខ្ពស់ព្រះពុទ្ធសាសនា នាព្រឹកថ្ងៃទី១៤ ខែមីនា ឆ្នាំ២០២៥នេះ សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជាបានចង្អុលបង្ហាញឱ្យក្រសួងធម្មការ ពិចារណាដាក់ «ប្រតិបត្តិសមាធិ» ក្នុងកម្មវិធីសិក្សារបស់ពុទ្ធិកសិក្សា ដើម្បីជាការធានាបាននូវសុខភាពផ្លូវកាយ ចិត្ត និងស្មារតី។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/IWCMCKbK7VE
ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានទទួលជួបសម្តែងការគួរសម និងពិភាក្សាការងារជាមួយលោក រ៉េតូ ហ្រ្គូនីនហ្គឺ (Reto Grüninger) នាយកទីភ្នាក់ងារស្វីសសម្រាប់ការអភិវឌ្ឍនិងកិច្ចសហប្រតិបត្តិការ(SDC) និងលោកស្រី នេលី ហ្គូសាយនី (Nellie Ghusayni) ប្រធានបេសកកម្មនៃអង្គការ ទេសន្តរប្រវេសន៍អន្តរជាតិ(IOM) ប្រចាំកម្ពុជា។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/HuvVSjoA_9w
ឯកឧត្តមបណ្ឌិត ហង្ស សាមឿន អនុប្រធានទី២ គណៈកម្មាធិការជាតិគ្រប់គ្រងគ្រោះមហន្តរាយនិងជាទីប្រឹក្សាផ្ទាល់សម្ដេចមហាបវរធិបតី ហ៊ុន ម៉ាណែត ជំរុញដល់ក្រសួងពាក់ព័ន្ធនូវក្របខ័ណ្ឌរចនាសម្ព័ន្ធសម្រាប់ការពង្រឹង គំនិតផ្តួចផ្តើមនៃប្រព័ន្ធ ប្រកាសអាសន្នឱ្យដឹងមុន គ្របដណ្តប់ទាំងថ្នាក់ជាតិនិងថ្នាក់មូលដ្ឋាន២០២៥-២០២៨ និងដើម្បីនាំការវិនិយោគឆ្ពោះទៅរកការពង្រឹង និងពង្រីកប្រព័ន្ធប្រកាសអាសន្នឱ្យដឹងមុន ដែលជាផ្នែកមួយនៃការគ្រប់គ្រងគ្រោះមហន្តរាយ កម្ពុជា។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/J5WdS7mfdJU
អភិបាលរងខេត្តស្វាយរៀង លោកម៉ែន អេង នាព្រឹកថ្ងៃទី១៣ខែមីនា ឆ្នាំ២០២៥ បានអញ្ជើញជាអធិបតីក្នុងពិធីផ្សព្វផ្សាយពីការជ្រើសរើសកម្មករកម្មការិនីឱ្យចូលធ្វើការងារផ្សេងៗក្នុងតំបន់រោងចក្រនៅក្នុងខេត្តស្វាយរៀង។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/VOnuVrst_oI
អភិបាលរង ខេត្តបន្ទាយមានជ័យ លោក ឈឿន ក្រៃយ៉ុង និង ប្រធាននាយកដ្ឋានលើកកម្ពស់អាហារូបត្ថម្ភ ក្រសួងផែនការ លោក ម៉ម បូរ៉ាត់ បានអញ្ជើញជាអធិបតីភាព ក្នុងសិក្ខាសាលាផ្សព្វផ្សាយ ស្តីពីការលើកកម្ពស់អាហារូបត្ថម្ភនៅកម្ពុជា ក្រោមប្រធានបទ “ការយល់ដឹងអំពីសារៈសំខាន់នៃការប្រើប្រាស់អំបិលអ៊ីយ៉ូដ “។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/BaQJDivDSqE
ពិធីនេះត្រូវបានរៀបចំឡើងនៅក្នុងបរិវេណសាលាបឋមសិក្សាស្រះចែង ស្ថិតនៅក្នុងភូមិប្រិយ៍ ឃុំទ្រាស ស្រុកស្វាយចេក ដោយមានការអញ្ជើញចូលរួមពីសំណាក់ ក្រុមប្រឹក្សាខេត្ត, អភិបាលខេត្ត, អាជ្ញាធរមូលដ្ឋានគ្រប់លំដាប់ថ្នាក់, កងកម្លាំងប្រដាប់អាវុធទាំងបីប្រភេទ ព្រមទាំងប្រជាពលរដ្ឋសរុបប្រមាណ ៨៥០នាក់។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/jY1Fj4vOrrI
(ភ្នំពេញ)៖ផ្ទះល្វែងជាន់ទី១ នៅក្នុងបុរីសូនីត្រូវបានព្រះអគ្គីលេបត្របាក់ កាលពីវេលាម៉ោង១១ព្រឹក, ថ្ងៃទី១៣ ខែមីនា ឆ្នាំ២០២៥។ ស្ថិតនៅផ្លូវបេតុងលេខ១៣៤. ភូមិឬស្សី១ សង្កាត់ស្ទឹងមានជ័យទី៣. ខណ្ឌមានជ័យរាជធានីភ្នំពេញ។
ប្រភពព័ត៌មាននៅកន្លែងកើតហេតុបានឲ្យដឹងថា, មុនពេលកើតហេតុម្ចាស់ផ្ទះបានចាក់សោរទ្វារចេញទៅធ្វើការនិងរកស៊ីបាត់អស់។ស្រាប់តែមានផ្សែងហុយចេញពីជាន់ទី១. បង្កឲ្យមានការភ្ញាក់ផ្អើលដល់អ្នកជិតខាងនិងកម្លាំងសមត្ថកិច្ចមូលដ្ឋាន,នាំគ្នាវាយកញ្ចក់ទ្វារនិងបង្អួច រួចយកបំពង់ពន្លត់អគ្គីភ័យបាញ់ការពារទប់ស្កាត់នៅទីតាំងកើតហេតុខាងលើ។ភ្លាមៗនោះសមត្ថកិច្ចបានបញ្ជូនរថយន្តពន្លត់អគ្គីភ័យជាច្រើនគ្រឿងចេញទៅជួយអន្តរាគមន៍បាញ់ទឹកទប់ស្កាត់ការពារកុំឲ្យមានការរាលដាលបន្តដល់ផ្ទះប្រជាពលរដ្ឋដែលនៅជិតខាង ។ អគ្គីភ័យនេះបានរលត់ទៅវិញទាំងស្រុងនៅវេលាម៉ោង១១និង៤០នាទី ថ្ងៃខែនិងឆ្នាំដដែល។
ហេតុការណ៍គ្រោះអគ្គីភ័យនេះពុំបណ្តាលឲ្យមានអ្នករងរបួសឬស្លាប់នោះទេ។ ដោយគ្រាន់តែរងការខូចខាតសម្ភារៈរបស់ម្ចាស់ផ្ទះមួយចំនួនប៉ុណ្ណោះ៕
ចុច LinK ទស្សនាព័ត៌មានពិស្ដារ៖https://youtu.be/WjnGrfxt5js
ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមការ ងារសហប្រតិបត្តិការជាមួយអង្គការសហប្រជាជាតិ និងដៃគូ អភិវឌ្ឍសម្រាប់ការអនុវត្តមុខងារសេសសល់នៃ អ.វ.ត.ក. បានដឹកនាំកិច្ចប្រជុំក្រុមការងារជាលើកទី២ ដែលមានការ អញ្ជើញចូលរួមពីឯកឧត្តម កែវ រ៉េមី ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណៈកម្មាធិការសិទ្ធិមនុស្សកម្ពុជា រួមទាំងថ្នាក់ដឹកនាំតំណាងក្រសួង ស្ថាប័នពាក់ព័ន្ធចំនួន១៤។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/wiqU9R7kV84
ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងកិច្ចប្រជុំផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១០ នារសៀលថ្ងៃទី១២ ខែមីនា ឆ្នាំ២០២៥នេះ បានដាស់តឿនដល់មន្ត្រីដែលពាក់ព័ន្ធនឹងបទល្មើសគ្រឿងញៀន សូមដកខ្លួនថយ និងកែប្រែឥរិយាបថជាបន្ទាន់ ពីព្រោះចាប់ពីអំណឹះតទៅ ការអនុវត្តពាក្យស្លោក ឆ្លុះកញ្ចក់ ងូតទឹកដុសក្អែល ព្យាបាល និងវះកាត់ សម្រាប់ការប្រយុទ្ធប្រឆាំងគ្រឿងញៀនខុសច្បាប់ គឺលែងឆ្លុះកញ្ចក់ ងូតទឹក ដុសក្អែល និងព្យាបាលទៀតហើយ ពោលគឺរាជរដ្ឋាភិបាល រួមទាំងក្រសួងមហាផ្ទៃ នឹងចាត់វិធានការវះកាត់សាច់ស្អុយចោលតែម្ដង។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/RHP8U7eflIQ
ឯកឧត្តម បាវីតលុង វ៉ាន់ឡាល់វ៉ាវណា (Bawitlung Vanlalvawna) ឯកអគ្គរដ្ឋទូតឥណ្ឌា ប្រចាំព្រះរាជាណាចក្រកម្ពុជា បានគូសបញ្ជាក់ថា ទំនាក់ទំនងឥណ្ឌា-កម្ពុជាគួរតែត្រូវបានលើកកម្រិតឱ្យកាន់តែខ្ពស់ថែមទៀត។ ការគូសបញ្ជាក់នេះ ធ្វើឡើងក្នុងឱកាស សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអនុញ្ញាតឱ្យរូបលោកចូលជួបសម្តែងការគួរសម និងពិភាក្សាការងារ នៅវិមានសន្ដិភាព ព្រឹកថ្ងៃ ទី១៣ ខែមីនា ឆ្នាំ២០២៥។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/6bPrf2_kFYs
