លោកជំទាវ គ្រីស្ទីណា គូវ៉ាចា សាន់តូពូឡូស ឯកអគ្គរដ្ឋទូតហ្វាំងឡង់ប្រចាំព្រះរាជាណាចក្រកម្ពុជា ដែលមាននិវេសនដ្ឋាននៅទីក្រុងបាងកកបានប្ដេជ្ញាពង្រឹង និងពង្រីកកិច្ចសហ ប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត។ ការប្តេជ្ញានេះធ្វើឡើង នារសៀលថ្ងៃទី១២ ខែមីនា ឆ្នាំ២០២៥ ក្នុងឱកាសសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតលោកជំទាវឯកអគ្គរដ្ឋទូត ចូលជួបសម្តែងការគួរសម និងពិភាក្សាការងារ នៅវិមានសន្ដិភាព។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/k6YUrq-dmYI

សម្តេចតេជោ ហ៊ុន សែន ប្រមុខរដ្ឋស្ដីទី មានប្រសាសន៏ថា មានតែការចរចារវាងភាគីពាក់ព័ន្ធ នឹងឈានទៅដល់ដំណោះស្រាយរហូតដល់បញ្ចប់សង្គ្រាមរវាងរុស្ស៊ី និងអ៊ុយក្រែនបានឆាប់។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/3M6SMFRA59k

ពិធីនេះបានប្រព្រឹត្តទៅនៅស្នងការដ្ឋាននគរបាលខេត្តព្រះវិហារ នៅព្រឹកថ្ងៃទី ១១ ខែមីនា ឆ្នាំ ២០២៥ ក្រោមអធិបតីភាព ឯកឧត្តម គីម រិទ្ធី អភិបាលខេត្ត និងជាអនុប្រធានសហភាពសហព័ន្ធយុវជនកម្ពុជាខេត្តព្រះវិហារ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/39Rojdu5aL4

ថ្លែងនៅក្នុងពិធីបើកការដ្ឋានសាងសង់ផ្លូវកៅស៊ូ dbst ចំនួន១ខ្សែប្រវែងជិត ៦គីឡូម៉ែត្រ នៅឃុំថ្មឥដ្ឋ និងឃុំឈូក ស ស្រុកកំពង់ត្រឡាច នៅព្រឹកថ្ងៃទី ១២ខែមីនា ឆ្នាំ២០២៥នេះ។ឯកឧត្តម ស៊ុន សុវណ្ណារិទ្ធិ បានបញ្ជាក់ថាក្រោមម្លប់នៃសុខសន្តិភាពដ៏ពេញលេញ កម្ពុជាបានធ្វើការអភិវឌ្ឍរីកចម្រើនលើគ្រប់វិស័យបានយ៉ាងឆាប់រហ័ស។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/5HNQ8noJLXg

ពិធីនេះប្រារព្ធឡើង ក្រោមអធិបតីភាពឯកឧត្ដម ប្លែក វ៉ារី ប្រធានក្រុមប្រឹក្សាខេត្ត លោកជំទាវ នួម សុភ័ណ សមាជិករដ្ឋសភា ឯកឧត្តម អ៊ុ រាត្រី អភិបាលខេត្ត និងលោកជំទាវ ព្រមទាំងមានការចូលរួមពីក្រុមការងារក្រសួងកិច្ចការនារី មន្ត្រីរាជការជានារី បានចូលរួមប្រារព្ធធ្វើឡើងនៅសាលប្រជុំ ធំ សាលាខេត្តបន្ទាយមានជ័យ នៅរសៀលថ្ងៃទី១១ ខែមីនា ឆ្នាំ២០២៥ ។​

សូមចុច Link ដើម្បីទស្សនាព័ត៌មានពិស្ដារ៖ https://youtu.be/vNmEMCkcM8Y

ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយវិទ្យាស្ថានជាតិពហុបច្ចេកទេសតេជោសែន និង សហភាពសហព័ន្ធយុវជនកម្ពុជាវិស័យការងារ សន្តិសុខសង្គម និងបណ្តុះបណ្តាលវិជ្ជាជិវៈ នឹងរៀបចំវេទិកាការងារ និងឱកាសកម្មសិក្សាការងារ នៅថ្ងៃព្រហស្បតិ៍ ទី១៣ ខែមីនា ឆ្នាំ២០២៥ ស្អែកនេះ នៅក្នុងបរិវេណវិទ្យាស្ថានជាតិពហុបច្ចេកទេសតេជោសែនដែលមានទីតាំងនៅខេត្តកណ្តាល។ វេទិកាការងារនេះ នឹងនាំយកឱកាសការងារថ្មីបន្ថែមទៀតចំនួន ២០០២ កន្លែង ពីក្រុមហ៊ុនធំៗចំនួន ២៣ សម្រាប់ផ្តល់ជូនយុវជន សិស្ស/និស្សិត និងអ្នកកំពុងស្វែងរកការងារធ្វើ ដើម្បីដាក់ពាក្យ និងសម្ភាសភ្លាមៗនៅមួយកន្លែងងាយស្រួល។

ក្រុមហ៊ុនធំៗទាំង២៣ ដែលនឹងចូលរួមក្នុងវេទិកាការងារនេះ មានដូចជា៖ ធនាគារ PRINCE BANK, ធនាគារ LOLC,ក្រុមហ៊ុន VATTANAC, ក្រុមហ៊ុន S.N.K.R.P, ក្រុមហ៊ុន មេហ្គាលីស៊ីង, មីក្រូហិរញ្ញវត្ថុ BAMBOO, ក្រុមហ៊ុន CHIP MONG BANK,ធនាគារកាណាឌីយ៉ា, មីក្រូហិរញ្ញវត្ថុ មហានគរ,ក្រុមហ៊ុន MEKONGNET, KB BRASAC BANK, ក្រុមហ៊ុន O.M.I.D.A.S, ក្រុមហ៊ុន TRUMP, ក្រុមហ៊ុន វីរៈបុត្រ, ក្រុមហ៊ុន OcominKhmer,ក្រុមហ៊ុន ROYAL GROUP, មីក្រូហិរញ្ញវត្ថុ AMK, ក្រុមហ៊ុន One Fraternity,ក្រុមហ៊ុន GGEAR GROUP, អង្គការ DDD, ផ្សារទំនើប LUCKY និងក្រុមហ៊ុន LEO PUMP។

ចំពោះ យុវជន សិស្ស/និស្សិត និងអ្នកកំពុងតែស្វែងរកការងារធ្វើ ឬចង់ផ្លាស់ប្តូរការងារ អាចយកប្រវត្តិរូបសង្ខេប (CV) ដើម្បីចូលរួមដាក់ពាក្យ និងសម្ភាសផ្ទាល់ជាមួយតំណាងក្រុមហ៊ុនទាំងនេះបាន ចាប់ពីម៉ោង ៨:០០ព្រឹក ដល់ម៉ោង ០៥:០០ល្ងាច នៅក្នុងបរិវេណវិទ្យាស្ថានជាតិពហុបច្ចេកទេសតេជោសែន ដែលមានទីតាំងនៅផ្លូវជាតិ២១ ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល។

លោក គុយ សុខា មន្រ្តីផ្នែក Partnership នៃអង្គការប្រព័ន្ធទិន្នន័យកម្ពុជា(DDD) លើកឡើងថា លោកពិតជាសប្បាយចិត្តក្នុងការចូលរួមជាមួយ NEA ពិសេសសម្រាប់កម្មវិធីវេទិកាការងារនេះ ដើម្បីផ្តល់ព័ត៌មានពីទីផ្សារការងារ និងឱកាសការងារដល់សិស្ស/និស្សិត។ លោកក៏បានអំពាវនាវដល់យុវជនមកចូលរួមក្នុងវេទិកាការងារនេះឱ្យបានច្រើនកុះករផងដែរ៕

សូមចុច Link ដើម្បីទស្សនាព័ត៌មានពិស្ដារ៖ https://youtu.be/0NrLFXl2Nzg

ឯកឧត្តមបណ្ឌិត អ៊ាង សុផល្លែត បានគូសបញ្ជាក់ថា ចំពោះបញ្ហាបង្ហូរទឹករាវ  កខ្វក់ចូលទឹកធម្មជាតិ ក្រសួងនឹងអនុវត្តច្បាប់មិនលើកលែងជាដាច់ខាត ការធ្វើបែបនេះដើម្បីការពារសុខភាពពលរដ្ឋកម្ពុជា ពីការពុលទឹកបណ្តាមកពីការគ្មានទំនួលខុសពីឈ្មួញខិលខូច។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/kDSLCoBEjnU

ការថ្លែងបែបនេះរបស់សម្ដេចម៉ែន សំអន នៅក្នុងពិធីអបអរសាទរ ទិវាអន្តរជាតិនារី ៨មិនា ខួបលើកទី១១៤ក្រោមប្រធានបទ សិទ្ធិ សមភាព និងភាពអង់អាចចំពោះស្ត្រី និងក្មេងស្រីគ្រប់រូប នៅវិទ្យាល័យហ៊ុនសែនស្វាយរំពារ ស្ថិតក្នុងឃុំស្វាយរំពារ ស្រុកស្វាយទាប ខេត្តស្វាយរៀង ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/tgEtkHgBjtI

ប្រតិភូសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តព្រះវិហារ ដឹកនាំដោយលោកជំទាវ សុខា គងពិសី ជាប្រធានកិត្តិយសសមាគម និងមានការចូលរួមពីឯកឧត្តម គីម រិទ្ធី អភិបាលខេត្តព្រះវិហារ បានអញ្ជើញចុះជួបសំណេះ សំណាល និងចែកអំណោយជាសម្ភារៈសិក្សា និងថវិកា ដល់សិស្សានុសិស្ស និងលោកគ្រូ អ្នកគ្រូ នៅសាលាបឋមសិក្សាស្រែវាល និងសាលាបឋមសិក្សាភ្ញាក់រំលឹក ស្ថិតក្នុងឃុំធ្មា ស្រុកជ័យសែន ខេត្តព្រះវិហារ។
លោកជំទាវ សុខា គងពិសី បានថ្លែងពីក្ដីរំភើបរីករាយដែលបានមកជួប និងចែករំលែកនូវទឹកចិត្តសប្បុរសធម៌ដល់សិស្សានុសិស្ស និងលោកគ្រូ អ្នកគ្រូ។ លោកជំទាវបានសង្កត់ធ្ងន់ថា ការអប់រំគឺជាគ្រឹះដ៏សំខាន់សម្រាប់ការអភិវឌ្ឍន៍ប្រទេសជាតិ។ ដូច្នេះ សមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តព្រះវិហារ នឹងបន្តខិតខំប្រឹងប្រែងក្នុងការគាំទ្រ និងលើកកម្ពស់វិស័យអប់រំនៅកម្ពុជា។

អភិបាលខេត្តព្រះវិហារ ឯកឧត្តម គីម រិទ្ធី បានសម្ដែងនូវការកោតសរសើរចំពោះសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តព្រះវិហារ ដែលបានរៀបចំកម្មវិធីដ៏មានសារៈសំខាន់នេះ។ ឯកឧត្តមបានកោតសរសើរចំពោះការខិតខំប្រឹងប្រែងរបស់លោកជំទាវ សុខា គងពិសី និងសមាជិកសមាគមទាំងអស់ ដែលបានយកចិត្តទុកដាក់លើការអប់រំ និងសុខុមាលភាពរបស់សិស្សានុសិស្ស និងអាណាព្យាបាល។ ឯកឧត្តមបានបន្ថែមថា កម្មវិធីនេះមិនត្រឹមតែជាការផ្តល់អំណោយប៉ុណ្ណោះទេ ប៉ុន្តែវាក៏ជាការបង្ហាញពីការយកចិត្តទុកដាក់ និងការគាំទ្ររបស់រាជរដ្ឋាភិបាលចំពោះការអប់រំ និងការអភិវឌ្ឍន៍ធនធានមនុស្សផងដែរ។

ជាមួយគ្នានេះ ឯកឧត្តមបានណែនាំដល់គណៈគ្រប់គ្រងសាលា និងអាជ្ញាធរពាក់ព័ន្ធទាំងអស់ ឱ្យធ្វើការត្រួតពិនិត្យ និងវាយតម្លៃជាប្រចាំនូវស្ថានភាពហេដ្ឋារចនាសម្ព័ន្ធរបស់សាលា។ហើយត្រូវកំណត់ឱ្យបានច្បាស់លាស់នូវចំណុចដែលត្រូវការជួសជុល ឬកែលម្អដូចជា ដំបូល បង្គន់អនាម័យ បន្ទប់រៀន និងបរិវេណសាលាទាំងមូល។ ឯកឧត្តមបានបញ្ជាក់ថា ការកែលម្អហេដ្ឋារចនាសម្ព័ន្ធសាលារៀន មិនត្រឹមតែធ្វើឱ្យបរិយាកាសសិក្សាកាន់តែប្រសើរឡើងប៉ុណ្ណោះទេ។ប៉ុន្តែវាក៏ជាការបង្ហាញពីការយកចិត្តទុកដាក់ចំពោះសុខុមាលភាព និងអនាគតរបស់សិស្សានុសិស្សផងដែរ៕

សូមចុច Link ដើម្បីទស្សនាព័ត៌មានពិស្ដារ៖ https://youtu.be/jaHEYwTsf0w

ថ្លែងពីមជ្ឈមណ្ឌលសន្និបាតកោះពេជ្រ ក្នុងពិធីចែកសញ្ញាបត្រជូនដល់និស្សិតវិទ្យាស្ថានវ៉ាន់ដា នៅព្រឹកថ្ងៃទី១១ ខែមីនានេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានប្រសាសន៏ថា ការរៀបចំព្រឹត្តិការណ៍អង្គរសង្ក្រាន្តនៅសៀមរាបឆ្នាំនេះ គឺជាការបង្កើតព្រឹត្តិការណ៍ទេសចរណ៍ ដើម្បីទាក់ទាញអ្នកទេសចរ មិនមែនជាការបង្កើតព្រឹត្តិការណ៍បង្វែរការចាប់អារម្មណ៍មហាជនលើរឿងបញ្ហាសង្គម ដូចវិទ្យុអាស៊ីសេរីផ្សាយនោះឡើយ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/nop5eOM8ED8

ស្ពានអាកាស «មរតកតេជោ» ប្រសព្វរវាងមហាវិថីព្រះមុនីវង្ស មហាវិថីសម្តេចតេជោ ហ៊ុន សែន និង មហាវិថីយោធពលខេមរភូមិន្ទ (ផ្លូវ២៧១) ក្នុងខណ្ឌមានជ័យ និងខណ្ឌចំការមន គិតមកដល់ពេលនេះ ការដ្ឋានទាំងមូលសម្រេចបាន៩៩% ហើយ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/sjl4BGO90yU

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រ កម្ពុជា បានឲ្យដឹងថា រាជរដ្ឋាភិបាលបានលុបចោលគម្រោងអភិវឌ្ឍរីសតនានាជាច្រើន ដែលដាក់ស្នើនៅតំបន់ភ្នំខ្នងផ្សារ។ ការមិនអនុញ្ញាតឱ្យវិនិយោគនៅទីនោះក៏ព្រោះតែ ដើម្បីទុកសម្រាប់សហគមន៏បង្កើតមុខរបរ បង្កើនចំណូល នៅក្នុងគ្រួសារ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/d2SaTGeaehg

សម្ដេចតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា ចង់ឱ្យកម្ពុជា ក៏ដូចសិង្ហបុរី សម្លឹងមើលក្នុងក្របខណ្ឌអាស៊ានសម្រាប់ការធ្វើពាណិជ្ជកម្ម ព្រោះក្នុងក្របខណ្ឌអាស៊ា នមានប្រជាជនរហូតទៅដល់៦០០លាននាក់ ដែលជាទីផ្សារមួយដ៏ធំ គួរតែយកចិត្តទុកដាក់ ដែលអំណោយផលសម្រាប់ការធ្វើពាណិជ្ជកម្ម។ ការបញ្ជាក់របស់សម្តេចតេជោ ធ្វើឡើងនៅក្នុងឱកាស អនុញ្ញាតិឱ្យលោកជំទាវ ធាវ ឡេ ឈិង (Teo Lay Cheng) ឯកអគ្គរដ្ឋទូតនៃសាធារណរដ្ឋសឹង្ហបុរី ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នៅព្រឹកថ្ងៃទី១១ ខែមីនានេះ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/52yHEZsi-RE