សុខភាព៖ពួកអ្នកស្រាវជ្រាវអាមេរិកបាននិយាយថា មនុស្សដែលទទួលទានអាហារមានជាតិប្រូតេអ៊ីនទាបតែសម្បូរសារធាតុកាល់ ឡូរីខ្ពស់គឺទោរទន់ទៅរកការឡើងខ្លាញ់ក្នុងរាងកាយច្រើនជាងមនុស្សដែល ទទួលទានអាហារមានសារធាតុប្រូតេអ៊ីនច្រើនជ្រុលទៅទៀត ។
មនុស្សដែលទទួលទានអាហារមានជាតិប្រូតេអ៊ីនទាបមានការឡើង ទំងន់តិចតួចសរុបជារួម ក៏ប៉ុន្តែថាមពលបន្ថែម (អាហារសម្បូរជាតិកាល់ឡូរីខ្ពស់) កាន់តែច្រើនរបស់ពួកគេត្រូវបានរក្សាទុកជាសារធាតុខ្លាញ់ច្រើនជាង មនុស្សដែលទទួលទានអាហារមានជាតិប្រូតេអ៊ីនកំរិតមធ្យម និង កំរិតខ្ពស់ទៅទៀត ។
អ្នក ដែលទទួលទានអាហារមានជាតិប្រូតេអ៊ីនកំរិតទាបបានឡើងទំងន់ប្រហែល ពាក់កណ្តាលដូចអ្នកផ្សេងដែរ គឺឡើងទំងន់ជាមធ្យម ៣,១៦ គីឡូ អំឡុងពេលនៃការសិក្សា បើប្រៀបធៀបទៅនឹងទំងន់ ៦,០៥ គីឡូក្នុងក្រុមមនុស្សដែលទទួលទានអាហារមានជាតិប្រូតេអ៊ីនកំរិត ធម្មតា និង ទំងន់ ៦,៥១ គីឡូក្នុងក្រុមមនុស្សដែលទទួលទានអាហារមានជាតិប្រូតេអ៊ីនកំរិតខ្ពស់ ។
ក៏ប៉ុន្តែការកើនឡើងទំងន់បន្ថែមដ៏ច្រើនគឺកើតមានក្នុងទំរង់ជាតិ ខ្លាញ់ច្រើនក្នុងរាងកាយដែលមនុស្សទទួលទានអាហារមានកំរិតជាតិ ប្រូតេអ៊ីនមធ្យម និង ខ្ពស់មានការឡើងទំងន់ ចំណែកឯអ្នកដែលទទួលទានអាហារមានជាតិប្រូតេអ៊ីនទាបបានស្រកទំងន់៕
