រាជធានី-ខេត្ត១៤ នឹងជួបបាតុភូត ផ្គរ រន្ទះ និងខ្យល់កន្ត្រាក់ នៅថ្ងៃទី២៥-២៦ ខែមីនានេះ
រាជធានីភ្នំពេញ៖ក្រសួងធនធានទឹក និងឧតុនិយមបានឲ្យដឹងថា នៅថ្ងៃទី ២៥-២៦ ខែមីនា ឆ្នាំ២០១៦ នេះ រាជធានី/ខេត្ត ចំនួន១៤ និងជួបបាតុភូត ផ្គរ រន្ទះ និងខ្យល់កន្ត្រាក់ នៅពេលមេឃរកកលភ្លៀង ដូច្នេះសូមប្រជាពលរដ្ឋទាំងអស់ មានការប្រុងប្រយ័ត្ន។
នេះបើយោងតាមសេចក្តីជូនដំណឹងរបស់ក្រសួងធនធានទឹក នៅថ្ងៃទី២៣ ខែមីនា ឆ្នាំ២០១៦នេះ។ សេចក្តីប្រកាសព័ត៌មានឲ្យដឹងថា រាជធានី-ខេត្តទាំង១៤ នោះរួមមាន រាជធានីភ្នំពេញ ខេត្តកណ្តាល ខេត្តកំពង់ឆ្នាំង ខេត្តតាកែវ ខេត្តកោះកុង ខេត្តកែប ខេត្តកំពត ខេត្តពោធិ៍សាត់ ខេត្តបាត់ដំបង ខេត្តប៉ៃលិន ខេត្តសៀមរាប ខេត្តកំពង់ធំ ខេត្តកំពង់ស្ពឺ និងខេត្តព្រះសីហនុ៕
