ឃាត់មនុស្សប្រុសស្រី២០នាក់រួមនិងថ្នាំញៀនម៉ាទឹកកក៦កញ្ចប់នៅខណ្ឌសែនសុខ
រាជធានីភ្នំពេញ៖កម្លាំងកងរាជអាវុធហត្ថរាជធានីភ្នំពេញក្របួចមនុស្សប្រុសស្រី២០នាក់រួមទាំងថ្នាំញៀនប្រភេទម៉ាទឹកកក៦កញ្ចប់ និងសម្ភារសម្រាប់ជក់មួយចំនួនទៀត។ ករណីនេះធ្វើឡើងឡើងកាលពីយប់ថ្ងៃទី៥ ខែមេសា ឆ្នាំ២០១៦ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ប្រតិបត្តិការបង្ក្រាបនេះ ដឹកនាំដោយលោក ប៉ាន សុភាព នាយការិយាល័យប្រឆាំងគ្រឿងញៀន នៃរាជអាវុធហត្ថរាជធានីភ្នំពេញ សហការជាមួយអាវុធខណ្ឌសែនសុខ ដោយមានការសម្របសម្រួល ពីលោកព្រះរាជអាជ្ញារង មាស ច័ន្ទពិសិទិ្ធ។
ក្រោយពេលបង្ក្រាបបានមុខសញ្ញាចែកចាយ និងប្រើប្រាស់គ្រឿងញៀននេះ ត្រូវបានអាវុធហត្ថក្រុងនាំខ្លួនទៅទីបញ្ជាការដ្ឋាន ដើម្បីរៀបចំសំណុំរឿងបញ្ជូនទៅតុលាការចាត់ការតាមនីតិវិធី៕
