ឃាត់ខ្លួនជនសង្ស័យ៨នាក់ពាក់ព័ន្ធគ្រឿងញៀន
រាជធានីភ្នំពេញ៖កម្លាំងអធិការដ្ឋាននគរបាលខណ្ឌសែនសុខបានចុះរដ្ឋបាលលើទីតាំងសង្ស័យជួញដូរចែកចាយ និងផ្តល់ទីតាំងអោយប្រើប្រាស់គ្រឿងញៀនឃាត់ខ្លួនជនសង្ស័យ៨នាក់ រួមទាំងឧបករណ៍ប្រើប្រាស់គ្រឿងញៀនមួយចំនួន។ ករណីនេះធ្វើឡើងនៅវេលាម៉ោង១១ និង០០នាទី ថ្ងៃទី៨ ខែមេសា ឆ្នាំ២០១៦ នៅភូមិត្រពាំងឈូក សង្កាត់ទឹកថ្លា ខណ្ឌសែនសុខ។
តាមប្រភពព័ត៌មានបានរាយការណ៍ថា បច្ចុប្បន្ន ជនសង្ស័យទាំង៨នាក់ដែលខ្លួនខាងលើនេះ កំពុងធ្វើការសាកសួរដើម្បីកសាងសំណុំរឿងបញ្ជូនទៅតុលាការអនុវត្តន៍តាមនីតិវិធី៕
