ខេត្តចំនួន៩នឹងមានបាតុភូតភ្លៀង ផ្គរ រន្ទះ និងខ្យល់កន្ត្រាក់ពីថ្ងៃទី១៩-២២ មេសា
រាជធានីភ្នំពេញ៖ខេត្តចំនួន៩ របស់កម្ពុជានឹងអាចប្រឈមខ្លាំងជាមួយនឹងបាតុភូត ភ្លៀង ផ្គរ រន្ទះ និងខ្យល់កន្ត្រាក់ចាប់ពីថ្ងៃទី១៩ ដល់២២ ខែមេសា ឆ្នាំ២០១៦ខាងមុខនេះ។ នេះបើយោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម។
ក្នុងសេចក្តីជូនដំណឹងបញ្ជាក់ថា ខេត្ត៩នោះ រួមមាន ពោធិ៍សាត់ បាត់ដំបង ប៉ៃលិន បន្ទាយមានជ័យ សៀមរាប ឧត្តរមានជ័យ ព្រះវិហារ កំពង់ធំ និងខេត្តក្រចេះ ហើយមាន៦ខេត្តដែលប្រឈមខ្លាំងជាងគេ គឺ ពោធិ៍សាត់ បាត់ដំបង ប៉ៃលិន បន្ទាយមានជ័យ សៀមរាប និងខេត្តព្រះវិហារ។ ជាមួយគ្នានោះក្រសួងធនធានទឹកក៏បានប្រកាសអាសន្នឱ្យប្រជាពលរដ្ឋ មានការប្រុងប្រយ័ត្នខ្ពស់បំផុត៕ ខាងក្រោមនេះ ជាសេចក្តីប្រកាសរបស់ក្រសួងធនធានទឹក៖
