តុលាការកោះហៅ កញ្ញា ធី សុវណ្ណថា និងស្រីមុំ មកបំភ្លឺនៅថ្ងៃទី២៨ មេសា
រាជធានីភ្នំពេញ៖សាលាដំបូងរាជធានីភ្នំពេញ បានចេញដីកាកោះហៅ កញ្ញា ធី សុវណ្ណថា មកសាកសួរនៅថ្ងៃទី២៨ ខែមេសានេះ អំពីដំណើររឿងដែលខ្លួនប្តឹងអំពីអំពើបរិហារកេរ្តិ៍ តាមរយៈខ្សែអាត់សំឡេង។
ទន្ទឹមនោះតុលាការក៏បានកោះហៅ កញ្ញា ខុម ចាន់ដារ៉ាទី ហៅ ស្រីមុំ ឲ្យចូលមកាន់អយ្យការអមសាលាដំបូងរាជធានីភ្នំពេញ នៅវេលាម៉ោង៨៖៣០នាទី ព្រឹកថ្ងៃទី២៩ ខែមេសា ឆ្នាំ២០១៦ ផងដែរ។
ពាក់ព័ន្ធករណីខាងលើនៅថ្ងៃនេះ ម្ចាស់ Page «រឿងពិត CNRP» ដែលត្រូវបានគេស្គាល់ថា ជា Page មួយបានទម្លាយខ្សែអាត់សំឡេង នៃការសន្ទនារបស់លោក កឹម សុខា ជាមួយស្រីស្នេហ៍ ជាច្រើននាក់ ក៏ បានកោតសរសើរនូវសេចក្តីក្លាហានរបស់ស្រី មុំ ដែលបានទម្លាយការពិតពីទំនាក់ទំនងជាមួយលោក កឹម សុខា៕
