ចាប់ខ្លួនម្តាយកូន២នាក់ជាមុខសញ្ញាជួញដូរគ្រឿងញៀននៅស្រុកស្នួល
ខេត្តក្រចេះ៖កម្លាំងនគរបាលព្រហ្មទណ្ឌស្រុកបានបានបើកប្រតិបត្តការបង្ក្រាបមុខសញ្ញាជួញដូរគ្រឿងញៀនធំមួយដោយបានឃាត់ខ្លួនជនសង្ស័យជាស្ត្រី២នាក់ម្តាយ និងកូន ប្រតិបត្តិការនេះធ្វើឡើងកាលពីល្ងាចថ្ងៃទី២៨ ខែមេសា ឆ្នាំ២០១៦ ស្ថិតនៅឃុំស្នួល ស្រុកស្នួល ខេត្តក្រចេះ។
អធិការរងនគរបាលស្រុកស្នួល លោកវរសេនីយ៍ទោ ប៊ុត នឿន បានឲ្យដឹងថា ក្នុងប្រតិបត្តិការបង្ក្រាបករណីរក្សា ទុកជួញដូរនិងចែកចាយគ្រឿងញៀន ពីសំណាក់កម្លាំងនគរបាលស្រុកទៅលើស្ត្រីជាមុខសញ្ញាទាំងពីរនាក់ម្តាយនិងកូននេះ នគរបាលបានឆែកឆេររកឃើញថ្នាំញៀនប្រភេទម្សៅក្រាមពណ៌ស(ម៉ាទឹកក)ចំនួន៥ កញ្ចប់ធំនិង៤កញ្ចប់តូច និងថ្នាំញៀនគ្រាប់ប្រភេទយ៉ាម៉ាចំនួន៩គ្រាប់ ព្រមទាំងសម្ភារះសម្រាប់ប្រើប្រាស់មួយចំនួនធំ៕
