ខេត្តបន្ទាយមានជ័យ៖ស្ត្រីខ្មែរម្នាក់ជាលក់ភេសជ្ជៈនៅក្នុងផ្សាររោងក្លឿ ប្រទេសថៃ ត្រូវបានជនមិនស្គាល់មុខ២នាក់ពាក់មួកនិងបិទមុខចាប់ចូលរថយន្តដោយមិនដឹងពីមូលហេតុ និងធ្វើឲ្យមានការភ្ញាក់ផ្អើលយ៉ាងខ្លាំង។ ហេតុការណ៍ធ្វើឲ្យមានការភ្ញាក់ផ្អើលនេះ បានកើតឡើងម៉ោង៧ និង៣០នាទីព្រឹក ថ្ងៃទី៣ ខែឧសភា ឆ្នាំ២០១៦ នៅចំណុចផ្លូវស៊យសាលាដែង ខាងក្រោយហាងមានយីហោ «អឹមអឹម» ក្នុងផ្សារោងក្លឿរប្រទេសថៃ។
បុរសម្នាក់ដែលគេស្គាល់ថា ជាប្តីរបស់ស្ត្រីរងគ្រោះ ឈ្មោះ សាន់ វិទូ បានរៀបរាប់ថា ប្រពន្ធរបស់ខ្លូន ដែលត្រូវជនមិនស្គាល់ ចាប់យកទៅនោះឈ្មោះ ជ័យ សុភ័ណ ភេទស្រី អាយុ២៧ឆ្នាំ រស់នៅក្រុងសិរីសោភ័ណមុខរបរលក់ដូរ នៅកន្លែងកើតហេតុនេះតែម្តង ។ នៅមុនកើតហេតុគឺ ប្រពន្ធខ្លួនបានមកកន្លែងលក់ដូរដូចសព្វដង លុះថ្ងៃកើតហេតុ គឺស្ត្រីរងគ្រោះបានមកដល់កន្លែងប្រហែលជា១០នាទី ក៏មានជនសង្សយ័ចំនួន២នាក់ខាងលើ បានបើករថយន្តមកឈប់រួចអង្គុយនិយាយលេង នៅកន្លែងកើតហេតុបានមួយសន្ទុះ ក្រោយមកជនមិនស្គាល់មុខ ខាងលើបានដើរទៅទិញទឹកសុទ្ធ១ដប ពីស្ត្រីរងគ្រោះកំពុងតែលក់ស្រាប់តែភ្លាមៗនោះ ជនមិនស្គាល់មុខទាំង២ខាងលើ បានចាប់ស្ត្រីជាអ្នកលក់ដាក់បញ្ចូល ក្នុងរថយន្តរួចបើក រថយន្តគេចចេញពីកន្លែងកើតហេតុ បាត់ស្រមោលតែម្តង។
ប្រជាពលរដ្ឋបានបញ្ជាក់ថា ជនសង្ស័យទាំង២នាក់នោះមានពាក់មួក និងបិទមុខដូចនិនចារ ប៉ុន្តែ៤-៥ថ្ងៃមុន គេបានឃើញជនសង្ស័យខាងលើឧស្សាហ៍ មកអង្គុយនិយាយលេងជាមួយស្ត្រីរងគ្រោះនេះណាស់ ។ ក្រោយពីកើតហេតុគេឃើញ មានសមត្ថកិច្ចថៃចុះមកត្រួតពិនិត្យ និងកំណត់មុខសញ្ញា តែយ៉ាងណាពុំទាន់ដឹងថា ជនសង្ស័យ២នាក់នោះជាជនជាតិថៃ ឬជនជាតិខ្មែរឡើយ ៕
