ខេត្តរតនគិរី៖រថយន្តចំនួន០២គ្រឿងនៅចំណុចផ្ទះចំការកៅស៊ូ១០០ហិកតាស្ថិតនៅក្នុងភូមិតាអងប៉ុក ឃុំតាអង ស្រុកកូនមុំ ត្រូវបានចោរចូលលួចដុតនៅវេលាម៉ោង១១ និង០០នាទីយប់ថ្ងៃទី០៨ ខែឧសភា ឆ្នាំ២០១៦។
យោងតាមប្រភពពីសមត្ថកិច្ចបានឱ្យដឹងថា ម្ចាស់ចំការឈ្មោះ ស៊ឹម អៀង ភេទប្រុស អាយុ៦៨ឆ្នាំ ជនជាតិខ្មែរ មុខរបរធ្វើចំការ រស់នៅក្រុងភ្នំពេញ ។ ចំណែកអ្នកទទួលខុសត្រូវរួមមានឈ្មោះ ទុយ ស៊ឺវិល ភេទប្រុស អាយុ៥៨ឆ្នាំ ជនជាតិខ្មែរមុខរបរប្រធានពន្ធដាខេត្តរតនគិរី រស់នៅភូមិ៤សង្កាត់កាចាញក្រុងបានលុងនិងមេការប្រចាំនៅចំការ២នាក់ ១.ឈ្មោះ សុន ហេ ភេទប្រុស អាយុ៥៩ឆ្នាំ ជនជាតិខ្មែរមុខរបរ មេការស្នាក់នៅភូមិតាអងប៉ុកឃុំតាអងស្រុកកូនមុំខេត្តរតនគិរី។ ២.ឈ្មោះចាន់ ដារ៉ា ភេទប្រុសអាយុ ៤៩ឆ្នាំ ជនជាតិខ្មែរមុខរបរ មេការស្នាក់នៅភូមិតាអងប៉ុក ឃុំតាអង ស្រុកកូនមុំ ខេត្តរតនគិរី ។
រថយន្តទីមួយម៉ាកនីសាន់មួយបាំងកន្លះពណ៍ក្រហមផ្លាកលេខភ្នំពេញ២Q.០២៦៦(ខូចខាតទាំងស្រុង)រថយន្តទី២ម៉ាកតាកូម៉ាមួយបាំងកន្លះពណ៍ស្លែពាក់ស្លាកលេខភ្នំពេញ២V.៥៩៥៦។ បច្ចុប្បន្នកម្លាំងកំពង់ធ្វើការស្រាវជ្រាវរកមុខសញ្ញាដើម្បីយកមកផ្តន្ទាទោសទៅតាមផ្លូវច្បាប់៕
