រាជធានីភ្នំពេញ៖នៅព្រឹកថ្ងៃទី១០ ខែឧសភា ឆ្នាំ២០១៦នេះ នៅអធិការដ្ឋាននគរបាលខណ្ឌជ្រោយចង្វា ធ្វើការបង្ហាញមុខជនសង្ស័យ៦នាក់ ពាក់ព័ន្ធករណីគ្រឿងញៀន បន្ទាប់ពីឃាត់ខ្លួនបានជាបន្តបន្ទាប់ កាលពីវេលាម៉ោង១១ និង០០នាទី ថ្ងៃទី០៩ ខែឧសភា ឆ្នាំ២០១៦នេះ នៅត្រង់ចំណុចមុខវត្តគៀនឃ្លាំង ផ្លូវជាតិលេខ៦ភូមិគៀនឃ្លាំង សង្កាត់ជ្រោយចង្វា ខណ្ឌជ្រោយចង្វារ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យ៦នាក់នោះ ទី១/ ឈ្មោះ រ៉េន ដារ៉ា ភេទប្រុស អាយុ១៨ឆ្នាំ មុខរបរនៅផ្ទះ ទី២/ ឈ្មោះ សំ ស៊ីណិត ភេទប្រុស អាយុ៣៣ឆ្នាំ មុខរបររត់ម៉ូតូឌុប ទី៣ /ឈ្មោះ ធៀម វុទ្ធី ភេទប្រុស អាយុ២២ឆ្នាំ មុខរបរមិនពិតប្រាកដ ទី៤ /ឈ្មោះ លី កែវ ភេទប្រុស អាយុ២២ឆ្នាំ ទី៥ / ឈ្មោះ សុង គឹមនាយ ភេទប្រុស អាយុ២៤ឆ្នាំ មុខរបរកម្មករលីសែង ។
សមត្ថកិច្ចបន្តថា នៅពេលឃាត់ខ្លួនសមត្ថកិច្ចបានដកហូត ម៉ូតូចំនួន៣គ្រឿង រួមនិងវត្ថុតាងគ្រឿងញៀនប្រភេទម្សៅក្រាមពណ៌សរថ្លា ចំនួន៣កញ្ចប់និងសម្ភារៈមួយចំនួន ។
បច្ចុប្បន្នជនសង្ស័យទាំង៦នាក់ ត្រូវបានឃាត់ខ្លួន បណ្តោះអាសន្ននៅអធិការដ្ឋាននគរបាលខណ្ឌជ្រោយចង្វា ដើម្បីសាកសួរនិងកសាងសំណុំរឿងបញ្ជូនទៅតុលាការចាត់ការតាមច្បាប់ ៕
