រថយន្តកែច្នៃដាច់រ៉ូទីលរេចង្កូតធ្លាក់ផ្លូវស្លាប់ម្នាក់ របួសធ្ងន់២នាក់
ខេត្តបន្ទាយមានជ័យ៖រថយន្តកែច្នៃមួយគ្រឿង បានដាច់រ៉ូទីលរេចង្កូតធ្លាក់ពីលើផ្លូវបណ្តាលឱ្យមនុស្សរបួសធ្ងន់២នាក់ និងស្លាប់ម្នាក់។ ហេតុការណ៍កើតឡើងកាលពីវេលាម៉ោង០៦ និង៤០នាទីយប់ថ្ងៃទី១២ ខែឧសភា ឆ្នាំ២១០៦ ស្ថិតក្នុងភូមិយាងថ្មី ឃុំកូប ស្រុកអូរជ្រៅ ខេត្តបន្ទាយមានជ័យ។
តាមសេចក្តីរាយការណ៍បានឲ្យដឹងថា ជនរងគ្រោះទាំង៣នាក់ ១-ឈ្មោះសូ ចិន្តា ភេទប្រុស អាយុ៣០ឆ្នាំ (អ្នកបើកបរ) របួសបាក់ជើងឆ្វេង ២-ឈ្មោះតឿ សូរ ភេទប្រុស អាយុ៥៥ឆ្នាំ របួសបាក់ជើងស្តាំ និង៣-ឈ្មោះជួន តារ៉ា ភេទស្រី អាយុ៥៤ឆ្នាំ ស្លាប់ពេលបញ្ជូនដល់មន្ទីរពេទ្យ ទាំង៣នាក់ មានទីលំនៅភូមិព្រៃគុប សង្កាត់ផ្សារកណ្តាល ក្រុងប៉ោយប៉ែត ហើយត្រូវជាឪពុកម្តាយ និងកូន៕
