ដោយ៖សហការី
ខេត្តកែប៖ ភ្លៀងធ្លាក់៥ថ្ងៃនៅខេត្តកែបបង្កជាទឹកជំនន់លិចដំណាំ និងងាប់សត្វពាហនះ លិចសាលារៀន និងបាក់ស្ពានមួយកន្លែង។
លោក កែន សីសត្ថា ភិបាល ខេត្តកែប បានឲ្យដឹងថា ភ្លៀង៥ថ្ងៃជាប់គ្នាមកនេះ បណ្ដាលឲ្យលិចថ្នាលសំណាបរបស់របស់ប្រជាកសិករជាង៩០ហិកតា និងទឹកភ្លៀងបានធ្លាក់ខ្លាំងបង្កជាជំនន់ធ្វើឲ្យបាក់ស្ពានក្នុងភូមិមួយកន្លែងដែលស្ថិតនៅក្នុងភូមិកែវក្រសាំង សង្កាត់កែប ក្រុងកែប ខេត្តកែប និងបានបង្កការលិចផ្លូវលំមួយចំនួនថែមទៀត។ នេះគឺជាលើកទី១ហើយនៅក្នុងតំបន់ដែលធ្លាប់រងនឹងគ្រោះរាំងស្ងួត បានទទួលទឹកភ្លៀងធ្វើអោយលិចភូមិករបែបនេះ។
សេចក្តីរាយការណ៍បានអោយដឹងថា នៅជាមួយគ្នានោះដែរ ខ្យល់កន្ត្រាក់បានធ្វើឲ្យផ្ទះប្រជាពលរដ្ឋខូចខាត៣៦ខ្នង ក្នុងនោះខូចខាតធ្ងន់ធ្ងរ៦ខ្នង និងរំលំទាំងស្រុង២ខ្នងផងដែរ ។ សេចក្ដីរាយការណ៍បានឲ្យដឹងថា ក្នុងអំឡុងភ្លៀងធ្លាក់នោះ ផ្គររន្ទះបានបាញ់សម្លាប់មនុស្សម្នាក់ សត្វគោ៥ក្បាល និងក្របី១ក្បាល៕
