ខេត្តកោះកុង៖នៅព្រឹកថ្ងៃទី៣០ ខែឧសភា ឆ្នាំ២០១៦នេះកម្លាំងកងរាជអាវុធហត្ថខេត្តកោះកុងបានបញ្ជូនជនសង្ស័យ៤នាក់ រួមទាំងវត្ថុតាងទៅតុលាការដើម្បីចាត់ការទៅតាមនីតិវិធីច្បាប់ ក្រោយពីឃាត់ខ្លួនកាលពីវេលាម៉ោង៥ និង១០នាទីថ្ងៃទី២៩ ខែឧសភា ឆ្នាំ២០១៦ ស្ថិតនៅភូមិ២សង្កាត់ដងទង់ ក្រុងខេមរភូមិន្ទខេត្តកោះកុង។
ជនសង្ស័យទាំង៤នាក់រួមមានទី១- ឈ្មោះ ម៉ាត់ វ៉ាន់ អាយុ២២ឆ្នាំ មានមុខរបរជាកម្មកររោងចក្រ ទី២-ឈ្មោះ សុខ ហេង អាយុ២២ឆ្នាំ មុខរបរកម្មករ ទី៣-ឈ្មោះ សួស ស្រីពេជ្រ ភេទស្រី អាយុ២១ឆ្នាំ មុខរបរបម្រើក្នុងខារ៉ាអូខេ និងទី៤-ឈ្មោះ ម៊ី វណ្ណនិត អាយុ២៧ឆ្នាំ មុខរបរកម្មករ។ ជនទាំង៤នាក់ ស្នាក់នៅភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង។
ប្រភពព័ត៌មានពីមន្ត្រីអាវុធហត្ថក្រុងបានឲ្យដឹងថា ការប្រតិបត្តិការនេះកម្លាំងលោកបានធ្វើការឡោមព័ទ្ធ ទីតាំងខាងលើ ហើយធ្វើការឃាត់ខ្លួនជនសង្ស័យចំនួន៤នាក់មានស្រី១ម្នាក់ ព្រមទាំងការដកហូត ថ្នាំម៉ាទឹកកចំនួន៣កញ្ចប់ ម៉ូតូ២គ្រឿង និងឧប្បករណ៍ជក់មួយចំនួនផងដែរ៕
