ដោយ៖រដ្ឋា
ភ្នំពេញ៖ម្ចាស់រថយន្ត ដែលរងការខូចខាតដោយសារការបាក់ស្រុតដីផ្លូវនៅជាប់របងស្តាត អូឡាំពិកនៅលើផ្លូវលេខ១៦៣ក្នុងសង្កាត់វាលវង់ ខណ្ឌ៧មករាបានប្រាប់ថាពួកលោកដែល ជាម្ចាស់រថយន្តទាំងបីគ្រឿងបានស្នើសុំសំណងខ្លះពីក្រុមហ៊ុនក្នុងការជួសជុលរថយន្តដែលរងការខូចខាត។
សូមជម្រាបថា ភ្លៀងមួយមេធំរយៈពេលជិត២ម៉ោងបានចាប់ផ្តើមតាំងពីម៉ោងប្រមាណ ១២ និង៤០នាទី បានបណ្តាលឲ្យទឹកជន់នៅកន្លែងមួយចំនួននៅរាជធានីភ្នំពេញ។រថយន្ត បី គ្រឿងរងការខូចខាត ពេលស្រុតដីនៅក្បែរការដ្ឋានមួយជាប់របងស្តាតអូឡាំពិក។បើតាម ការចុះពិនិត្យមើលនៅជាប់កន្លែងបាក់ដីស្រុតនោះមានការជីករណ្តៅជ្រៅមួយរបស់ការដ្ឋាន ក្រុមហ៊ុន។
បុរសម្នាក់ជាម្ចាស់រថយន្តបានប្រាប់ ដោយសុំមិនបញ្ចេញឈ្មោះថា លោកបានចតរថយន្ត លក់និងរថយន្តជិះផ្ទាល់ខ្លួនផងនៅជាប់របងស្តាតអូឡាំពិក។
លោកបន្តថាក្រោយហេតុការណ៍កើតឡើងលោកបានជួបជាមួយមេការម្នាក់ធ្វើការក្នុងក្រុមហ៊ុនដើម្បីចរចាស្នើសុំសំណងមួយចំនួនដើម្បីជួសជុលរថយន្តតែលោកថារហូតមកដល់ពេលនេះមិនទាន់មានការឆ្លើយតបពីក្រុមហ៊ុននៅឡើយទេ។
មេគង្គប៉ុស្តិ៍ មិនទាន់អាចសុំការឆ្លើយតបភ្លាមៗពីម្ចាស់ក្រុមហ៊ុនដែលទទួលខុសត្រូវលើ សំណង់នោះបាននៅឡើយទេ៕
