ខេត្តព្រៃវែង៖ក្មេងប្រុស២នាក់បងប្អូនលង់ទឹកប្រឡាយស្លាប់ទាំងពីរ គ្រាដែលតាមឪពុកទៅមើលស្រែ ហើយនាំគ្នាចុះលេងទឹកប្រឡាយ។ ហេតុការណ៍កើតឡើងកាលពីវេលាម៉ោង ៨ និង៤៥នាទី ថ្ងៃទី០៩ ខែមិថុនា ឆ្នាំ២០១៦នេះ នៅចំណុច វាលខាងកើត ភូមិក្រាំងចំបក់ ឃុំពានរោង ស្រុកស្វាយអន្ទរ ខេត្តព្រៃវែង។
ក្មេងប្រុសទាំង២មាន១. ឈ្មោះ វឿន ហៀក ប្រុស អាយុ១៣ឆ្នាំ ( ស្លាប់ ) និងទី២.ឈ្មោ វឿន ហ៊ួរ ប្រុស អាយុ៨ឆ្នាំ( ស្លាប់ )។
អធិការ ស្រុកស្វាយអន្ទរ លោកវរសេនីយ៍ទោ អ៊ុង ផាន ឲ្យដឹងថា ឈ្មោះ មិត្ត វឿន ភេទប្រុស អាយុ ៤៣ ឆ្នាំ ភូមិក្រាំងចំបក់ ឃុំពានរោង បានចេញពីផ្ទះដើម្បីទៅមើលស្រែ នៅខាងកើតភូមិ ចំងាយ៤១៥ ម៉ែត្រ ពីភូមិ ដោយមិនដឹងថាកូនតាមពីក្រោយនោះទេ។ ពេលទៅដល់វាលស្រែក្មេងប្រុសទាំងឃើញ ទឹកប្រឡាយក៏នាំគ្នាចុះលេងទាំង២នាក់ ស្រាប់តែលុងទឹកស្លាប់ ទើបឪពុកបានដឹង។ ក្រោយពិនិត្យសមត្ថកិច្ចបានបញ្ជាក់ថា ក្មេងប្រុសទាំង២ពិតជាបានលុងទឹកប្រឡាយពិតប្រាកដមែន។
បច្ចុប្បន្ន សពក្មេងប្រុសទាំងពីសមត្ថកិច្ចប្រគល់ជូនក្រុមគ្រួសារយកទៅ ធ្វើបុណ្យតាមប្រពៃណី៕
