ខេត្តកោះកុង៖កម្លាំងអធិការស្រុកមណ្ឌលសីមាតាមប្រមាញ់ និងចាប់វាយខ្នោះភ្លាមៗជនល្មោភកាមតណ្ហាម្នាក់ បន្ទាប់ពីធ្វើសកម្មភាពចាប់រំលោភក្មេងស្រីអាយុ៤ឆ្នាំម្នាក់រហូតបានសម្រេច កាលពីនៅថ្ងៃទី០៩ ខែមិថុនា ឆ្នាំ២០១៦ ស្ថិតនៅភូមិចាំយាម ឃុំបាក់ខ្លង ស្រុកមណ្ឌលសីមា ខេត្តកោះកុង។
ស្នងការនគរបាលខេត្តកោះកុង លោក សំ ឃិតវៀន បានឱ្យដឹងថា ជនសង្ស័យមាន ឈ្មោះ ឈឹម រ៉ាឌី អាយុ២៥ឆ្នាំ មុខរបរកម្មករ ទីលំនៅមិនពិតប្រាកដ។ ចំណែកក្មេងស្រីរងគ្រោះ ឈ្មោះ រ.ប.ស.ន អាយុ៤ឆ្នាំ ជាសិស្សសាលា មានទីលំនៅភូមិចាំយាម ឃុំបាក់ខ្លង ស្រុកមណ្ឌលសីមា ខេត្តកោះកុង។
លោកស្នងការបញ្ជាក់ថា ក្រោយពីទទួលបានពាក្យបណ្តឹងពី ក្រុមគ្រួសារក្មេងស្រីរងគ្រោះភ្លាម លោកបានបញ្ជកម្លាំងនគរបាលគ្រប់មូលដ្ឋានទាំងអស់ តាមស្រាវជ្រាវរហូតឈានដល់ការឃាត់ខ្លួនជនសង្ស័យបាន នៅម៉ោង១៣ និង១៥នាទី ថ្ងៃទី០៩ ខែមិថុនាតែម្តង។
បច្ចុប្បន្ន ជនសង្ស័យ ត្រូវបានសមត្ថកិច្ចកំពុងកសាងសំណុំរឿង បញ្ជូនខ្លួនទៅតុលាការ ដើម្បីចាត់ការផ្ដន្ទាទោស ទៅតាមនីតិវិធីច្បាប់។ ចំណែកឯក្មេងស្រីរងគ្រោះ ក្រោយពីបានធ្វើកោសល្យវិច័យរួចមក អ្នកគ្រូពេទ្យបានបញ្ជាក់ថា គាត់ពិតជាបានបាត់បង់ធាតុដើមអស់មែន (ព្រហ្មចារី) ដោយសារជនគំរកនេះ៕
