ខេត្តកណ្តាល៖ជនសង្ស័យម្នាក់ក្នុងចំណោមបក្សពួក៣នាក់ ត្រូវសមត្ថកិច្ចប៉ូលិសប៉ុស្តិ៍រដ្ឋបាល ឃុំគគីរ ចាប់ឃាត់ខ្លួនកាលពីវេលាម៉ោង០២និង៣០នាទីថ្ងៃទី១៣ ខែមិថុនា ឆ្នាំ២០១៦ នៅចំណុចភូមិស្លាបតាអោន ឃុំគគីរ ស្រុកកៀនស្វាយ ខេត្តកណ្តាល ។
ជនសង្ស័យដែលសមត្ថកិច្ចប៉ូលិសប៉ុស្តិ៍ចាប់ឃាត់ខ្លួននោះ០១ឈ្មោះវណ្ណីណារ៉ុតហៅប៊ីភេទប្រុសអាយុ១៨ឆ្នាំជនជាតិខ្មែរមានទីលំនៅភូមិតារាបដូនស ឃុំគគីរ ស្រុកកៀនស្វាយ(ឃាត់ខ្លួន) ។ ២.ឈ្មោះឡុងហៅយួនភេទប្រុសអាយុ២០ឆ្នាំ(វៀតណាម)មានទីលំនៅភូមិពពាលខែ ឃុំដីឥដ្ឋ ស្រុកកៀនស្វាតខេត្តកណ្តាល(គេចខ្លួន)។ ៣.ឈ្មោះដេតភេទប្រុសអាយុ១៨ឆ្នាំជនជាតិខ្មែរមានទីលំនៅភូមិស្តៅកន្លែង.ឃុំដីឥដ្ឋ ស្រុកកៀនស្វាយ(គេចខ្លួន)។
លោក វ៉េង កុសល នាយប៉ុស្តិ៍រដ្ឋបាលឃុំគគីរ បានឲ្យដឹងថា មុនកើតហេតុរូបលោកបានដឹងនាំកម្លាំងក្រោមឧវាទរួមសហការជាមួយកំលាំងប្រជាការពារបានជិះម៉ូតូស្បាតនៅតាមមូលដ្ឋានខាងលើក៏ប្រទះឃើញជនសង្ស័យទាំបីនាក់ខាងលើកំពុងជិះម៉ូតូដោយមានការសង្ស័យរូបលោកក៏បានហៅឈប់សួរនាំខណះពេលនោះជនសង្ស័យក៏បានផ្តួលម៉ូតូចោលរត់ទាំង០៣នាក់សមត្ថកិច្ចក៏ដេញតាមចាប់បាន០១នាក់ និងឆែកឆេររកឃើញវត្ថុតាងរួមមានម្សៅក្រាមពណ៌សសង្ស័យសារធាតុញៀនចំនួន០៥កញ្ចប់តូច ម៉ូតូមួយគ្រឿងម៉ាកគុបមូលពណ៌ប្រផេះ និងសម្ភារៈសំរាប់វេចខ្ចប់គ្រឿងញៀនមួយចំនួនបញ្ជូនមកកាន់អធិការដ្ឋាននគរបាលស្រុកកៀនស្វាយដើម្បីចាត់ការតាមនីតិវិធីច្បាប់៕
