រាជធានីភ្នំពេញ៖នាយឧត្តមសេនីយ៍ជាន់ខ្ពស់នគរបាលជាតិ លោក កង សុខន អគ្គស្នងការនគរបាលជាតិ និង ជាអនុប្រធានគណៈកម្មការស្រាវជ្រាវ និង ធ្វើ កោសល្យវិច្ច័យស្នាមេដៃ បានបញ្ជាក់ឲ្យអ្នកសារព័ត៌មានដឹងថា បន្ទាប់ពីការពិនិត្យ និងកោសល្យវិច្ច័យអស់ជាច្រើនថ្ងៃ នៅក្នុងញត្តិនោះបានរកឃើញថា ក្នុងញ្ញាត្តិមានភាពមិនប្រក្រតីច្រើនដោយ មាន ស្នាមមេដៃតែមួយបានផ្តិតនៅលើឈ្មោះច្រើននាក់ ហើយស្នាមមេដៃខ្លះទៀតមិនមានអត្តសញ្ញាណច្បាស់លាស់ និងស្នាមមេដៃខ្លះទៀត មិន បានបញ្ជាក់អាសយដ្ឋានច្បាស់លាស់នោះឡើយ។
លោក កង សុខន បានថ្លែងដូច្នេះ ក្រោយពីការធ្វើកោសល្យវិច្ច័យនាព្រឹកថ្ងៃទី១៤ ខែមិថុនា ឆ្នាំ២០១៦នេះ ហើយលោកក៏បញ្ជាក់បន្ថែមថា ដំណើរការធ្វើកោសល្យវិច្ច័យធ្វើបានប្រមាណ ៣០ភាគរយហើយ ហើយអាចវាយតម្លៃថា ស្នាមមេដៃរបស់ CNRP មានភាពមិនប្រក្រតីច្រើន ៕
