ត្បូងឃ្មុំ៖ទាំងឡានសាំយ៉ុង ទាំង រម៉ក ម៉ូតូ ដឹកឈើ របស់មេឈ្មួញ ឈើ បានធ្វើចរាចរណ៍ ដោយរលូន ចេញពីខេត្ត ក្រចេះ តាមកំណាត់ផ្លូវ ជាតិលេខ ៧ ដែលមាន សមត្ថកិច្ច ចម្រុះគ្រប់ ស្ថាប័ន យាមប្រចាំការផងដែរ តែមិនបានចាត់ ការបង្ក្រាបទប់ស្កាត់បទល្មើសទាំង នោះទាល់ តែសោះ ជាពិសេស លោក ងី វិរៈ នាយរដ្ឋបាលព្រៃឈើ ប្រចាំខេត្តត្បូងឃ្មុំនោះតែម្តង។
បើតាមការអោយដឹងរបស់ប្រជាពលរដ្ឋដែលនៅតាមតំបន់នោះបានប្រាប់អោយដឹងថា ក្បួនឡានដឹកឈើដុះស្លែ ខាងលើ មិនម៉ែនទើបតែ កើតមានឡើងពេលថ្មីៗនោះទេ ពោលគឺកើត មានតាំងពីយូយាណាស់មកហើយ ដោយ គិត ចាប់ពីរាត្រីម៉ោង ១០ ទៅ ម៉ោង ៣ ទាបភ្លឺតែងតែមាន ក្បួនឡានដឹកឈើ រួមមានទាំង ឡាន ឈើជន្លុងយ៉ាងច្រើនផងដែរនោះ គឺ ចាប់ពី ៧ ទៅ ១០ គ្រឿងក្នុងមួយក្រុម បន្តបណ្តាក់គ្នាទាំងខ្សែរៗ ឆ្លងកាត់តាមស្នាក់ ការ និង ស្ថាប័នជំនាញ រដ្ឋបាលព្រៃឈើចាប់ ពី ទឹកដីស្រុកមេមត់រហូតដល់ស្រុកពញាក្រែក និង ស្រុកត្បូងឃ្មុំ តាមឃុំ អញ្ចើម ឆ្ពោះទៅស្រុក អូរាំងឪ ឬចេញតាមច្រក់របៀង តូចធំ ដោយមិនខ្លាចរអា សមត្ថកិច្ចបន្ដិតសោះឡើយ។ព្រោះពួកគេបានបង់ទៅអោយ មន្ត្រីដែលយាមប្រចាំការនៅតាម ទីតាំង ត្រួលពិនិត្យអស់ទៅហើយ។
លើសពីនេះទៀត ប្រជាពល រដ្ឋ ដែលឃើញហេតុ ការនេះបានរិះគន់ថា មន្ត្រី ជំនាញរដ្ឋបាលព្រៃឈើ បានទទួលកញ្ចប់ខ្មៅ ពីពួកឈ្មួញបំផ្លាញជាតិនោះអស់ហើយទើប ពួកមន្ត្រីទាំងនោះ ដេកមិនព្រម ងើបមកធ្វើការបង្ក្រាបសោះ តែបើបង្ក្រាបវិញនោះ គឺចាប់បានតែ ឈើទេមិនដែលចាប់បានម្ចាស់ឈើឡើយ៕
