រាជធានីភ្នំពេញ៖កញ្ញា ធី សុវណ្ណថា តារាហ្វេសប៊ុក និងជាអតីតអ្នកគាំទ្របក្សប្រឆាំងយ៉ាងងុបងុលនោះ បានដាក់ពាក្យបណ្តឹង ម្ចាស់ Facebook ចំនួន២នាក់ ពីបទបរិហារកេរ្តិ៍ ទាក់ទងសកម្មភាពនៅវេទិកាសាធារណៈរបស់នាង នៅខេត្តឧត្តរមានជ័យ នាពេលកន្លងទៅ ហើយប្រជាពលរដ្ឋចូលរួមវេទិកានោះប្រមាណជិត១០០០នាក់ បានស្រែកថា ពួកគាត់ឈប់បោះឆ្នោតឲ្យបក្សសង្គ្រោះជាតិទៀតហើយ ។
គួរបញ្ជាក់ថា ម្ចាស់ Facebook ដែលរងការប្តឹងនោះគឺទី១/ ម្ចាស់គណនេយ្យ Facebook ឈ្មោះ ម៉ោញ សារ៉ាត់ និង ទី២/ ប្តឹងម្ចាស់ Facebook ឈ្មោះ អូន វ៉ាន់សាក់ ដែលគេមើលឃើញថា ជាអ្នកគាំទ្របក្សប្រឆាំង។
យោងតាមពាក្យបណ្តឹងរបស់ កញ្ញា ធី សុវណ្ណថា បានបញ្ជាក់ថា ម្ចាស់ Facebook ទាំងពីរនាក់ បានបង្ហោះអត្តបទបរិហារកេរ្តិ៍ និងជេរប្រមាថ មកលើរូបនាង ដោយផ្ទុយទៅនឹងសកម្មភាពដែលនាងបានធ្វើ នៅក្នុងវេទិកាសាធារណៈកន្លងមកនេះ។ កញ្ញា ធី សុវណ្ណថា បានស្នើឲ្យព្រះរាជអារជ្ញា ចាត់ការទៅលើម្ចាស់គណនេយ្យ Facebook ទាំងពីរនាក់តាមផ្លូវច្បាប់៕
