ផ្តន្ទាទោសអ្នកកាសែតម្នាក់ដាក់គុគ២៥ឆ្នាំករណីជួញដូរគ្រឿងញៀន
រាជធានីភ្នំពេញ៖លោក លីម ម៉េង ប្រធានសាខាភ្នំពេញ កាសែតតាព្រហ្មមុខបួន ត្រូវបាន សាលាដំបូង រាជធានីភ្នំពេញ បានសម្រេចផ្តន្ទាទោសដាក់ ពន្ធនាគារអ្នកកាសែតតាព្រហ្មមុខបួនម្នាក់ ឈ្មោះ លីម ម៉េង ក្នុងរយៈពេល២៥ឆ្នាំ និងពិន័យ៥០លានរៀលចូលថវិការដ្ឋ រឿងជួញដូរ គ្រឿងញៀនកន្លះគីឡូក្រាម ។ ប៉ុន្តែបើកផ្លូវឲ្យជនជាប់ចោទប្តឹងទៅសាលាឧទ្ធរណ៍។
សូមជម្រាបថា ឈ្មោះ លីន ម៉េង អាយុ៣៣ឆ្នាំ មុខរបរប្រធានសាខា ភ្នំពេញកាសែត តាព្រហ្មមុខបួន ត្រូវបាននគរបាលខណ្ឌមានជ័យ សហការជាមួយ នគរបាលប៉ុស្តិ៍ រដ្ឋបាលសង្កាត់ ស្ទឹងមានជ័យឃាត់ខ្លួន នៅយប់ថ្ងៃទី២៧ ខែកញ្ញា ឆ្នាំ២០១៥ នៅចំណុចផ្លូវលំ ភូមិមានជ័យមួយ សង្កាត់ស្ទឹងមានជ័យ ខណ្ឌមានជ័យ ក្នុងប្រតិបត្តិការនេះ នគរបាលដកហូត បានគ្រឿងញៀនមួយកញ្ចប់ធំ ទម្ងន់កន្លះគីឡូក្រាម៕
