ម្សិលមិញឃាត់ខ្លួនមនុស្ស១៣នាក់ពាក់ព័ន្ធបទល្មើសគ្រឿងញៀន
រាជធានីភ្នំពេញ៖នៅថ្ងៃទី១០ ខែកក្កដា ម្សិលមិញនេះ កម្លាំងនគរបាលបានបង្ក្រាបបទល្មើសជួញដូរ រក្សាទុក និងប្រើប្រាស់៦ករណី ឃាត់មនុស្ស១៣នាក់ ក្នុងនោះមុខសញ្ញាជួញដូរ៣នាក់ និងមុខសញ្ញាប្រើប្រាស់១០នាក់ ដកហូតថ្នាំញៀន មេតំហ្វេតាមីន (ice) ៦.៨២ក្រាម និង១២កញ្ចប់តូច។ នេះបើយោងតាមរបាយការណ៍របស់អគ្គស្នងការនគរបាលជាតិ។
របាយការណ៍ដដែលបញ្ជាក់ថា ជនសង្ស័យទាំងនោះ ត្រូវបានឃាត់ខ្លួនដោយ កម្លាំងនគរបាលមន្ទីរប្រឆាំងគ្រឿងញៀន បង្ក្រាប១ករណី ឃាត់ខ្លួនម្នាក់, រាជធានីភ្នំពេញបង្ក្រាប២ករណី ឃាត់ខ្លួន៦នាក់ និងខេត្តសៀមរាប បង្ក្រាប៣ករណីឃាត់ខ្លួន៦នាក់៕
