បង្ក្រាបគ្រឿងញៀន៨ករណីម្សិលមិញឃាត់ខ្លួនមនុស្ស១៨នាក់
រាជធានីភ្នំពេញ៖នៅថ្ងៃទី២១ ខែកក្កដា ឆ្នាំ២០១៦ម្សិលមិញនេះកម្លាំងនគរបាលជាតិបានបង្ក្រាបបទល្មើសជួញដូរ រក្សាទុក និងប្រើប្រាស់៨ករណី ឃាត់មនុស្ស១៨នាក់ ក្នុងនោះមុខសញ្ញាជួញដូរ១៧នាក់ និងមុខសញ្ញាប្រើប្រាស់ម្នាក់ រឹបអូសថ្នាំមេតំហ្វេតាមីន(ice) ៣.៧៦ក្រាម,៥កញ្ចប់ធំនិង៧២កញ្ចប់តូច។
យោងតាមរបាយការណ៍របស់អគ្គស្នងការនគរបាលជាតិបានបញ្ជាក់ថា ជនសង្ស័យទាំងនោះត្រូវបានឃាត់ខ្លួន ដោយនគរបាលភ្នំពេញ បង្ក្រាប១ករណី ឃាត់ខ្លួន៤នាក់, ខេត្តកណ្ដាល បង្ក្រាប៣ករណីឃាត់ខ្លួន៦នាក់, ខេត្តសៀមរាបបង្ក្រាប១ករណី ឃាត់ខ្លួន៣នាក់, ខេត្តកំពង់ចាម បង្ក្រាប២ករណី ឃាត់ខ្លួន៣នាក់ និងខេត្តត្បូងឃ្មុំ បង្ក្រាប១ករណីឃាត់ខ្លួន២នាក់៕
