ម្សិលមិញឃាត់ខ្លួនមនុស្ស៩នាក់គ្រឿងញៀន
រាជធានីភ្នំពេញ៖នៅថ្ងៃទី២៥ ខែកក្កដា ឆ្នាំ២០១៦ម្សិលមិញនេះកម្លាំងនគរបាលបាន បង្ក្រាបបទល្មើសជួញដូរ រក្សាទុក និងប្រើប្រាស់៦ករណី ឃាត់មនុស្ស៩នាក់ ក្នុងនោះមុខសញ្ញាជួញដូរ៦នាក់ និង មុខសញ្ញាប្រើប្រាស់៣នាក់ រឹបអូសមេតំហ្វេតាមីន (ice) ១កញ្ចប់ធំ និង៩កញ្ចប់តូច។ នេះបើយោងតាមរបាយការណ៍របស់អគ្គស្នងការនគរបាលជាតិ។
ប្រភពដដែលបញ្ជាក់ថា ជនសង្ស័យទាំងនោះត្រូវបានឃាត់ខ្លួន ដោយនគរបាលកណ្ដាល បង្ក្រាប២ករណីឃាត់ខ្លួន៣នាក់, នគរបាលខេត្តស្វាយរៀង បង្ក្រាប១ករណីឃាត់ខ្លួន២នាក់, នគរបាលខេត្តព្រះសីហនុ បង្ក្រាប១ករណីឃាត់ខ្លួន ២នាក់, នគរបាលខេត្តកំពង់ចាម បង្ក្រាប១ករណី (ដីកា) ឃាត់ខ្លួនម្នាក់ និងខេត្តសៀមរាប បង្ក្រាប១ករណីឃាត់ខ្លួនម្នាក់៕
