ផ្ទុះនាវាដឹកប្រេងនៅការដ្ឋាននាវាមួយនៅប៉ាគីស្ថានស្លាប់មនុស្ស១០នាក់
ប៉ាគីស្ថាន៖យោងតាមសារព័ត៌មាន Channel News Asia បានចេញផ្សាយថា ហេតុការណ៍ផ្ទុះនាវាដឹកប្រេងមួយគ្រឿង នៅឯការដ្ឋាននាវាមួយ កន្លែងស្ថិតក្នុងទីក្រុង Gaddani ចំងាយ៤៥គីឡូម៉ែត្រពីទីក្រុងកំពង់ផែ Karachi ប្រទេសប៉ាគីស្ថានបណ្តាលឲ្យមនុស្ស១០នាក់ស្លាប់ និង ៥០នាក់ផ្សេងទៀត បានរងរបួសនៅក្នុង ។
តំណាងសហព័ន្ធសហជីពប៉ាគីស្ថាន លោក Nasir Mansoor បានឱ្យដឹងថា គេមិនទាន់ដឹងពីចំនួនអ្នកស្លាប់ និងអ្នករងបួសពិតប្រាកដ នៅឡើយទេ ក៏ប៉ុន្តែអាចមានកម្មករជាង២០០នាក់ ជាប់គាំងនៅក្នុងការដ្ឋាននាវាខាងលើ។ លោកបញ្ជាក់ថា ចំនួនអ្នកស្លាប់អាចនឹងកើនឡើង។ ជាមួយគ្នានោះក្រុមអ្នក ពន្លត់អគ្គិភ័យកំពុងធ្វើប្រតិបត្តិការពន្លត់ និងជួយសង្គ្រោះ។ ទោះជាយ៉ាងណាគេនៅមិនទាន់ដឹងពីមូលហេតុនៃការផ្ទុះនោះនៅឡើយ៕
