ដោយ៖ប៉ែន សុផល
បាត់ដំបង៖សាមណេមួយព្រះអង្គបានសុគតភ្លាមៗគ្រាដែលលោកទៅលេងទឹកនៅក្រោមស្ពាននាសួនច្បារក្នុងបរិវេណវត្តត្រូវម៉ូទ័របូមទឹកបណ្តាលអោយឆក់ធ្ងន់ធ្ងរមិនអាចជួយអន្តរាគមន៍ទាន់ ដែលករណីនេះកើតឡើងនៅវេលាម៉ោង១០ និង៥១នាទីព្រឹក ថ្ងៃទី២០ ខែមករា ឆ្នាំ២០១៧ត្រង់ចំណុចវត្តសូរិយា ឋិតនៅក្នុងភូមិគា៣ ឃុំគា ស្រុកមោងឫស្សី ខេត្តបាត់ដំបង។
កម្លាំងកងរាជអាវុធហត្ថនៃទីបញ្ជការខេត្តបាត់ដំបងបានបញ្ជាក់អោយដឹងថា ព្រះសង្ឃដែលសុគតមានព្រះនាម ឆយ រី ព្រះជន្ម១៨ព្រះវស្សា គង់នៅក្នុងវត្តសូរិយាកន្លែងកើតហេតុនេះតែម្តង បន្ទាប់ពីលោកបាននិមន្តទៅលេងទឹកដែលកំហូរនៅក្រោមស្ពាននាសួនច្បារក្នុងបរិវេណវត្ត។
ព្រះសពក្រោយពេលជួបហេតុការណ៍អាក្រក់ខាងលើនេះញោមជាឪពុកម្តាយ និងក្រុមគ្រួសារដែលជាញាតិញោមចំណុះជើងមកទទួលប្រារព្វពិធីបុណ្យតាមប្រពៃណី៕
