ឯកឧត្តម ប៉ែន វិបុល ទេសរដ្ឋមន្រ្តី ទទួលបន្ទុកបេសកកម្មពិសេសមានប្រសាសន៍ថា ការរៀបចំមហោ ស្រពសិល្បៈខ្មែរលើកទី១ របស់ក្រុមដំណើរខ្មែរនាពេលនេះពិតជាមានតម្លៃមិនអាចកាត់ថ្លៃបាន ព្រោះវាបានបង្ហាញនូវការដឹងគុណចំពោះបុព្វការីជនរបស់យើង ដែលបានសន្សល់ទុកឱ្យកូនខ្មែរជំនាន់ក្រោយបានសិក្សាស្វែងយល់អំពីប្រវត្តិសាស្រ្តនៃសិល្បៈខ្មែរដ៏ល្អផូរផង់ និងឈានដល់ចំណុចកំពូលនៅមុនឆ្នាំ១៩៧៥ ដោយមានការទទួលស្គាល់លើឆាកអន្តរជាតិទៀតផង។ ការថ្លែងរបស់ឯកឧត្តម ប៉ែន វិបុល ដូចនេះធ្វើឡើងក្នុងវិធីបើកមហោស្រពសិល្បៈដំណើរខ្មែរលើកទី១ ឆ្នាំ២០២៤ នាល្ងាចថ្ងៃទី១០ ខែធ្នូ ឆ្នាំ ២០២៤ នៅទីស្នាក់ការសហភាពសហព័ន្ធយុវជនកម្ពុជា ក្នុងរាជធានីភ្នំពេញ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/OtiBi97cuSU