All posts by មេគង្គ ប៉ុស្តិ៍

រដ្ឋាភិបាលសម្រេចគ្រប់គ្រងការលក់សំបុត្រចូលទស្សនាប្រាសាទអង្គរវត្តដោយខ្លួនឯង

November 6, 2015ទេសចរណ៍, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ:រាជរដ្ឋាភិបាលបានសម្រេចដកសិទ្ធិពីក្រុមហ៊ុន សុខ គង់ យកមកគ្រប់គ្រងវិញនូវការលក់សំបុត្រ ដើម្បីចូលទស្សនាប្រាសាទអង្គរវត្ត។ការសម្រេចនេះ ធ្វើឡើងក្នុងកិច្ចប្រជុំពេញអង្គគណៈរដ្ឋមន្ត្រី នាព្រឹកថ្ងៃសុក្រ ទី៦ ខែវិច្ឆិកា ។

អ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បានឲ្យដឹងថា ក្នុងកិច្ចប្រជុំគណៈរដ្ឋមន្ត្រី នៅព្រឹកថ្ងៃទី៦ ខែវិច្ឆិកា នេះថា លោកនាយករដ្ឋមន្ត្រី ហ៊ុន សែន បានសម្រេចបង្កើតសហគ្រាសសាធារណៈ ដើម្បីធុរៈកិច្ចគ្រប់គ្រងរមណីយដ្ឋានបេតិកភណ្ឌអង្គរវត្ត ដែលមានក្រសួងទេសចរណ៍ និងក្រសួងសេដ្ឋកិច្ច និងហិរញ្ញវត្ថុ ជាអន្តរក្រសួងរៀបចំគណៈកម្មាធិការនេះ។

គួររំលឹកថា កន្លងមក ការគ្រប់គ្រងរមណីយដ្ឋានបេតិកភណ្ឌអង្គរដោយក្រុមហ៊ុន សុខ គង់ ត្រូវបានរិះគន់ដោយក្រុមជំទាស់យ៉ាងខ្លាំងថា មានភាពមិនប្រក្រតីក្នុងការគ្រប់គ្រងចំណូលថវិកាជាតិដែលបានមកពីការលក់សំបុត្រចូលទស្សនាប្រាសាទអង្គរវត្ត។

តាមទិន្នន័យរបស់អាជ្ញាធរជាតិអប្សរាឲ្យដឹងថា ក្នុងរយៈពេល១០ខែឆ្នាំ២០១៥នេះ ភ្ញៀវទេសចរណ៍បរទេសដែលមកទស្សនាប្រាសាទអង្គវរត្ត មានចំនួន១៦៧៧៣៥២នាក់ ដែលមានកំណើន២,០៥ភាគរយ បើប្រៀបធៀបនឹងរយៈពេលដូចគ្នាក្នុងឆ្នាំ២០១៤ ហើយចំណូលដុលមានចំនួនជាង៤៧,៦លានដុល្លារ កើនឡើងប្រហែល០,៦២ភាគរយ បើប្រៀបធៀបនឹងឆ្នាំ២០១៤។ ចំណូលដុលដែលបានពីការលក់សំបុត្រឲ្យភ្ញៀវបរទេសចូលទស្សនាអង្គរសម្រាប់ឆ្នាំ២០១៤ មានចំនួន៥៩ ៣៤២ ០០០ដុល្លារ កើនឡើងជាង១,៦លានដុល្លារ លើសឆ្នាំ២០១៣ ដែលបានលក់បាន៥៧៦៨៧ ៦៨០ដុល្លារ។ ចំនួនភ្ញៀវទេសចរបរទេសចូលទស្សនាប្រាសាទអង្គរវត្តក្នុងឆ្នាំ២០១៤មានចំនួន២០៥៩៧២០នាក់ កើនឡើងជិត៤ម៉ឺននាក់ បើធៀបជាមួយឆ្នាំ២០១៣ ដែលមានភ្ញៀវមកទស្សនាចំនួន២ ០២១ ៧១៥ នាក់៕ ដោយ៖រដ្ឋា

បារាំងបញ្ជូននាវាដឹកយន្តហោះធំបំផុតចូលរួមប្រឆាំងក្រុមIS នៅស៊ីរី និងអ៊ីរ៉ាក់

November 6, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

បារាំង៖យោងតាមសារព័ត៌មានBBCចេញផ្សាយថា រដ្ឋាភិបាលបារាំងប្រកាសបញ្ជូននាវាដឹកយន្តហោះធំបំផុត របស់ខ្លួនទៅកាន់ប្រទេសស៊ីរី និងអ៊ីរ៉ាក់ចូលរួមក្នុងប្រតិបត្តិការប្រឆាំងក្រុមអ៊ីស្លាមIS។
ប្រភពដដែលបានបញ្ជាក់ថា បារាំងបានកំណត់ទិសដៅនៅក្នុងប្រទេសអ៊ីរ៉ាក់រួចហើយ សម្រាប់ការវាយប្រហារទៅលើក្រុមអ៊ីស្លាមIS ខណៈដែលបច្ចុប្បន្នក៏បានដាក់ពង្រាយយន្តហោះប្រភេទMirage ៦គ្រឿងនៅទន្លេ Jordan ហើយយន្តហោះប្រភេទ Rafale៦គ្រឿងទៀត កំពុងឈរជើងនៅប្រទេសអារ៉ាប់រួមផងដែរ។
គួរបញ្ជាក់ថា កន្លងមកនាវាផ្ទុកយន្តហោះប្រភេទCharles de Gaulle បានដាក់ពង្រាយ នៅឈូងសមុទ្រ តាំងពីកុម្ភៈដល់ខែមេសាឆ្នាំ២០១៥ ដើម្បីប្រឆាំងនឹងក្រុមអ៊ីស្លាមISនៅប្រទេសស៊ីរី និងអ៊ីរ៉ាក់៕

លោក ហ៊ុន សែន ព្រមានបង្ហោះសារសុំទោសរបស់លោកសម រង្ស៊ី តាមហ្វេសប៊ុក

November 6, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ លោកនាយករដ្ឋមន្ត្រី ហ៊ុន សែន បានព្រមាននៅព្រឹកថ្ងៃទី០៥ វិច្ឆិកា នេះថា នឺងបង្ហោះសារសុំទោសរបស់លោក សម រង្ស៊ី នៅលើបណ្តាញហ្វេសប៊ុក។

នាយករដ្ឋមន្ត្រី ហ៊ុន សែន ព្រមានបែបនេះនៅក្នុងពិធីបើកសម្ពោធដាក់ឲ្យប្រើប្រាស់ជាផ្លូវការគម្រោងការពារទឹកជំនន់ និងកែលម្អប្រព័ន្ធប្រឡាយលូ ក្នុងរាជធានីភ្នំពេញ ជំហានទី៣ថា៖ “ផ្តាំទៅគាត់។លោកថា« ឯកឧត្តម សម រង្ស៊ី អើយ! ឯកឧត្តមបានវ៉ៃ SMS សុំទោសខ្ញុំ បើសិនជាឯកឧត្តមហ៊ានប្រថុយប្រថាន ទៅលើការបំពាន លើអ្វីដែលឯកឧត្តមសុំទោសខ្ញុំ ខ្ញុំត្រៀមបង្ហោះតាមហ្វេសប៊ុក ថ្ងៃទី២៩ ឯកឧត្តមសុំទោសខ្ញុំ សូមផ្តាំតាមអីចឹងទៅចុះ មិនតានវាយោទេ គឺតាមក្បាលមេក្រូតាម៉ង»។

លោកនាយករដ្ឋមន្ត្រីបន្តថា «ឯកឧត្តមវ៉ៃមកខ្ញុំនៅថ្ងៃទី២៩ តុលា ម៉ោង៦និង១៣នាទីល្ងាច ដល់ខ្ញុំឆ្លើយតបអរគុណឯកឧត្តម នៅម៉ោង៨និង៩នាទីយប់ ថ្ងៃទី២៩ តុលា បានសេចក្តីថា មុនពេលបោះឆ្នោតទម្លាក់អនុប្រធានទី១ សភា បើសិនជាបំពានលើខ្ញុំ ខ្ញុំអត់មានជម្រើសទេ សង្ឃឹមថា យើងនៅមានការនិយាយគ្នា យើងអាចនិយាយគ្នាតទៅទៀត»៕ដោយ៖រដ្ឋា

Karim Benzema ត្រូវប៉ូលិសឃុំខ្លួនមួយយប់

November 5, 2015កីឡាមេគង្គ ប៉ុស្តិ៍

បាល់ទាត់៖យោងតាមប្រភពពីសារព័ត៌មាន AFP បានចុះផ្សាយថា ខ្សែប្រយុទ្ធជម្រើសជាតិបារាំង Karim Benzema និងជាខ្សែប្រយុទ្ធក្រុមអធិរាជស Real Madrid ត្រូវបានឃុំខ្លួន១យប់ បន្ទាប់ពីចូលខ្លួនទៅបំភ្លឺនៅប៉ុស្តិ៍ប៉ូលិសកាលពីព្រឹកថ្ងៃពុធម្សិលមិញ។
ប្រភពបញ្ជាក់ថា កីឡាករវ័យ២៧ឆ្នាំរូបនេះត្រូវបានប៉ូលិសបារាំងឃាត់ខ្លួនពេញ១យប់ ដោយជាប់ចោទពីបទរៀបចំផែនការគំរាមមិត្តរួមក្រុមជម្រើសជាតិ បារាំងរបស់គេ Mathieu Valbuena ពាក់ព័ន្ធនឹងរឿងវីដេអូសិច។ ទោះជាយ៉ាងណាមេធាវីកីឡាកររូបនេះ លោក Sylvain Cormier បានលើកឡើងថា ទោះ Benzema ត្រូវឃុំខ្លួន ប៉ុន្តែលោកយល់ថា រូបគេមិនមែនជាជនដែលប្រព្រឹត្តដូចការចោទប្រកាន់នេះឡើយ។
គួរបញ្ជាក់ថា នេះមិនមែនជាលើកទី១ទេ សម្រាប់ Benzema ដែលរងការចោទប្រកាន់ពីប៉ូលិស។ កាលឆ្នាំមុន ខ្សែប្រយុទ្ធក្រុមស្ដេចសរូបនេះ និង Franck Ribery របស់ក្រុម Bayern Munich ក៏ត្រូវប៉ូលិសហៅចូលប៉ុស្តិ៍ រឿងរួមភេទជាមួយក្មេងស្រីមិនទាន់គ្រប់អាយុផងដែរ៕

កម្ពុជានឹងប្រកួតមិត្តភាពជាមួយ African All Star ល្ងាចស្អែក

November 5, 2015កីឡាមេគង្គ ប៉ុស្តិ៍

បាល់ទាត់៖នៅវេលាម៉ោង៦ និង៣០នាទីល្ងាចថ្ងៃទី៦ ខែវិច្ឆិកា ឆ្នាំ២០១៥ ស្អែកនេះក្រុមជម្រើសជាតិកម្ពុជា នឹងប្រកួតមិត្តភាពជាមួយក្រុមកីឡាករអាហ្វ្រិកប្រកបអាជីពបាល់ទាត់នៅកម្ពុជា (African All Star) នៅពហុកីឡដ្ឋានជាតិ។
ការប្រកួតមិត្តភាពនេះគឺក្នុងគោលបំណងធ្វើតេស្តកីឡាករ ដើម្បីរៀបចំទម្រង់លេងឲ្យបានស៊ីចង្វាក់គ្នានិងដើម្បីត្រៀមខ្លួនចេញទៅប្រកួតពានរង្វាន់បាល់ទាត់ពិភពលោកវគ្គ ជម្រុះប្រចាំតំបន់អាស៊ីជុំទី២ ជើងទី២ ជាមួយប្រទេសអាហ្វហ្គានីស្ថាននាថ្ងៃទី១២ ខែវិច្ឆិកា ឆ្នាំ២០១៥។
គួរបញ្ជាក់ថា ការប្រកួតលក្ខណៈមិត្តភាពនេះបើកឲ្យទស្សនិកជនចូលមើលដោយសេរី និងពុំមានការផ្សាយផ្ទាល់តាមកញ្ចក់ទូរទស្សន៍នោះទេ៕

នាយករដ្ឋមន្ត្រី៖អ្នកវាយតំណាងរាស្ត្រមិនមែនបាតុករប្រឆាំងលោក កឹម សុខា

November 5, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖ថ្លែងជាសាធារណ កាលពីព្រឹកមិញនាយករដ្ឋមន្ត្រី ហ៊ុន សែន បានអះអាងថា ជនដែលវាយតំណាងរាស្ត្រនិងចូលសារភាពមិនមែនជាក្រុមបាតុករដែលតវ៉ា ទម្លាក់ លោក កឹម សុខា ពីអនុប្រធានទី១នៃរដ្ឋសភា កាលពីថ្ងៃទី២៦ខែតុលានោះទេ។ ប៉ុន្តែសម្តេចបញ្ជាក់ថា តាមលោកឮថា អ្នកតំណាងរាស្ត្រនោះបានជេរគេថា ពួកអាយ៉ងយួន ហើយបានឈានដល់ការវាយតប់តែម្តង។ យ៉ាងណាក៏ដោយលោកនាយកេដ្ឋមន្ត្រីបញ្ជាក់ថា ឲ្យតែវាយគេគឺវាខុសហើយ ។
គួរបញ្ជាក់ថា បើតាមរបាយការណ៍របស់សមត្ថកិច្ច បុរសទាំង៣នាក់នោះ មាន ឈ្មោះ ចាយ សារិទ្ធ អាយុ៣៣ឆ្នាំ រស់នៅសង្កាត់តាខ្មៅ ខេត្តកណ្តាល។ ឈ្មោះ ម៉ៅ ហឿន អាយុ៣៤ឆ្នាំ រស់នៅភូមិ៥ ឃុំព្រែកខ្សាយ “ខ” ស្រុកពាមរក៍ ខេត្តព្រៃវែង និង ឈ្មោះ សុត វណ្ណនី អាយុ៤៥ឆ្នាំ រស់នៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។ ជនសង្ស័យទាំង៣នាក់ត្រូវបានតុលាការសម្រេចឃុំខ្លួនបណ្តោះអាសន្ន ដាក់ពន្ធនាគារព្រៃសកាលពីថ្ងៃពុធ ក្រោមបទចោទថាហិង្សាដោយមានស្ថានទំងន់ទោសនិងធ្វើឲ្យខូចខាត ទ្រព្យសម្បត្តិដោយចេតនា៕

ឥណ្ឌូណេស៊ីលុបចោលជើងហោះហើរជិត៧០០នៅអាកាសយានដ្ឋាន Ngurah Rai

November 5, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ឥណ្ឌូណេស៊ី៖ជើងហោះហើរ៦៩២នៅអាកាសយានដ្ឋាននៅកោះ Bali ដែលជាអាកាសយានដ្ឋានច្រកអន្តរជាតិមួយក្នុងចំណោមអាកាសយានដ្ឋានដែលមានភាពមមាញឹកជាងគេបំផុតរបស់ឥណ្ឌូណេស៊ី ត្រូវបានលុបចោលដោយសារតែកំអ៊ែលភ្នំភ្លើង បានហូរចេញពីភ្នំភ្លើង។ នេះបើតាមព័ត៌មាន Channel News Asia។
ប្រភពបញ្ជាក់ថា អាកាសយានដ្ឋាន Ngurah Rai នៅលើកោះរមណីយដ្ឋាននេះត្រូវបានប្រកាសបិទចាប់ពីព្រឹកថ្ងៃព្រហស្បតិ៍ ហើយនឹងបើកឡើងវិញ បន្ទាប់ពីស្ថានភាពត្រូវបានវាយតម្លៃវិលមករកសភាពធម្មតាវិញ។ តាមរបាយការណ៍ពីអាជ្ញាធរក្នុងតំបន់បានឲ្យដឹងថា ភ្នំភ្លើង Rinjani ដែលនៅជិតអាកាសយាន្តដ្ឋានបានផ្ទុះកំអ៊ែលហូរចូលក្នុងអាកាសយានដ្ឋានខាងលើនេះ។
គួររំលឹកថា អ្នកដំណើររាប់សែននាក់ នៅកោះ Bali ត្រូវបានជាប់គាំងនៅទីនោះ អំឡុងពេលការឈប់សម្រាក ក្នុងខែកក្កដា នៅពេលដែលអាកាសយាន្តដ្ឋានត្រូវបានបិទ ដោយសារភ្នំភ្លើង Raung នៅខេត្ត East Java បានផ្ទុះឡើង៕

Passengers wait at the international terminal at Ngurah Rai Airport on the Indonesian resort island of Bali July 11, 2015 in this photo taken by Antara Foto. Indonesian authorities reopened the main airport on the popular resort island of Bali on Saturday after its closure on Friday due to a volcanic eruption on nearby Java island, an airport official said. Mount Raung in East Java has been erupting for nearly a week, forcing several airports in the region to close and causing widespread flight disruption on Friday. All of the airports, including Lombok international airport, have reopened. REUTERS/Nyoman Budhiana/Antara Foto
ATTENTION EDITORS – THIS IMAGE HAS BEEN SUPPLIED BY A THIRD PARTY. IT IS DISTRIBUTED, EXACTLY AS RECEIVED BY REUTERS, AS A SERVICE TO CLIENTS. FOR EDITORIAL USE ONLY. NOT FOR SALE FOR MARKETING OR ADVERTISING CAMPAIGNS MANDATORY CREDIT. INDONESIA OUT. NO COMMERCIAL OR EDITORIAL SALES IN INDONESIA.

យន្តហោះមួយគ្រឿងធ្លាក់នៅស៊ូដង់ខាងត្បូងស្លាប់៤៣នាក់

November 5, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ក្រុងជូបា៖មានមនុស្ស៤៣នាក់ត្រូវបានស្លាប់ដោយសារមានយន្តហោះ មួយគ្រឿងបានធ្លាក់នៅលើកោះនៃសហគមន៍កសិករបន្ទាប់ពីបានហោះឡើងបាន បន្តិចក្នុងរដ្ឋធានីជូបាប្រទេសស៊ូដង់ខាងត្បូង។ នេះបើតាមការរាយការណ៍ពីភ្នាក់ងារព័ត៌មានAFP នៅមុននេះបន្តិច។
វិទ្យុ Miraya ដែលជាស្ថានីយ៍គាំទ្រដោយអង្គការសហប្រជាជាតិបានរាយការណ៍មកថា៖ «មានយន្តហោះដឹកទំនិញមួយគ្រឿងដែលមានគោលដៅធ្វើដំណើរទៅតំបន់ Paloch នៃបានធ្លាក់ក្នុងកោះតូចមួយ ក្បែដងទន្លេនីលស បន្ទាប់ពីហោះឡើងបានបន្តិចដែលមានចម្ងាយប្រហែលជា ៨០០ម៉ែត្រពីព្រលានយន្តហោះអន្តរជាតិក្រុងជូបា»។
យោងតាម ការផ្សាយរបស់វិទ្យុដដែលបានឲ្យដឹងថា ទំនងមានមនុស្សប្រមាណជា៤០ នាក់បានស្លាប់ក្នុងហេតុការណ៍នេះ ហើយមានអ្នកដំណើរតែ៣នាក់ប៉ុណ្ណោះដែលនៅមានជីវិតក្រោយហេតុការណ៍ដ៏ រន្ធត់នេះ។ នៅកន្លែងកើតហេតុក៏មានសហគមន៍កសិករតូចៗជាច្រើនរស់នៅលើកោះនោះហើយ គេមិនច្បាស់ថាតើចំនួននៃជនរងគ្រោះដែលស្លាប់ជាមនុស្សដែលរស់នៅលើ កោះហើយរងគ្រោះនៅពេលដែលយន្ដហោះបានធ្លាក់ចំដែរឬយ៉ាងណានោះទេ។
អ្នកយកព័ត៌មាន AFP ដែលនៅកន្លែងកើតហេតុបានរាយការណ៍មកថា រូបគេបានឃើញមនុស្សកំពុងតែព្យាយាមដើម្បីស្វែងរកអ្នកនៅ រស់រានមានជីវិត និងកំពុងសែងសាកសព “ជាច្រើន” ចេញពីគំនរបំណែករបស់យន្តហោះដែលបានធ្លាក់នោះ។
ព្រលានយន្តហោះ ក្រុងជូបា មានសភាពមមាញឹកបំផុតនៅក្នុងប្រទេសដែលហែកហួរដោយសង្គ្រាមមួយនេះ ដែលផ្ទៃដីមានទំហំធំស្មើនឹងប្រទេសអេស្ប៉ាញ និងព័រទុយហ្គាល់រួមបញ្ចូលគ្នាឯណោះ ប៉ុន្តែជាប្រទេសដែលមានលទ្ធភាពមានផ្លូវថ្នល់កៅស៊ូ តិចតួចបំផុតនោះ។ ព្រលានយន្តហោះនេះបានដើរតួជាម្ចាស់ផ្ទះក្នុងការហោះហើរពាណិជ្ជកម្ម ជាទៀងទាត់ដូចជាខ្សែបណ្តាញប្រព័ន្ធយន្តហោះយោធានិងការដឹកទំនិញ ការផ្តល់ជំនួយដល់តំបន់ដាច់ស្រយាលដែលផ្លូវត្រូវបានកាត់ផ្តាច់នោះ៕

ឃាត់ខ្លួនយុវជនសង្ស័យ៩នាក់ពាក់ព័ន្ធគំរាមយកប្រាក់ជាង១ម៉ឺនដុល្លារពីសិស្សនៅអនុវិទ្យាល័យអន្លង់វិល

November 4, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តបាត់ដំបង៖កម្លាំងសមត្ថកិច្ចនគរបាលចំរុះនៅដើមខែវិច្ឆកានេះបានឃាត់ខ្លួនយុវជនចំនួន៩នាក់សង្ស័យពាក់ព័ន្ធករណីគំរាមយកប្រាក់ចំនួន១១៩០០ដុល្លារពីសិស្សដូចគ្នា នៅអនុវិទ្យាល័យអន្លង់វិលក្នុងស្រុកសង្កែខេត្តបាត់ដំបង។
យោងតាមមន្ត្រីនគរបាលយុត្តិធម៌បានអោយដឹងថា បន្ទាប់ពីបានទទួលបានពាក្យបណ្តឹងរបស់ឪពុកជនរងគ្រោះឈ្មោះ រស់ ឆៃលី ភេទប្រុស អាយុ៥៣ឆ្នាំ រស់នៅភូមិបញ្ញា ឃុំកំពង់ព្រះ ស្រុកសង្កែ ខេត្តបាត់ដំបង នៅវេលាម៉ោង៨ និង៣០នាទី ថ្ងៃទី៣ ខែវិច្ឆកា កម្លាំងរបស់ការិយាល័យព្រហ្មទណ្ឌកំរិតធ្ងន់ខេត្តសហការជាមួយ កម្លាំងអធិការដ្ឋាននគរបាលស្រុកសង្កែបានស្រាវជ្រាវ និងកំណត់មុខសញ្ញា ឈានដល់ការឃាត់ខ្លួនជនសង្ស័យចំនួន៩នាក់ជាសិស្សរៀននៅអនុវិទ្យាល័យអន្លង់វិលពីបទគំរាមកំហែងយកប្រាក់ប្រហាក់ប្រហែល១១៩០០ដុល្លារអាមេរិកចាប់ពីឆ្នាំ២០១៤រហូតមកដល់បច្ចុប្បន្ន។
ជនរងគ្រោះ ឈ្មោះ លី ឆៃតាក់ ភេទប្រុស អាយុ១៦ឆ្នាំ ជាសិស្សរៀននៅអនុវិទ្យាល័យអន្លង់វិលបានអោយដឹងថា ជនសង្ស័យទាំង៩នាក់ខាងលើជារឿយៗពេលស្ងាត់ៗតែងតែមកគំរាមកំហែងនិង ជម្រិតសំឡុតយកប្រាក់អោយខានតែបានម្ដងចំនួន២០០ទៅ៣០០ដុល្លារអាមេរិក ជាហេតុបណ្តាលអោយខ្លួនបង្ខំចិត្តលួចលុយរបស់ឪពុកម្ដាយ ដើម្បីយកទៅអោយពួកគេពុំនោះទេត្រូវរងការវាយធ្វើបាប។ ចំណែកជនសង្ស័យទាំង៩នាក់ដែលពាក់ពន្ធ័ទៅនឹងករណីគំរាមកំហែង យកប្រាក់ខាងលើកំពុងត្រូវបានសាកសួរ និងបន្តការស្រាវជ្រាវបន្ថែមដោយ សមត្ថកិច្ចអនុវត្តន៍ទៅតាមនីតិវិធីច្បាប់៕

ប៉េងប៉ោះបន្ថយហានិភ័យជំងឺដាច់សរសៃឈាមខួរក្បាល

November 4, 2015សុខភាពមេគង្គ ប៉ុស្តិ៍

ការស្រាវជ្រាវថ្ម មួយបានបង្ហាញថា ការញ៉ាំផ្លែប៉េងប៉ោះ និងអាហារផ្សេងៗដែលមានប៉េងប៉ោះត្រូវបានផ្សារភ្ជាប់ទៅនឹងការថយចុះហានិភ័យនៃជំងឺដាច់សរសៃឈាមខួរក្បាល។ ផ្លែប៉េងប៉ោះគឺសំបូរទៅដោយសារធាតុប្រឆាំងនឹងអុកស៊ីតកម្ម lycopene។
អ្នកស្រាវជ្រាវបានពិនិត្យលើកម្រិតនៃ lycopene នៅក្នុងឈាមលើបុរសជនជាតិហ្វាំងឡង់ជាង១.០០០នាក់ ដែលមានអាយុពី៤៦ឆ្នាំ ទៅ៦៥ឆ្នាំអំឡុងពេលនៃការចាប់ផ្តើមនៃការស្រាវជ្រាវ ហើយបន្ទាប់មកបានតាមដានពួកគេអស់រយៈពេលជា១២ឆ្នាំ។ អំឡុងពេលនៃការតាមដាន, បុរស៦៧នាក់ទទួលរងជំងឺដាច់សរសៃឈាមខួរក្បាល។
ជាសរុប, បុរសដែលមានកម្រិត lycopene ខ្ពស់បំផុតគឺមាន៥៥%ដែលហាក់ដូចជាមិនមានជំងឺដាច់សរសៃឈាមខួរក្បាលជាង អ្នកដែលមានកម្រិតប្រឆាំងអុកស៊ីតកម្មនេះតិចបំផុត។ នៅពេលដែលអ្នកស្រាវជ្រាវសំដៅលើតែជំងឺដាច់សរសៃឈាមខួរក្បាលតែមួយដែល ត្រូវបានបង្កឡើងដោយកំណកឈាម, ពួកគេបានរកឃើញថា បុរសដែលមានកម្រិត lycopene ខ្ពស់បំផុតគឺមាន៥៩%ដែលហាក់ដូចជាមិនមានជំងឺដាច់សរសៃឈាមខួរក្បាលជាង អ្នកដែលមានកម្រិតនេះទាបបំផុត។
អ្នកស្រាវជ្រាវបានរក មិនឃើញពីការផ្សារភ្ជាប់គ្នារវាងហានិភ័យនៃជំងឺដាច់សរសៃឈាមខួរក្បាល និងកម្រិតអ្នកប្រឆាំងអុកស៊ីតកម្ម alpha-carotene, beta-carotene, alpha-tocopherol និងretinol នៅក្នុងឈាមនោះទេ, នេះដោយយោងតាមការចេញផ្សាយនៅក្នុង Neurology។
ជូនី កាពី ដែលមកពីសាកលវិទ្យាល័យ Eastern Finland បាននិយាយថា ការស្រាវជ្រាវនេះបន្ថែមទៅលើការបង្ហាញថា អាហារដែលជាផ្លែឈើ និងបន្លែត្រូវបានផ្សារភ្ជាប់ជាមួយនឹងការថយចុះហានិភ័យនៃជំងឺដាច់ សរសៃឈាមខួរក្បាល។ លទ្ធផលបានគាំទ្រដល់ការណែនាំដែលមនុស្សគួរតែញ៉ាំបន្លែ និងផ្លែឈើអោយបានច្រើនក្នុងមួយថ្ងៃៗ ដែលនាំអោយមានការថយចុះខ្លាំងចំពោះចំនួននៃជំងឺដាច់សរសៃឈាមខួរក្បាល ។
វេជ្ជបណ្ឌិត រ៉ាហ្វាអែល អរធីស ប្រធានផ្នែកមជ្ឈមណ្ឌលនៃជំងឺដាច់សរសៃឈាមខួរក្បាល និងខាងផ្នែកវះកាត់ប្រព័ន្ធប្រសាទ-សរសៃឈាមខាងក្នុងនៅមន្ទីរពេទ្យ Lenox Hill ក្នុងទីក្រុងញូវយ៉កបាននិយាយថា ការស្រាវជ្រាវនេះបានបង្ហាញពីទំនាក់ទំនងផ្ទាល់ពីកំហាប់ខ្ពស់នៃ lycopene នៅក្នុងឈាម និងការថយចុះអត្រានៃជំងឺដាច់សរសៃឈាមខួរក្បាល។ អ្នកជក់បារីបានបន្ថយកម្រិតនៃ lycopene។ Lycopene គឺជាអ្នកប្រឆាំងអុកស៊ីតកម្មមួយ, បន្ថយការរលាក, ផ្តល់ភាពប្រសើរឡើងដល់មុខងារនៃប្រព័ន្ធភាពស៊ាំ និងការពារការកកើតជាកំណកឈាម។
អរធីសបានបន្ថែមថា ការស្រាវជ្រាវបានបង្ហាញថា មនុស្សគួរតែញ៉ាំអាហារដែលជាបន្លែ និងផ្លែឈើអោយបានច្រើនជាពិសេសផ្លែប៉េងប៉ោះ ហើយជៀសវាងការជក់បារីដើម្បីបន្ថយហានិភ័យនៃការមានជំងឺដាច់សរសៃឈាម ខួរក្បាល៕

ព្រះសង្ឃ២អង្គនិមន្តបិណ្ឌបាត ខឹងឲ្យធម៌មិនស្របគ្នា វាយគ្នាផ្អើលប្រជាពលរដ្ឋ

November 4, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖ប្រភពព័ត៌មានមួយរាយការណ៍ថាមានករណីលោកសង្ឃ២អង្គនិមន្តបិណ្ឌបាត ជាមួយគ្នា មិនដឹងថាមានទំនាស់គ្នាពីបញ្ហាអ្វីនោះទេស្រាប់តែចេញក្បាច់គុនដេញ វាយគ្នាផ្អើលប្រជាពលរដ្ឋដែលយកកូនមកព្យាបាលនៅមន្ទីរពេទ្យ គន្ធបុប្ផា ។ ហេតុការណ៍នោះបានកើតឡើងនៅខាងមុខមន្ទីរពេទ្យគន្ធបុប្ផាទី៤ ស្ថិតខាងជើងវត្តភ្នំ ក្នុងសង្កាត់វត្តភ្នំ ខណ្ឌដូនពេញ។
ប្រភពព័ត៌មាន ពីកន្លែងកើតហេតុ បានឲ្យដឹងថា មុនដំបូង គេឃើញលោកសង្ឃ២អង្គបាននិមន្តបិណ្ឌបាតតាមបណ្តោយផ្លូវលេខ៩០ លុះមកដល់ចំណុចកែងខាងមុខមន្ទីរពេទ្យគន្ធបុប្ផាក៏ស្រាប់តែចេញ ក្បាច់គុនដេញវាយគ្នាទៅវិញទៅមកធ្វើឲ្យផ្អើលប្រជាពលរដ្ឋ ហើយនាំគ្នាចោមរោមមើល។ ប៉ុន្តែភ្លាមៗ នោះសមត្ថកិច្ចប្រចាំការមន្ទីរពេទ្យ បានសហការជាមួយកម្លាំងសមត្ថកិច្ចមូលដ្ឋាន ចុះឃាត់ហើយ នាំលោកសង្ឃ២អង្គនោះទៅប៉ុស្តិ៍រដ្ឋបាលវត្តភ្នំ ដើម្បីសាកសួរពីមូលហេតុនាំឲ្យឈានដល់ការវាយតប់គ្នានោះ។
លោកសង្ឃ២អង្គ ដែលទាស់ទែងវាយតប់គ្នានោះ ទី១ឈ្មោះកែវ ចំរើន ព្រះជន្ម២៥ព្រះវស្សា គង់នៅវត្តសារ៉ាវ័នតេជោ គង់នៅកុដិលេខ១៧ បួសបាន៣វស្សា ទី២ឈ្មោះសឿន ម៉ាប់ ព្រះជន្ម២២ព្រះវស្សាគង់នៅជាមួយគ្នា នៅកុដិលេខ២៤បួសបាន៤វស្សា។
ប្រភពពី សមត្ថកិច្ចបានឲ្យដឹងថា មូលហេតុដែលនាំឲ្យលោកសង្ឃ២អង្គនោះ វាយគ្នាដោយសារតែនិមន្តបិណ្ឌបាតជាមួយគ្នា ឲ្យធម៌មិនស្របគ្នា ។ ទន្ទឹមនោះក៏ផ្តើមពីមូលហេតុព្រះសង្ឃមួយអង្គនេះបិណ្ឌបាត ហើយព្រះសង្ឃមួយអង្គទៀតចេះបិណ្ឌបាត។
យ៉ាងណាក៏ដោយ សមត្ថកិច្ចប៉ុស្តិ៍វត្តភ្នំបានបញ្ជាក់ថា យើងបានប្រគល់ព្រះសង្ឃ២អង្គដែលមានទំនាស់វាយតប់គ្នានោះប្រគល់ទៅ អធិការវត្តសារ៉ាវ័នតេជោ ជាអ្នកអប់រំតាមវិន័យសង្ឃ ៕

ឥណ្ឌូណេស៊ីបាញ់ពន្លិចទូកនេសាទវៀតណាម៦គ្រឿង

November 4, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ឥណ្ឌូណេស៊ី៖អ្នកនាំពាក្យកងនាវាជើងទឹកឥណ្ឌូណេស៊ីបាននិយាយថា កងកម្លាំងជើងទឹកប្រទេសឥណ្ឌូណេស៊ីបានបាញ់ពន្លិចទូកនេសាទវៀតណាម៦គ្រឿង ខណៈចូលនេសាទខុសច្បាប់ក្នុងតំបន់ Batam ខេត្ត Riau ប្រទេសឥណ្ឌូណេស៊ី កាលពីថ្ងៃសៅរ៍។ នេះបើតាមការចុះផ្សាយរបស់ Jakarta Post។
គួរបញ្ជាក់ថា ក្នុងតំណែងរបស់ប្រធានាធិបតី Joko Widodo ឥណ្ឌូណេស៊ីបានបាញ់ពន្លិចទូកនេសាទបរទេសខុសច្បាប់ក្នុងដែនសមុទ្ររបស់ខ្លួនចំនួន១០៦គ្រឿង។ ទូកនេសាទខុសច្បាប់ទាំងនោះភាគច្រើនមកពីប្រទេសវៀតណាម ប្រទេសហ្វីលីពីន និងប្រទេសថៃ រួមទាំងកប៉ាល់នេសាទចិនផងដែរ៕

កម្ពុជាបំបាក់ប្រ៊ុយណេ ៦-១ ការប្រកួតមិត្តភាពយប់មិញ

November 4, 2015កីឡាមេគង្គ ប៉ុស្តិ៍

បាល់ទាត់៖ក្រុមជម្រើសជាតិកម្ពុជាបានយកឈ្នះក្រុមភ្ញៀវប្រ៊ុយណេដោយលទ្ធផល ៦-១សម្រាប់ការប្រកួតបាល់ទាត់លក្ខណៈមិត្តភាពអន្តរជាតិកាលពីយប់មិញនៅពហុកីឡដ្ឋានជាតិ។
៦ គ្រាប់រប់សម្ចាស់ផ្ទះកម្ពុជារកបានដោយកីឡាករ ប្រាក់ មុន្នីឧត្ដម ចំនួន២គ្រាប់ កែវ សុខផេង ២ គ្រាប់ វ៉ា សុខថន ១ គ្រាប់ និង សឿយ វិសាល ១ គ្រាប់។ ចំណែក ១គ្រាប់របស់ក្រុមភ្ញៀវប្រ៊ុយណេវិញរកបានដោយខ្សែប្រយុទ្ធ Bin Ali Rahman៕

បណ្តឹងឧទ្ធរណ៍របស់លោក ហុង សុខហួរ តុលាការបើកសវនាការព្រឹកនេះ

November 4, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖នៅព្រឹកថ្ងៃទី៤ ខែវិច្ឆិកា ឆ្នាំ២០១៥នេះ តុលាការបើកសវនាការលើបណ្តឹងឧទ្ធរណ៍របស់លោក ហុង សុខហួរ អតីតសមាជិកព្រឹទ្ធសភាគណបក្សសម រង្ស៊ី។ បណ្តឹងឧទ្ធរណ៍នេះបានធ្វើឡើងបន្ទាប់ពីលោក ហុង សុខហួរ ប្រឆាំងនឹងការសម្រេចរបស់តុលាការក្រុងដែលមិនអនុញ្ញាតឱ្យលោកនៅក្រៅឃុំ។
តាមសេចក្តីរាយការណ៍ឲ្យដឹងថា លោក ហុង សុខហួរ មិនត្រូវបានគេនាំខ្លួនចូលក្នុងសវនាការទេ គឺមានតែតំណាងមេធាវីរបស់គាត់ប៉ុណ្ណោះ។
គួរបញ្ជាក់ថា លោក ហុង សុខហួរ ត្រូវបានតុលាការចោទប្រកាន់ពីបទក្លែងឯកសារ ប្រើប្រាស់ឯកសារក្លែង និងបទញុះញង់ ពាក់ព័ន្ធសន្ធិសញ្ញាព្រំដែនកម្ពុជា-វៀតណាម៕

ជនដៃដល់៣នាក់ដែលវាយតំណាង រាស្ត្រគណបក្សសង្គ្រោះជាតិចេញសារភាព

November 4, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ លោក ខៀវ សុភ័គ អ្នកនាំពាក្យក្រសួងមហាផ្ទៃ ប្រកាសនៅព្រលប់ថ្ងៃទី០៣វិច្ឆិកា នេះថា ជនដៃដល់៣នាក់ ដែលបង្ករបួសស្នាមដល់អ្នកតំណាងរាស្ត្រគណបក្ស សង្គ្រោះជាតិ កាលពីថ្ងៃទី២៦តុលានោះ បានចេញមកសារភាពហើយ។

នៅចំពោះមុខ គណៈកម្មការស្រាវជ្រាវ ស៊ើបអង្កេតរបស់ក្រសួងមហាផ្ចៃ ករណីបង្ករបួសស្នាមលើអ្នកតំណាងរាស្ត្រ២រូបនៃគណបក្សសង្គ្រោះជាតិ ។

អ្នកនាំពាក្យក្រសួងមហាផ្ទៃលោក ខៀវ សុភ័គ បានបញ្ជាក់ក្នុងសេចក្តីប្រកាសថា ជនសារភាពទាំង៣នាក់នោះ មានឈ្មោះដូចខាងក្រោម ៖
១- ឈ្មោះ ចាយ សារិទ្ធ ភេទប្រុស អាយុ៣៣ឆ្នាំ មានទីលំនៅ នៅសង្កាត់តាខ្មៅ ក្រុងតាខ្មៅ ខេត្តកណ្តាល
២- ឈ្មោះ ម៉ៅ ហឿន ភេទប្រុស អាយុ៣៤ឆ្នាំ មានទីលំនៅ ឃុំព្រែកខ្សាយ ស្រុកពាមរក៍ ខេត្តព្រៃវែង
៣- ឈ្មោះ ស៊ុត វណ្ណនី ភេទប្រុស អាយុ៤៥ឆ្នាំ មានទីលំនៅសង្កាត់កំពង់សំណាញ់ ក្រុងតាខ្មៅ ខេត្តកណ្តាល។

សេចក្តីប្រកាសដូច្នេះ បានធ្វើឡើង នៅពេលដែលលោក សម រង្ស៊ី និងលោក កឹម សុខា ប្រធាន និងអនុប្រធានគណបក្សសង្គ្រោះជាតិ បានវិលត្រលប់ពីក្រៅប្រទេស មកដល់រាជធានីភ្នំពេញ នាម៉ោងជិត ០៨:០០នាទីយប់ ថ្ងៃអង្គារ ទី០៣ ខែវិច្ឆិកា នេះ។

គួររំលឹកថា បន្ទាប់ពីហេតុការណ៍ បង្កអំពើហិង្សាវាយលើតំណាងរាស្ត្រ ២រូប ឲ្យរបួស កាលពីថ្ងៃទី២៦តុលា គឺភ្លាមៗរាជរដ្ឋាភិបាលបានបង្កើតគណៈកម្មការពិសេសមួយដឹកនាំដោយលោកនាយឧត្តមសេនីយ៍ ឯម សំអាន រដ្ឋលេខាធិការក្រសួងមហាផ្ទៃ ដើម្បីស្រាវជ្រាវស៊ើបអង្កេតករណីវាយតំណាងរាស្ត្រនោះ។

នៅថ្ងៃទី២៨តុលា លោកនាយករដ្ឋមន្ត្រី ហ៊ុន សែន ក៏បានប្រកាសបញ្ជាឲ្យនគរបាលសមត្ថកិច្ច តាមចាប់ខ្លួនជនបង្កអំពើហិង្សាទាំងនោះ មកផ្តន្ទាទោស ដោយគ្មានការលើកលែង ទោះបីជាជននោះ ជាអ្នកគាំទ្រគណបក្សនយោបាយណា រាប់ទាំងអ្នកគាំទ្រគណបក្សប្រជាជនកម្ពុជា និងគាំទ្ររដ្ឋាភិបាលក៏ដោយ៕ដោយះខេមរា