ភ្នំពេញ៖ម៉ូតូ២គ្រឿងជិះទាក់ដៃ
ជនរងគ្រោះមានឈ្មោះ មុំ វាដូ អាយុ៣៨ឆ្នាំ ស្នាក់នៅក្នុងសង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ។
តាមប្រភពព័ត៌មានពីកន្លែងកើតហេតុ
ក្រោយពេលកើតហេតុសពជនរងគ្រោះត្រូ
All posts by មេគង្គ ប៉ុស្តិ៍
ហាយលែនឌ័របុកសេ១២៥ពីក្រោយស្លាប់ម្នាក់របួសស្រាលម្នាក់នៅមុខវត្តស្ទឹងមានជ័យ
ភ្នំពេញ ៖ ហេតុការណ៍គ្រោះថ្នាក់ចរាចរណ៍គួ
ប្រភពពីកន្លែងកើតហេតុបានឲ្យដឹ
ក្រោយពេលកើតហេតុ សមត្ថកិច្ចបានចុះមកអន្តរាគមន៍ និងធ្វើការវាស់វែង ព្រមទាំងស្វែងរកទំនាក់ទំនងទៅគ្
Barcelona នឹងចុះកុងត្រាថ្មីជាមួយ Neymar
បាល់ទាត់៖បើយោងតាមការចុះផ្សាយរបស់គេហទំព័រ Marca បានឲ្យដឹងថា ក្លិបអ្នកមានបុណ្យ Barcelona គ្រោងចុះកិច្ចសន្យាថ្មីជាមួយខ្សែប្រយុទ្ធ Neymar ដែលជាកីឡាកររកប្រាក់បានច្រើនជាងគេឲ្យក្លិបលំដាប់លេខ២បន្ទាប់ពីកីឡាករ Lionel Messi។
ការគ្រោងបន្តកុងត្រាថ្មីនៅកីឡដ្ឋាន Camp Nou របស់ខ្សែប្រយុទ្ធសញ្ជាតិប្រេស៊ីលវ័យ២៣ឆ្នាំរូបនេះគឺបានបញ្ចប់នូវមន្ទិលសង្ស័យក្រោយការហ្វឹកហាត់នៅរដូវកាលនេះ។ ប៉ុន្តែបើយោងតាមអះអាងរបស់ប្រភពសារព័ត៌មានដដែលបានឲ្យដឹងថា ការចុះកិច្ចសន្យាថ្មីនេះធ្វើឲ្យរកប្រាក់ចំណូលបានច្រើនចូលក្លិប។
គួរបញ្ជាក់ថា ខ្សែប្រយុទ្ធ Neymar ផ្លាស់ពីក្លិប Santos មកកាន់ក្លិប Barcelona កាលពីឆ្នាំ២០១៣និងបង្ហាញខ្លួនឲ្យក្លិបបានចំនួន៧២លើកហើយស៊ុតបញ្ចូលទីបាន៤៥គ្រាប់៕
បញ្ហាបំណុលរុស្ស៊ី និងអ៊ុយក្រែន អាចនឹងបញ្ជូនទៅតុលារអន្តរជាតិ
រុស្ស៊ី៖ប្រធានាធិបតីរុស្ស៊ីលោក ពូទីន បានបញ្ជាឲ្យរដ្ឋាភិបាលរុស្ស៊ីបញ្ជូនសំណុំរឿងបំណុល៣ពាន់លានដុល្លារដែលប្រទេសអ៊ុយក្រែនជំពាក់ទៅដោះស្រាយនៅតុលាការអន្តរជាតិ ប្រសិនបើមិនព្រមសងតាមការកំណត់នោះ។
ការបញ្ជាបែបនេះធ្វើឡើងបន្ទាប់ពី រុស្ស៊ីបានគ្រោងធ្វើរចនាសម្ព័ន្ធថ្មីសម្រាប់បំណុល៣ពាន់លានដុល្លារអាមេរិកដែលប្រទេសអ៊ុយក្រែនជំពាក់ ពោលគឺនឹងអនុញ្ញាតឱ្យប្រទេសអ៊ុយក្រែនសងម្តង១ពាន់លានក្នុងចន្លោះពីឆ្នាំ២០១៦ដល់ឆ្នាំ២០១៨ ប៉ុន្តែត្រូវមានការធនាគាពីអឺរ៉ុប អាមេរិក ឬស្ថាប័នហិរញ្ញវត្ថុអន្តរជាតិ។ ប៉ុន្តែរហូតមកដល់ពេលនេះ ភាគីទាំងបីមិនមានម្នាក់ណាចេញខ្លួនមកធានាទេ។
ទន្ទឹមនោះនាយករដ្ឋមន្ត្រីអ៊ុយក្រែនលោក អាសេនី បានប្រកាសកាលពីសប្តាហ៍មុនថាប្រទេសរបស់លោកនឹងពន្យារពេលសងបំណុលនេះ។ បន្ទាប់មក រដ្ឋមន្ត្រីហិរញ្ញវត្ថុថ្មីរបស់អ៊ុយក្រែនគឺលោក ណាតាលី បានអះអាងថាអ៊ុយក្រែនបានត្រៀមខ្លួនរួចរាល់ហើយដើម្បីចរចាជាមួយរុស្ស៊ីស្តីអំពីបញ្ហាបំណុលនេះ ដោយសង្ឃឹមថានឹងសម្រេចបានលទ្ធផលមុនពេលពាក្យបណ្តឹងទៅដល់ដៃតុលាការ៕
តួកគី៖រុស្ស៊ីមិនមែនកម្ទេចក្រុម ISIS នៅស៊ីរីទេ
តួកគី៖អ្នកនាំពាក្យប្រធានាធិបតីតួកគី លោក Ibrahim Kalin ថ្លែងក្នុងសន្និសីទសារព័ត៌មាន ក្នុងរដ្ឋធានី Ankara កាលពីម្សិលមិញថា រុស្ស៊ីមិនមែនប្រយុទ្ធប្រឆាំងនឹងក្រុមឧទ្ទាម ISIS នៅក្នុងប្រទេសស៊ីរីនោះទេ ដោយពួកគេបាននឹងកំពុងគាំទ្ររបប និងគាំទ្រដល់ប្រធានាធិបតីស៊ីរី លោក Bashar al-Assad។ នេះបើតាមព័ត៌មាន AFP។
លោក Kalin បានបញ្ជាក់ថា ក្រុម IS ត្រូវបានគេប្រើប្រាស់ជាហេតុផលមួយ ដើម្បីរក្សានូវរបបរបស់លោក Assad ដែលត្រូវបានគេចោទប្រកាន់ថា បានសម្លាប់ជនស៊ីវិលជាង៤០០,០០០នាក់នៅស៊ីរី។លោកបានលើកហេតុផលថា ទីតាំងដែលត្រូវបានផ្តល់ ឲ្យដោយរបបលោក Assad ទៅកាន់រុស្ស៊ី ដើម្បីវាយប្រហារលើគោលដៅរបស់ក្រុម IS គឺមិនមានការជាប់ពាក់ព័ន្ធជាមួយនឹងក្រុម IS នោះទេ។
ដោយឡែកប្រធានាធិបតីតួកគី លោក Recep Tayyip Erdogan បានលើកឡើងថា មានត្រឹមតែ១០ភាគរយប៉ុណ្ណោះ នៃការវាយប្រហារតាមដែន អាកាសរបស់រុស្ស៊ី បានវាយចំលើគោលដៅ របស់ក្រុម IS ខណៈ៩០ភាគរយទៀត បានវាយប្រហារលើពួក Turkmens និងក្រុមឥស្លាមដទៃទៀត ដែលកំពុងប្រឆាំងនឹងរបប របស់លោក Assad។
គួរបញ្ជាក់ថា រុស្ស៊ី បានបើកការវាយប្រហារតាមដែនអាកាស នៅក្នុងប្រទេសស៊ីរី ចាប់តាំងពីថ្ងៃទី៣០ ខែកញ្ញា ហើយទំនាក់ទំនងរវាងស៊ីរី និងតួកគី បានធ្លាក់ចុះយ៉ាងខ្លាំង ចាប់តាំងពីការចាប់ផ្តើមនៃវិបត្តិនៅស៊ីរី ក្នុងឆ្នាំ២០១១៕
Liverpool តាមប្រមាញ់ Jese Rodriguez របស់ Real Madrid
បាល់ទាត់៖ខ្សែមប្រើសញ្ជាតិអេស្ប៉ាញ របស់ក្លិបយក្ស Real Madrid កីឡាករ Jese Rodriguez កំពុងក្លាយជាផ្ទាំងស៊ីបរបស់ក្រុមហង្សក្រហម Liverpool នៅពេលទីផ្សារដោះដូរកីឡាករបើកនៅក្នុងខែមករាខាងមុខនេះ។
ខ្សែបម្រើ វ័យ២២ឆ្នាំរូបនេះបាននិយាយថា ក្រោមការដឹកនាំរបស់ លោក Rafael Benitez រូបគេមិនសូវបានជាប់ជម្រើសដំបូងរបស់ក្លិប Real Madrid ទើបកីឡាករខ្សែបម្រើរូបនេះចង់ចាក់ចេញពីកីឡាដ្ឋាន Bernabeu។
យោងតាម គេហទំព័រ Don Balon របស់អេស្ប៉ាញបានឲ្យដឹងថា លោក Jurgen Klopp អ្នកចាត់ការទូរទៅរបស់ក្លិបហង្សក្រមហ Liverpool គឺកំពុងតាមដាននូវទម្រង់លេងរបស់ខ្សែបម្រើរូបនេះហើយបើឃើញថាបង្ហាញ ទម្រង់លេងល្អ ហង្សក្រហមនិងត្រៀមលុយសម្រាប់ទិញយកនៅពេលទីផ្សារដោះដូរនៅខែមករា ខាងមុខនេះ។
គួរបញ្ជាក់ដែរថា ខ្សែបម្រើ Jese Rodriguez ផ្លាស់ចេញពីក្រុម Huracán មកកាន់ក្លិប Real Madrid កាលពីឆ្នាំ២០១១និងបានបង្ហាញខ្លួនឲ្យក្រុម៤៤លើកស៊ុតបញ្ចូលទីបាន១០គ្រាប់។ Rodriguez កំពុងមានក្រុមជាច្រើនចុងបានផងដែររួមមានក្លិបកាំភ្លើងធំ Arsenal របស់អង់គ្លេស ក្រុម Inter Milan និង Napoli របស់អ៊ីតាលី៕
អ៊ីរ៉ង់ស្តីបន្ទោសបណ្តាប្រទេសមូស្លីមរឿងផ្ទុះអាវុធ
អ៊ីរ៉ង់៖ប្រធានាធិបតីអ៊ីរ៉ង់លោក ហាសាន រូហានីបានស្តីបន្ទោសទៅដល់បណ្តាប្រទេសមូស្លីមមួយចំនួនចំពោះការវាយប្រហារទៅដល់ប្រជាជនស៊ីអ៊ីតនៅក្នុងប្រទេសយេម៉ែនហើយនិងការបំពាក់អាវុធទៅដល់ក្រុមជ្រុលនិយមក្នុងប្រទេសប្រទេសអ៊ីរ៉ាក់និងប្រទេសស៊ីរី។
លោកប្រធានាធិបតីថ្លែងបែបនេះធ្វើឡើងនៅឯកិច្ចប្រជុំរួបរួមអ៊ីស្លាមអន្តរជាតិលើកទី ២៩ នៅក្នុងទីក្រុងតេហេរ៉ង កាលពីថ្ងៃម្សិលមិញ។ លោកប្រធានាធិបតី ហាសានរូហានីបានសង្កត់ធ្ងន់ ថាមានតែប្រទេសអ៊ីស្រាអែលទេដែល នឹងទទួលបានផលប្រយោជន៍ពីការបំផ្លាញស៊ីរី៕
លោក ហ៊ុន សែន ប្រកាសមិនលើក លែងទោស សម រង្ស៊ី និងស្នើចែងច្បាប់ប្រធានបក្សត្រូវមានសញ្ជាតិតែមួយ
ភ្នំពេញ៖ លោកនាយករដ្ឋមន្ត្រី ហ៊ុន សែន នៅថ្ងៃចន្ទទី២៨ នេះ បានលើកឡើងនូវចំណុចដ៏សំខាន់ចំនួន២យ៉ាងម៉ឺងមាត់ថា លោកនឹងស្នើឲ្យមានការធ្វើវិសោធនកម្មច្បាប់ស្តីពីគណបក្សនយោបាយ ដោយចែងថាប្រធានគណបក្សរួមនិងស្ថាប័នជាតិកំពូលដទៃទៀតត្រូវមានសញ្ជាតិតែមួយ ហើយថាលោកនឹងកាត់ដៃស្តាំចោលប្រសិនបើលោកស៊ីញ៉េស្នើលើកលែងទោសឲ្យលោក សម រង្ស៊ី លើកទី៣។
លោកនាយករដ្ឋមន្ត្រី ហ៊ុន សែន បានថ្លែងបែបនេះនៅក្នុងពិធីចែកសញ្ញាបត្រដល់និស្សិតនៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច កាលពីព្រឹកថ្ងៃទី ២៨ ខែធ្នូ ឆ្នាំ ២០១៥ ។
ប្រសាសន៍ដែលគួរឲ្យភ្ញាក់ផ្អើលនាចុងឆ្នាំនេះ លោកនាយករដ្ឋមន្ត្រី ហ៊ុន សែន បានថ្លែងថាលោកស្នើឲ្យក្រុមការងារដែលនឹងពិភាក្សាពីការធ្វើវិសោធនកម្មច្បាប់ស្តីពីគណបក្សនយោបាយ បញ្ចូលចំណុចមួយដែលចែងថាប្រធានគណបក្សនយោបាយ រួមនិងស្ថាប័នកំពូលដទៃទៀតត្រូវតែមានសញ្ជាតិមួយប៉ុណ្ណោះ។
បើទោះបីជាលោកនាយករដ្ឋមន្ត្រីកម្ពុជាមិនបានថ្លែងចំឈ្មោះអ្នកណាក្តី ក៏គេដឹងថា គឺសំដៅលើលោក សម រង្ស៊ី ដែលមានសញ្ជាតិបារាំង និងកំពុងនិរទេសពីការចាប់ខ្លួន។លោកនាយករដ្ឋមន្ត្រីនូវបានថ្លែងធ្ងន់ៗថា លោកនឹងកាត់ដៃខ្លួនឯងចោល ប្រសិនបើលោកលើកលែងទោសលោក សម រង្ស៊ី ជាលើកទីបី “ខាងផ្នែកគណបក្សប្រជាជនកំពុងតែគិតគូ ដោយសារយើងមានច្បាប់មួយរួចទៅហើយ ប្រធាននិងសមាជិកគណៈកម្មាធិការជាតិរៀបចំការបោះឆ្នោត ត្រូវតែជាសញ្ជាតិខ្មែរ ដូច្នេះពេលខាងមុខ ច្បាប់ស្តីពីបក្សនយោបាយ ចាំបាច់ត្រូវកំណត់ប្រធានបក្សនយោបាយ ត្រូវជាសញ្ជាតិខ្មែរ តែមួយទេ ដើម្បី ចៀសវាងមានរឿងអីកាន់ប៉ាស្ព័របរទេសរត់ ហើយបរទេសមកអន្តរាគមន៍”។
លោក ហ៊ុន សែន ក៏ស្នើឲ្យមានច្បាប់ចែងថា ប្រធានរដ្ឋសភា ប្រធានព្រឹទ្ធសភា ប្រធានក្រុមប្រឹក្សាធម្មនុញ្ញ ប្រធានតុលាការកំពូល អគ្គព្រះរាជអាជ្ញា អគ្គសវនករនិងប្រធានក្រុមប្រឹក្សាភិបាលប្រឆាំងអំពើពុករលួយ ត្រូវមានសញ្ជាតិតែមួយ។ លោកបញ្ជាក់ថាការមានសញ្ជាតិតែមួយ ដើម្បីកុំឲ្យមានការជ្រៀតជ្រែកពីបរទេសពេលមានបញ្ហាអ្វីមួយ។
សូមជម្រាបថា ច្បាប់គណបក្សនយោបាយកម្ពុជា ត្រូវបានប្រកាសឲ្យប្រើប្រាស់កាលពីឆ្នាំ១៩៩៧ ដែលមាន១១ជំពូក និង៤៥មាត្រា។
គួររំឭកថា លោក សម រង្ស៊ី ត្រូវបានតុលាការចេញដីកាបង្គាប់ឲ្យសមត្ថកិច្ចចាប់ខ្លួនដាក់ពន្ធនាគារ២ឆ្នាំ ពីបទបរិហាកេរ្តិ៍ជាសាធារណៈនិងញុះញង់ឲ្យមានការរើសអើង ដែលប្តឹងដោយ លោក ហោ ណាំហុង បន្ទាប់ពីលោក សម រង្ស៊ី ថ្លែងនៅសារមន្ទីរជើងឯកកាលពីឆ្នាំ២០០៨ថាលោក ហោ ណាំហុង ជាអតីតមេគុកបឹងត្របែកសម័យខ្មែរក្រហម។
នៅថ្ងៃទី៤ខែធ្នូ ឆ្នាំ២០១៥កន្លងមកនេះ ក៏ត្រូវបានតុលាការកោះហៅពាក់ព័ន្ធនឹងសំណុំរឿងអតីតសមាជិកព្រឹទ្ធសភា លោក ហុង សុខហួរ ទាក់ទងនឹងបទការសមគំនិតក្នុងអំពើក្លែងបន្លំឯកសារសាធារណៈ ប្រើប្រាស់ឯកសារសាធារណៈក្លែង និងញុះញង់បង្កឲ្យមានភាពវឹកវរ ដល់សន្តិសុខសង្គម ប្រព្រឹត្តទៅកាលពីថ្ងៃទី១២ និង១៣ ខែសីហា ឆ្នាំ២០១៥។
ចំណែកនៅថ្ងៃទី៤ ខែមករា ឆ្នាំ២០១៦ វេលាម៉ោង៨និង៣០នាទីព្រឹក ខាងមុខនេះលោក សម រង្ស៊ី ត្រូវតុលាការកោះហៅសាកសួរពីរឿងបរិហាកេរ្តិ៍ តាមពាក្យបណ្តឹងរបស់លោក គី តិច មេធាវីលោក ហេង សំរិន មួយករណីទៀត៕ដោយ៖ខេមរា
រថយន្តយីឌុបដឹកឈើល្មើសលើសទម្ងន់បើកគេចស្ថានីយថ្លឹងឡានអូរពងមាន់ រាល់ថ្ងៃគ្មានការបង្រ្កាប
ស្ទឹងត្រែង: រថយន្តយីឌុបធុនយក្សភ្លៅប្រាំដែ
លោក ស គឹមណាត ប្រធានសាធារណ:ការនឹងដឹកជញ្ជូនខេ
លោក ទិត្យ វី នាយសង្កាត់រដ្ឋបាលព្រៃឈើ ឃុំក្បាលរមាស ស្រុកសេសាន បានឱ្យដឹងថា: រថយន្តដឹកឈើលើសទម្ងន់កន្លងមកថ្មីៗនេះ ប្រត្តិកម្មជាមួយជញ្ជីងថ្លឹង
បច្ចុប្បន្នគ្រប់មជ្ឈដ្ឋានគេសង្
លុះដល់ពេលប្រលប់ៗប្រហែលជាម៉ោ
ប្រជាពលរដ្ឋបានត្អូញត្អែរថា ជារៀងរាល់យប់ថ្ងៃមានរថយន្តធំៗដឹ
ផ្ទេរភារកិច្ចលោក សុក គឹមហេន មេគយកំពង់ធំទៅធ្វើមេគយខេត្តកំពតវិញ
ខេត្តកំពត ៖លោក ខូយ ឃុនហ៊ួរ និងលោក នួន ច័ន្ទរិទ្ធិ អគ្គនាយករងនៃអគ្គនាយកដ្ឋានគយ និងរដ្ឋាករ នាព្រឹក ថ្ងៃទី២៨ ខែធ្នូ ឆ្នាំ២០១៥នេះ បានអញ្ជើញចូលរួម ប្រកាសផ្ទេរភារកិច្ច ចូលកាន់មុខតំណែងប្រធានសាខាគយ និងរដ្ធាករខេត្តកំពតជាផ្លូងការ របស់លោក សុក គឹមហេន អតីតប្រធានសាខាគយ និងរដ្ឋាករខេត្តកំពង់ធំ មកជាប្រធានសាខាគយ និងរដ្ឋាករ ខេត្តកំពត ជំនួសលោក សំ សុខា មេគយខេត្តកំពត ដែលបានផ្ទេរធ្វេីជាប្រធានសាខាគយ និងរដ្ឋាករខេត្តកំពង់ឆ្នាំងវិញ។
អគ្គនាយករង លោក នួន ច័ន្ទរិទ្ធិ បានមានប្រសាសន៍ណែនាំអំពីនីតិវិ
លោកអភិបាលខេត្ត ខូយ ឃុនហ៊ួរ បានផ្តល់អនុសាសន៍ ដល់ថ្នាក់ដឹកនាំសាខាគយ និងរដ្ឋាករ និងមន្ត្រីគយ និងរដ្ឋាករគ្រប់ថ្នាក់ទាំងអស់នៅ
Jack Wilshere នឹងអវត្តមានរហូតដល់ខែកុម្ភៈ
បាល់ទាត់៖អ្នកចាត់ការទូរទៅរបស់ក្លិបកាំភ្លើងធំ Arsenal លោក Arsene Wenger បានឲ្យដឹងថាកីឡាករខ្សែបម្រើ Jack Wilshere ត្រូវបានសម្រាករហូតដល់ខែកុម្ភៈដោយសាររបួស។
ខ្សែបម្រើសញ្ជាតិអង់គ្លេសវ័យ២៣រូបនេះ បានឲ្យដឹងដែរថា រូបគេមិនបានបង្ហាញខ្លួនឲ្យក្លិបកាំភ្លើងធំ Arsenal ដោយសាររបួសបាក់ជើងក្នុងអំឡុងពេលហ្វឹកហាត់មុនការប្រកួតពានរង្វាន់ Community Shield កាលពីខែ សីហា កន្លងមក។
គួរបញ្ជាក់ដែរថា កីឡាករ Jack Wilshere បានផ្លាស់ពីក្លិប Luton Town មកកាន់ Arsenal កាលពីឆ្នាំ២០០៨ ហើយបានខ្លួនឲ្យក្រុម១០០លើកស៊ុតបញ្ជូលទីបាន៦គ្រាប់ និងឆ្នាំ ២០១០បានផ្លាស់ទៅក្លិប Bolton Wanderers លក្ខណៈខ្ចីជើង៕
នាយករដ្ឋមន្ត្រីបញ្ជាឲ្យបញ្ឈប់ការយកលុយពីយានយន្តដែលឆ្លងកាត់ផ្លូវ វេង ស្រេង
ភ្នំពេញ៖ប្រជាពលរដ្ឋដែលរស់នៅតាមបណ្តោយផ្លូវវេងស្រេងមិនត្រូវបង់លុយថ្លៃយានយន្តឆ្លងកាត់នោះទេ។ នេះបើយោងតាមបទបញ្ជារបស់សម្តេចតេជោនាយករដ្ឋមន្ត្រីផ្សាយតាមហ្វេសប៊ុករបស់លោក។
តាមរយៈបណ្តាញសង្គមហ្វេសប៊ុក នាយប់ថ្ងៃ អាទិត្យ ២៧ ខែធ្នូ ឆ្នាំ២០១៥ សម្តេចអគ្គមហាសេនាបតីតេជោ ហ៊ុន សែន បានសរសេរថា “បងប្អូនដែលរស់នៅតាមបណ្តោយ ផ្លូវវែងស្រេង ជាទីស្រឡាញ់! ខ្ញុំទើបបានដឹងរឿង ដែលរថយន្តគ្រួសារ រស់នៅតាមបណ្តោយ ផ្លូវវែងស្រេងត្រូវក្រុមហ៊ុនយកប្រាក់ ១១០០ រៀលក្នុងរថយន្ត១គ្រឿង ឬ ត្រូវបិទ sticker ក្នុងតម្លៃ១៣២.០០០ រៀលក្នុងរថយន្ត១គ្រឿង។ នេះបើតាមការបញ្ជាក់ របស់បងប្អូនដែលបាន ផ្ញើព័ត៌មានពិតមកកាន់បណ្តាញទំនាក់ទំនងសង្គមហ្វេសប៊ុគ (Facebook) របស់ខ្ញុំ។ ចំណែកអាជា្ញធរបញ្ជាក់ថា ៤០.០០០ រៀល១គ្រឿង”។
សម្តេចតេជោ បានសរសេរបន្តទៀតថា “សំរាប់ខ្ញុំ ទោះតម្លៃមួយណាក៏ដោយ បងប្អូនមិនត្រូវបង់ថ្លៃផ្លូវឬបង់ថ្លៃធ្វើ sticker នោះទេ។ ខ្ញុំបានបញ្ជារឱយអភិបាលក្រុងធ្វើ Sticker ជូនបងប្អូនដោយមិនចាំបាច់បង់ប្រាក់ សំរាប់រថយន្តគ្រួសារដែលរស់នៅតាមបណ្តោយ ផ្លូវនិងស្ថិតក្នុងតំបន់ដែលក្រុមហ៊ុនធ្វើវិនិយោគ។ បងប្អូនត្រូវបំពេញកាត្វកិច្ចបង់ពន្ឋផ្លូវ ជូនរដ្ឋតាមការកំណត់នៃច្បាប់ តែមិនត្រូវបង់ថ្លៃផ្លូវមុខផ្ទះបងប្អូននោះទេ”។សម្តេចនាយករដ្ឋមន្ត្រី បានបញ្ជាឲ្យសាលារាជធានីភ្នំពេញ “ត្រូវចាត់កម្លាំងចុះធ្វើ Sticker ជូនបងប្អូនបន្ទាន់”។
សម្តេចតេជោ បានអះអាងជាថ្មីទៀតថា សម្តេចទទួលនឹងជួយ ដោះស្រាយរឿងពិតប្រាកដដែលជាទុក្ខកង្វល់របស់ប្រជាជន។
សូមបញ្ជាក់ថា ផ្លូវវេងស្រេង ឬហៅថា ផ្លូវចោមចៅ ដែលរងការខូចខាតស្ទើរទាំងស្រុង ត្រូវបានស្ថាបនាឡើងវិញ ដោយសាលារាជធានីភ្នំពេញ។ ផ្លូវនេះមានប្រវែង ៦.៥០០ ម៉ែត្រ ទទឹង ២៨ម៉ែត្រ ចាប់ពីចំណុចស្ថានីយប្រេងឥន្ធនៈ សូគីម៉ិច ច្រមុះជ្រូក រហូតមកដល់រង្វង់មូលចោមចៅ ផ្លូវជាតិលេខ៤ ដែលចាប់ផ្តើមកសាងឡើង កាលពីដើមខែកក្កដា ឆ្នាំ២០១៣។ ផ្លូវនេះ ក្រុមហ៊ុនវេងស្រេង បានផ្ទេរឲ្យក្រុមហ៊ុនបរទេសមួយ ហើយ ក្រុមហ៊ុនបរទេសនោះបានផ្ទេរផ្លូវនេះ មកលោកបណ្ឌិត ហ៊ុន ម៉ាណែត ជាអ្នកគ្រប់គ្រងបន្ត ដោយសហការជាមួយសាលារាជធានីភ្នំពេញ ធ្វើការឈូសឆាយជាថ្មី ដើម្បីបម្រើនូវផលប្រយោជន៍រួមរបស់ប្រជាពលរដ្ឋខ្មែរទាំងមូល ៕
កងកម្លាំងយោធាអ៊ីរ៉ាក់បន្តវាយរុលកាន់ កាប់ក្រុងរ៉ាម៉ាឌី
អ៊ីរ៉ាក់៖កងកម្លាំងយោធារបស់រដ្ឋាភិបាលនៃប្រទេសអ៊ីរ៉ាក់បានវាយរុលទៅមុខឆ្ពោះទៅកាន់ទីក្រុងរ៉ាម៉ាឌី ដែលគ្រប់គ្រងដោយក្រុមរដ្ឋអ៊ិស្លាម ISIS ខណៈដែលកងកម្លាំងអាកាស និងក្រុមសម្ព័ន្ធមិត្តអន្តរជាតិដែលដឹកនាំដោយសហរដ្ឋអាមេរិក ក៏បានជួយគាំទ្រតាមអាកាសតាមរយៈការទម្លាក់គ្រាប់បែកចូលទៅកាន់ទីតាំងរបស់ក្រុមអាយស៊ីសផងដែរ។
គួរបញ្ជាក់ថាកាលពី ខែឧសភា កន្លងទៅរដ្ឋាភិបាលអ៊ីរ៉ាក់បានទទួលរងការវាយប្រហារយ៉ាងខ្លាំងក្លាពីក្រុមសកម្មប្រយុទ្ធអាយស៊ីសរហូតដល់ពួកគេអាចកាន់កាប់ទីក្រុងរ៉ាម៉ាឌីដែលមានចម្ងាយ១៣០គីឡូម៉ែត្រនាភាគខាងលិចទីក្រុងបាដាដបាន៕
ជប៉ុន និងកូរ៉េខាងត្បូងនឹងជួបគ្នាពិភាក្សាស្ដីពីបញ្ហាទាសករផ្លូវភេទ
ជប៉ុន៖រដ្ឋមន្ត្រីការបរទេសជប៉ុន និងកូរ៉េខាងត្បូងនឹងជួបប្រជុំពិភាក្សាស្តីពីបញ្ហាទាសករផ្លូវភេទក្នុងសម័យសង្គ្រាមនៅថ្ងៃចន្ទនេះ បន្ទាប់ពីមន្ដ្រីជាន់ខ្ពស់នៃប្រទេសទាំងពីរបានជួបគ្នាកាលពីថ្ងៃអាទិត្យម្សិលមិញ។ គួរបញ្ជាក់ថា កូរ៉េខាងត្បូង និងជប៉ុនកម្រនឹងជួបពិភាក្សាគ្នាណាស់ ប៉ុន្ដែអ្វីជាដើមចមធ្វើឲ្យប្រទេសទាំងពីរជួបគ្នាជាញឹកញាប់ ដោយសារតែបញ្ហាទាសករផ្លូវភេទក្នុងសម័យសង្គ្រាម នៅពេលជប៉ុនដាក់អាណានិគមលើកូរ៉េខាងត្បូង ហើយបានចាប់ស្ដ្រីជនជាតិកូរ៉េខាងត្បូងឲ្យទៅបម្រើកងទ័ពពួកគេ៕
យុវជនហ្វីលីពីនមួយក្រុមបោះជំរំលើកោះSpratly គ្រាដែលចិនកំពុងទាមទារ
ហ្វីលីពីន៖យុវជនហ្វីលីពីនមួយក្រុមដែលមានគ្នា៤៧នាក់ដឹកនាំដោយអតីតទាហានជើងទឹកហ្វីលីពីនម្នាក់ បាននាំគ្នាធ្វើដំណើរឆ្ពោះទៅកាន់ប្រជុំកោះ Spratly ដើម្បីតាំងទីជានិមិ្មតរូប នៅលើកោះកោះ Pag-ឬកោះ Thitu ដើម្បីប្រាប់ទៅរដ្ឋាភិបាលចិន ដែលកំពុងតែធ្វើការទន្ទ្រាន ដណ្តើមយកប្រជុំកោះ នេះជារបស់ខ្លួន។
ក្រុមយុវជននេះមានឈ្មោះថា ចលនា Kalayaan Atin Ito ដែលមានន័យថាKalayaan ជារបស់យើង។ ពាក្យ Kalayaan ប្រែថាសេរីភាព ហើយក៏ជាឈ្មោះតំបន់សហគមមួយ ដែលហ្វីលីពីន បានតាំងទីនៅលើប្រជុំកោះ Spratly នេះ។
ក្រុមយុវជននេះ ជាយុវជនសកម្មក្នុងការទាមទារឲ្យរដ្ឋាភិបាលហ្វីលីពីន បង្ហាញការពិតប្រាប់ប្រជាពលរដ្ឋ ស្តីពី សកម្មភាពរំលោភបំពានរបស់ចិន ដោយមិនត្រូវលាក់លៀម និងមិនត្រូវខ្លាចអំណាចរបស់ចិនជាដាច់ខាត។ រដ្ឋាភិបាលហ្វីលីពីន ក៏បានដាក់ញត្តិ ទៅកាន់អង្គការសហប្រជាជាតិ ដើម្បីទាមទារឲ្យទទួលស្គាល់អធិបតេយ្យភាពរបស់ខ្លួន។ តាមការគ្រោងទុក សេចក្តីសម្រេចមួយនឹងត្រូវធ្វើឡើង នៅខែមីនាឆ្នាំក្រោយនេះ។ តែយ៉ាងណាក៏ដោយ គេពិតជាមិនងាយជឿទេថា ចិនសុខចិត្តដកថយដោយស្រួលៗនោះទេ។
អ្នកនាំពាក្យរដ្ឋាភិបាលហ្វីលីពីនបានបញ្ជាក់ថា រដ្ឋាភិបាលមិនបាននៅពីក្រោយ ឬគាំទ្រចលនារបស់យុវជនមួយក្រុមនេះទេ។ ក៏ប៉ុន្តែយ៉ាងណាក៏ដោយ រដ្ឋាភិបាលយល់ពីទឹកចិត្តស្នេហាជាតិរបស់ពួកគេ។
គួរបញ្ជាក់ថា ប្រជុំកោះ Spratly ស្ថិតនៅចំងាយ៥០០គីឡូម៉ែត្រ ពីឆ្នេរកោះ Palawan របស់ ហ្វីលីពីន ដែលតាមធម្មតា គឺស្ថិតនៅក្នុងដែនទឹក របស់ហ្វីលីពីន។ ប៉ុន្តែ ប៉ុន្មានឆ្នាំចុងក្រោយនេះ ចិនបានទាមទារ ប្រជុំកោះនៅក្នុងដែនសមុទ្រចិនខាងត្បូង ស្ទើរតែទាំងស្រុង ថាជារបស់ខ្លួន៕
