បាល់ទាត់៖ក្រុមបាល់ទាត់ជម្រើសជាតិកម្ពុជានឹងត្រូវប្រកួតជើងទី២ ជាមួយក្រុមអាហ្វហ្គានីស្ថានក្នុងជំនួបជម្រុះបាល់ទាត់ពិភពលោកឆ្នាំ ២០១៨ នៅតំបន់អាស៊ី ពូលE ជុំទី២ នៅវេលាម៉ោង ៦ និង៣០យប់នេះនៅកីឡដ្ឋាន Takhti Stadium ប្រទេសអ៊ីរ៉ង់។
គួរបញ្ជាក់ថា កាលពីជើងទី១កម្ពុជាបានប្រកួតចាញ់អាហ្វហ្គានីស្ថានដោយលទ្ធផល១-០កាលពីថ្ងៃទី២៤ ខែមិថុនាកន្លងទៅក្នុងកីឡដ្ឋានជាតិអូឡាំពិក៕
មីយ៉ាន់ម៉ា៖ទោះបីជាលទ្ធផលនៃការបោះឆ្នោតសភាកាលពីថ្ងៃអាទិត្យ ទី៨ វិច្ឆិកានៅមិនទាន់បានប្រកាសជាផ្លូវការនៅឡើយ តែលទ្ធផលបណ្តោះអាសន្នដែលកំពុងធ្លាក់មកជាបណ្តើរៗបានផ្តល់ជោគជ័យ យ៉ាងធំធេងចំពោះគណបក្សប្រឆាំងរបស់លោកស្រី អ៊ុង សានស៊ូជី គឺគណបក្សសម្ព័ន្ធជាតិដើម្បីលទ្ធិប្រជាធិបតេយ្យ។ លោកស្រីអ៊ុង សានស៊ូជីផ្ទាល់ខ្លួនបានបញ្ជាក់ថា គណបក្សរបស់លោកស្រីទទួលបានដល់ទៅ ៨២% នៃអសនៈនៅក្នុងរដ្ឋសភា និងថា ជ័យជំនះរបស់គណបក្សប្រឆាំង គឺបានលេចរូបរាងកាន់តែច្បាស់ក្រឡែត។
នៅថ្ងៃពុធ ទី១១ វិច្ឆិកា ម្សិលមិញនេះ លោកស្រីអ៊ុង សានស៊ូជីបានអំពាវនាវឲ្យមានជំនួបជាមួយលោកប្រធានាធិបតី ថេន សេន លោកប្រធានរដ្ឋសភា ស្វេ ម៉ាន់ និងមេបញ្ជាការកងទ័ពលោក មីន អ៊ុងឡេង។
តាមរយៈលិខិតចំហមួយដែលលោកស្រីប្រមុខបក្សប្រឆាំងអ៊ុង សានស៊ូជីបានស្នើឲ្យមានជំនួបជាមួយលោកប្រធានាធិបតីថេន សេន លោកប្រធានរដ្ឋសភាស្វេ ម៉ាន និងមេបញ្ជាការកងទ័ពឧត្តមសេនីយមីន អ៊ុងឡេង។ លោកស្រីអ៊ុង សានស៊ូជីបានសុំជួបសន្ទនាជាមួយឥស្សរជនទាំង ៣រូបនៅសប្តាហ៍ក្រោយដើម្បីនិយាយពីការផ្សះផ្សា។ ជាការឆ្លើយតបវិញភ្លាមៗក្នុងថ្ងៃនេះ លោកថេន សេនបានយល់ព្រមជួបមួយទល់មួយជាមួយលោកស្រីអ៊ុង សានស៊ូជី តែគេត្រូវរង់ចាំការប្រកាសលទ្ធផលបោះឆ្នោតជាផ្លូវការ។ ទោះបីយ៉ាងនេះក្តី នៅមិនទាន់មានចម្លើយយ៉ាងណាពីលោកប្រធានរដ្ឋសភា ស្វេ ម៉ាន់ និងឧត្តមសេនីយ មីន អ៊ុងឡេង៕
ខេត្តក្រចេះ៖នគរបាលខេត្តកណ្ដាលសហការជាមួយនគបាលខេត្តក្រចេះបើកយុទ្ធនាការឃាត់ខ្លួនមនុស្សចំនួនពីនាក់និងរថយន្ដសេរីទំនើបចំនួន៦គ្រឿងដែលក្រុមចោលួចពីខេត្តកណ្ដាលមកលក់នៅខេត្តក្រចេះ។ យុទ្ធនាការនេះបញ្ជាដោយលោកឧត្តមសេនីយ៍ លន់ សុផាត ស្នងការនគរបាលខេត្តក្រចេះធ្វើឡើងពេញមួយថ្ងៃនៅទី១១ ខែវិច្ឆកា ឆ្នាំ២០១៥នៅក្រុងក្រចេះ។
នគរបាលក្រុងក្រចេះបានឲ្យដឹងថា ដោយឧត្ដមសេនីយ៍ស្នងការខេត្តកណ្ដាលទទួលព័ត៌មាន និងមានតម្រុយថា មានរថយន្ដទាំងនេះមកដល់ខេត្តក្រចេះទើប សហការជាមួយនគបាលខេត្តក្រចេះដោយពីបញ្ជាផ្ទល់ពីលោកឧត្ដមសេនីយ៍ លន់ សុផាត ស្នងការនគបាលខេត្តក្រចេះឈានដល់ឃាត់ខ្លួនជនសង្ស័យ២នាក់ និងស្រាវជ្រាវរកឃើញរថយន្ដចំនួន៦គ្រឿង។ លោកបន្តថា រថយន្ដនោះមានម៉ាកកាមរីបាឡែន កាមរីឆ្លាម និងមាកកូរ៉ូឡា។ ចំណែកជនសង្ស័យទាំងពីរនាក់នោះឈ្មោះ អ៊ុន អ៊ីយ៉ូរ៉ា ភេទប្រុសអាយុ៣០ឆ្នាំ រស់នៅភូមិអូរឫស្សី សង្កាត់អូរឫស្សី ក្រុងក្រចេះ និង២ឈ្មោះ អោល វណ្ឌី ភេទប្រុស អាយុ២៩ឆ្នាំ រស់នៅភូមិវត្ត សង្កាត់ក្រចេះ ក្រុងក្រចេះ។ លោកឧត្តមសេនីយ៍បញ្ជាក់ថា រថយន្ដទាំង៦គ្រឿងនិងជនសង្ស័យទាំង២នាក់ត្រូវបាននគរបាលខេត្តក្រចេះប្រគល់ឲ្យនគរបាលខេត្តកណ្ដាលនាំយកទៅស្នងការដ្ឋាននគរបាលខេត្តកណ្ដាលនៅព្រឹកថ្ងៃទី១២នេះហើយ។
លោកឧត្ដមសេនីយ៍ លន់ សុផាត ស្នងការខេត្តក្រចេះ បានអំអំពាវនាវដល់បងប្អូនដែលបាត់រថយន្ដឲ្យយកឯកសារទៅពិនិត្យមើលរថយន្ដនៅស្នងការដ្ឋាននគរបាលខេត្តកណ្ដាល៕
មីយ៉ាន់ម៉ា៖ប្រធានាធិបតីមីយ៉ាន់ម៉ាលោក Thein Sein បានសន្យាថា នឹងមានការផ្លាស់ប្ដូរអំណាចដោយរលូន និងសន្តិភាពទៅដល់គណបក្សលោកស្រី អ៊ុង សានស៊ូជី ដែលបានទទួលជ័យជម្នះក្នុងការបោះឆ្នោតកាលពីថ្ងៃទី៨ វិច្ឆិកាកន្លងទៅ។
ដោយឡែកប្រមុខកងទ័ពមីយ៉ាន់ម៉ាក៏បានអបអរសាទរចំពោះជ័យជម្នះរបស់គណបក្សប្រឆាំងលោកស្រី អ៊ុង សានស៊ូជី ដែលឈ្នះដោយការសម្រេចចិត្ដរបស់ប្រជាជនផងដែរ៕
ភ្នំពេញ៖ លោក ហ៊ុន សែន នាយករដ្ឋមន្ត្រីនៃកម្ពុជា នៅម៉ោងជិត ១២ៈ០០យប់ ថ្ងៃទី១១ ខែវិច្ឆិកា ឆ្នាំ២០១៥ ម្សិលមិញនេះ បានសម្រេចទម្លាយសាររបស់លោក សម រង្ស៊ី ប្រធានគណបក្សសង្គ្រោះជាតិ ដែលបានផ្ញើសុំទោសលោកនាពេលកន្លង នៅលើទំព័រហ្វេសប៊ុក ។
លោក ហ៊ុន សែន ធ្លាប់បានព្រមានម្តងរួចមកហើយថា បើសិនជាលោកសម រង្ស៊ី មិនគោរពនូវអ្វីដែលបានសុំទោសលោកទេ នោះលោកនឹងទម្លាយសារសុំទោសនៅលើទំព័រហ្វេសប៊ុកផ្លូវការរបស់លោកជាសាធារណៈ។
ហ្វេសប៊ុករបស់លោកនាយករដ្ឋមន្ត្រី ហ៊ុន សែន បានលើកឡើងថា ការទម្លាយសារសុំទោសរបស់លោក សម រង្ស៊ី ដែលបានផ្ញើជូនសម្តេចនេះ ដោយសារតែលោក សម រង្សី មិនបានគោរពសម្តី ដែលបានសរសេរសូមទោស សម្តេចកាលពីម៉ោង៦៖១៣ នាទីល្ងាច ថ្ងៃទី២៩ ខែតុលា ឆ្នាំ២០១៥កន្លងទៅនេះ។
ខាងក្រោមនេះជាសារសុំទោសរបស់លោក សម រង្ស៊ី ផ្ញើជូនលោក ហ៊ុន សែន ដែលមានខ្លឹមសារទាំងស្រុងដូចខាងក្រោម៖
«ជំរាបសួរ សម្តេច ខ្ញុំសូមថ្លែងអំណរគុណចំពោះសម្តេច ដែលមានទឹកចិត្ត គោរព ស្រឡាញ់ និងឲ្យតម្លៃដល់កូនខ្ញុំ ដូចសម្តេចបានមានប្រសាសន៍នៅទីក្រុងប៉ារីស ថ្មីៗនេះ។ ខ្ញុំសូមជំរាបសម្តេចវិញថា ភរិយាខ្ញុំ និងរូបខ្ញុំ ក៏គោរពស្រឡាញ់ និងឲ្យតម្លៃដល់បុត្រាបុត្រីសម្តេច ដូចគ្នាអញ្ចឹងដែរ។ លើសពីនេះទៅទៀត តាំងពីក្រុមគ្រួសារយើងទាំងពីរបានស្គាល់គ្នាមក ហើយបានចាប់ផ្តើមរាប់អានគ្នាមក ព្រមទាំងតាមអ្វីដែលសម្តេចនិងរូបខ្ញុំ បានផ្តាំផ្ញើកូនយើងទាំងសងខាងមក ភរិយាខ្ញុំនិងរូបខ្ញំផ្ទាល់បានចាប់ផ្តើមស្រឡាញ់បុត្រាបុត្រីសម្តេច ដូចកូនបង្កើតរបស់យើងខ្ញុំអញ្ចឹង។ ដូច្នេះខ្ញុំមានការសោកស្តាយយ៉ាងខ្លាំង បន្ទាប់ពីមានការលើកឡើងនិងការបកស្រាយខ្លះ បណ្តាលមកពីបញ្ហាបកប្រែក៏មិនដឹង ដែលខុសស្រឡះ ពីទឹកចិត្តពិតប្រាកដរបស់ខ្ញំចំពោះក្រុមគ្រូសារសម្តេច ដូចបានបញ្ជាក់ខាងលើ។ ទោះជាយ៉ាងណាក៏ដោយ ខ្ញុំសូមអភ័យទោស ចំពោះសម្តេច បើខ្ញុំបានធ្វើឲ្យសម្តេចអន់ចិត្តឬខកចិត្ត កន្លែងណាមួយដោយអចេតនា។
សូមសម្តេចទទួលនូវសេចក្តីគោរពរាប់អានពីខ្ញុំ សម រង្ស៊ី» ។
ភ្នំពេញ: រថយន្ត ហាយឡេនឌឺ ជ្រុលចង្កូតទៅបុក រថយន្ត ម៉ាក សឺដេស ពីក្រោយដែលជិតផ្លូវស្របគ្នា តាមបណ្តោយផ្លូវវែងស្រេង ទល់មុខបុរីពិភពថ្មី សង្កាត់ចោមចៅ ខណ្ឌពោធិសែនជ័យ វេលាម៉ោង ០៦:៥០នាទី ថ្ងៃទី១១ ខែវិច្ឆកា ឆ្នាំ២០១៥ ។
នៅកន្លែងកើតហេតុ ប្រជាពលរដ្ឋដែលឃើញបានឲ្យដឹងថា ម្ចាស់រថយន្តបង្កម៉ាក ហាយឡេនឌឺ ពណ៍ស្ករ គ្មាន ផ្លាកលេខ បានជិះពីលិចទៅកើតក៏បានឃើញរថយន្តកុងតឺន័របត់ឆ្លងកាត់ពីមុខ ចាប់ហ្រ្វាំងមិនទាន់ក៏បានរេចង្កូតទៅបុករថយន្ត សឺដេស ដែលមានផ្លាកលេខ ភ្នំពេញ 2I 8806 ពីក្រោយ បណ្តោលអោយរថយន្តខូតខាតទាំងសងខាង តែមិនបង្កគ្រោះថ្នាក់ដល់មនុស្សឡើយ។
រថយន្តទាំងពីរព្រមធ្វើការចរចា
ភ្នំពេញ ៖ មេជាងភ្លើងរថយន្តម្នាក់ត្
ហេតុការណ៍នេះបានកើតឡើងកា
ជនរងគ្រោះឈ្មោះទ្រៀល វណ្ណារ៉ា ភេទប្រុស អាយុប្រហែល៦០ឆ្នាំ មានទីលំនៅសង្កាត់ទឹកល្អក់
ប្រភពបានឱ្យដឹងថា មុនពេលកើតហេតុជនរងគ្រោះ
ក្រោយកើតហេតុសមត្ថកិច្ចបា
ត្រីត្រូវបានគេស្គាល់យ៉ាងច្បាស់ថា ជាប្រភពជាតិខ្លាញ់អូមេហ្គា-៣ (Omega-3) ដែលជាជាតិខ្លាញ់ល្អបំផុតចំពោះសុខភាព។ អ្នកជំនាញផ្នែកសុខភាពបានឲ្យដឹងថា បុរសទាំងឡាយ ប្រសិន បើចង់ឲ្យមេជីវិត(ស្ពែម) រឹងមាំនិងមានគុណភាពល្អ អ្នកគួរទទួលទានត្រីឲ្យបានច្រើន។ ក្រុមអ្នកស្រាវជ្រាវមកពីសាកលវិទ្យាល័យអ៊ីល្លីណយស៍ បានឲ្យដឹងថា មូលហេតុគឺជាតិខ្លាញ់អូមេហ្គា-៣ មានការពាក់ព័ន្ធនឹងរូបរាងមេជីវិត។
លោកទីម៉ូធី អាប់បុតត៍ សហអ្នកនិពន្ធមួយរូបនៃការសិក្សានេះ បាននិយាយថា តាមធម្មតា មេជីវិត (ស្ពែម) មានក្បាល រាងដូចមួក ដែលគេហៅថា “អាក្រូសូម” (Acrosome)។ ហើយអង់ហ្ស៊ីម នៅត្រង់ផ្នែកក្បាល មានតួនាទីជ្រែកចូលទៅក្នុងស៊ុត ដើម្បីបង្ករកំណើត។ អង់ហ្ស៊ីមទាំងនោះ ត្រូវការជាតិខ្លាញ់អូមេហ្គា-៣ ដើម្បីលូតលាស់ ធ្វើឲ្យក្បាលមេជីវិត កាន់តែស្រួច និងមានខ្លួនកាន់តែវែង។ ផ្ទុយទៅវិញ នៅពេលដែលវាទទួលបានជាតិអាស៊ីដ ខ្លាញ់អូមេហ្គា-៣ មិនគ្រប់គ្រាន់ ធ្វើឲ្យរូបរាងរបស់មេជីវិត លូតលាស់មិនបានល្អ និងធ្វើការមិនបានពេញលេញនោះឡើយ។
ម្យ៉ាងទៀត ក្រុមអ្នកវិទ្យាសាស្ត្រ បានចាប់ផ្តើមធ្វើការសិក្សា លើមេជីវិត របស់បុរស បន្ទាប់ពីរកឃើញថា សត្វកណ្តុរ ដែលមានជាតិអាស៊ីដខ្លាញ់ មិនគ្រប់គ្រាន់ ធ្វើឲ្យគុណភាពមេជីវិតថយចុះ តែនៅពេលគេបន្ថែមសារធាតុខ្លាញ់អូមេហ្គា-៣ ចូលទៅក្នុងអាហារ មេជីវិតរបស់សត្វកណ្តុរទាំងនោះ ត្រឡប់មកជាមានគុណភាពល្អវិញ។
រីឯការសិក្សាមួយទៀត ដែលធ្វើឡើង ដោយសកលវិទ្យាល័យ ហារវ៉ាដ បានឲ្យដឹងថា កង្វះជីវជាតិ អាចធ្វើឲ្យគុណភាពមេជីវិត ថយចុះដូចគ្នាទៅនឹងអ្នកដែលទទួលទានអាហារ ដែលមានជាតិខ្លាញ់ច្រើនផងដែរ។
ដូចនេះ ប្រការល្អបំផុត គឺអ្នកត្រូវទទួលទានត្រី ឲ្យបានច្រើន ដូចជា ត្រីសាលម៉ន ឬ ត្រីធូណា ជាដើម បូករួមជាមួយនឹងអាហារផ្សេងៗទៀត ដូចជាស៊ុត ទឹកដោះគោ សណ្តែក គ្រាប់ធញ្ញជាតិ ផ្លែឈើពពួកបឺររី ដំឡូងជ្វា ឬ ប្រូកខូលី និងបន្លែបៃតងនានា៕
បាល់ទាត់៖យោងតាមសេចក្ដីរាយការណ៍បានឲ្យដឹងថា ខ្សែការពាររបស់ក្លិបហង្សក្រហម Liverpool កីឡាករ Mamadou Sakho នឹងអវត្តមានបង្ហាញខ្លួនឲ្យក្លិបមួយនេះរយៈពេលពី៦ទៅ៨សប្ដាហ៍ដោយសារតែរបួសសរសៃពួរជង្គង់។
ខ្សែការពារសញ្ជាតិបារាំងវ័យ២៥ឆ្នាំរូបនេះបានរងរបួសសរសៃពួរជង្គង់ បន្ទាប់ពីមានការប៉ះទង្គិចជាមួយកីឡាករ Bakary Sako អំឡុងពេលដែលក្លិបហង្សក្រហម Liverpool រងបរាជ័យក្នុងទឹកដីខ្លួនក្រោមស្នាដៃរបស់ក្លិប Crystal Palace ដោយលទ្ធផល២-១ កាលពីថ្ងៃអាទិត្យ។
យោងតាមគេហទំព័រ The Independent បានចុះផ្សាយថា ក្រុមគ្រូពេទ្យរបស់ក្លិបហង្សក្រហម Liverpool បានរាយការណ៍ថាកីឡាករ Mamadou Sakho នឹងត្រូវសម្រាកព្យាបាលរបួសនេះរហូតដល់ទៅរយៈ២ខែ ហើយតំណែងរបស់កីឡាករ Mamadou Sakho នឹងត្រូវជំនួសដោយខ្សែការពារ Dejan Lovren៕
បាងកក៖តុលាការថៃកាលពីម្សិលមិញបានបើកសវនការកាត់ទោសក្រុមជួញមនុស្ស ដែលអាជ្ញាធរថៃ ទើបចាប់ខ្លួន បាននៅក្នុងយុទ្ធនាការបង្ក្រាបបណ្តាញជួញដូរមនុស្សកាលពីពាក់កណ្តាល ឆ្នាំនេះ។ គឺការរកឃើញ រណ្តៅកប់សាកសព នៅក្នុងព្រៃ ក្បែរព្រំដែនថៃ ម៉ាឡេស៊ី ដែលជំរុញឲ្យរបបសឹកថៃ បើកប្រតិបត្តិការចាប់ក្រុមជួញដូរមនុស្ស ដែលនៅក្នុងនោះ មានជាប់ពាក់ព័ន្ធផងដែរ មន្ត្រីយោធាជាន់ខ្ពស់ និងអ្នកជំនួញថៃ។
សំណុំរឿង ជួញដូរមនុស្ស ដែលតុលាការថៃ ទើបចាប់បើកដំបូង កាលពីថ្ងៃអង្គារ មានជនសង្ស័យដល់ទៅ ៨៨នាក់ ហើយនិងសាក្សី ប្រមាណ ៥០០នាក់។ តាមមន្ត្រីតុលាការថៃ គេត្រូវការពេលវេលាយ៉ាងតិច២ឆ្នាំ ដើម្បីពិនិត្យ សំណុំរឿង និងសាកសួរសាក្សីប្រមាណ២០០នាក់។ ចង់ ឬមិនចង់ សវនការជំនុំជម្រះក្រុមជួញដូរមនុស្ស នឹងប្រព្រឹត្តទៅក្នុងរយៈពេល យូរ មុននឹងចៅក្រមប្រកាសសាលក្រម ផ្តន្ទាទោសក្រុមជួញដូរមនុស្ស។
តាមទីភ្នាក់ងារព័ត៌មានបារាំង AFP ក្នុងចំណោមជនសង្ស័យជួញដូរមនុស្សទាំង៨៨នាក់ ដែលលេចមុខនៅតុលាការ កាលពីថ្ងៃអង្គារម្សិលមិញ មានខ្លះនិយាយភាសាថៃ ភាសា ម៉ាឡេ ឬភាសារ៉ូហ៊ីងយ៉ា របស់ជនជាតិភាគតិចដែលរស់នៅប្រទេសភូមា។ ពួកគេត្រូវបានតុលាការថៃ ចោទប្រកាន់ថា បានចូលរួម ឬមានពាក់ព័ន្ធនឹងការជួញដូរមនុស្ស ដែលប្រព្រឹត្តឡើង ចន្លោះឆ្នាំ២០១១ និងឆ្នាំ ២០១៥។ ក្នុងចំណោមជនសង្ស័យមានផងដែរ មន្ត្រីយោធាថៃ ៤នាក់ ដែលក្នុងនោះ មានលោកម៉ាណាស់ គង់ព័ន្ធ មេបញ្ជាការយោធាថៃដែលត្រូវគេចាត់ទុកថា មេជំហរបណ្តាញជួញដូរមនុស្សនៅថៃ៕
រាជធានីភ្នំពេញ៖គណៈកម្មាធិការជាតិរៀបចំការបោះឆ្នោត(គ.ជ.ប)នៅថ្ងៃទី១១ ខែវិច្ឆិកា ឆ្នាំ២០១៥នេះបានប្រកាសឲ្យដឹងថា ក្នុងរយៈពេល១០ថ្ងៃនៃដំណើរការចុះឈ្មោះបោះឆ្នោតសាកល្បងនៅទូទាំង រាជធានី-ខេត្តទាំង២៥ មានប្រជាពលរដ្ឋបាននាំគ្នាចុះឈ្មោះចំនួន១៤.២១៩នាក់។
យោងតាមលទ្ធផលបណ្តោះអាសន្ននៃការចុះបោះឆ្នោតនៅថ្ងៃទី៩ ខែវិច្ឆិកាបានបញ្ជាក់ថា សរុបភូមិទាំងអស់មាន៤១ ក្នុង២៥-រាជធានី-ខេត្ត។ គិតជាចំនួនភាគរយវិញមាន៤៣.៧១ភាគរយ ដែលបានចុះឈ្មោះបោះឆ្នោត។ បើគិតចំនួនអ្នកចុះឈ្មោះប៉ាន់ស្មាន៣២,៥២៨៕
អាមេរិក៖យន្តហោះធុនតូចមួយមួយបានធ្លាក់ទៅលើលំនៅដ្ឋានរបស់ប្រជាពលរដ្ឋនៅរដ្ឋ Ohioសហរដ្ឋអាមេរិកបណ្តាលឲ្យមនុស្សនៅក្នុងយន្តហ៉ស្លាប់ទាំងអស់។ នេះបើយោងសារព័ត៌មានCNN។
អាជ្ញាធររដ្ឋ Ohio បាននិយាយថា «យើងមិនដឹងថា យន្តហោះនោះធ្លាក់នៅម៉ោងប៉ុន្មាន។ យើងក៏មិនដឹងថា មានមនុស្សប៉ុន្មាននាក់ត្រូវបានស្លាប់ ហើយយើងក៏មិនបានដឹងថា មនុស្សនៅលើយន្តហោះនោះ ជាអ្នកដំណើរ ឬមួយយ៉ាងណា និងមានចំនួនប៉ុន្មានដែរ»៕
សៀមរាប៖ ព្រះចៅអធិកាវត្តរតនៈមណីរោងគោ ស្ថិតនៅ ឃុំរោងគោ ស្រុកក្រឡាញ់ ខេត្តសៀមរាបមួយអង្គ ត្រូវសមត្ថកិច្ចចាប់ផ្សឹករួចបញ្ជូនមកស្នងការដ្ឋាននគរបាលខេត្ត និងរៀបចំឯកសារបញ្ជូនបន្តទៅតុលាការបន្ចាប់ពីទទួលបានពាក្យបណ្តឺងជាប់ទាក់ទងការសេពមេថុនធម្មតាមរន្ធគូទជាមួយនេនចំនួន៩អង្គ។
មន្ត្រីនគរបាលបានឲ្យដឹងថា ចៅអធិការវត្ត រតនៈមណីរោងគោ ឈ្មោះ វង្ស ចែត អាយុ ៤៦ឆ្នាំ ដែលត្រូវបានអនុគុណ និងគណៈកម្មការវិន័យសង្ឃផ្សឹកនាម៉ោង០៨:០០នាទី ថ្ងៃទី០៨ ខែវិច្ឆិកា ឆ្នាំ២០១៥ បន្ចាប់ពីទទួលបានពាក្យបណ្តឺងពីញោមៗនេនរងគ្រោះចំនួន៩អង្គគង់នៅវត្តរតនៈមណីរោងគោ ហើយបានប្រគល់ឲ្យសមត្ថកិច្ចចាត់ការតាមនីតិវិធី។
ប្រភពដដែលបានបញ្ជាក់ថា ក្រោយពីបានសួរនាំតាមពាក្យបណ្ដឹង ចៅអធិការវត្តអង្គនេះបានឆ្លើយសារភាពថា ខ្លួនពិតជាបានប្រព្រឹត្ត និងមានការរំលោភដោយបង្ខំ ចំពោះនេនៗទាំង ៩អង្គនោះមែន ដោយខ្លួនបានល្បួងនេនទៅរំលោភ ហើយរាល់ពេលរំលោភម្ដងៗ បានចំណាយប្រាក់លួងចិត្តពី ២ទៅ ៣ម៉ឺនរៀល ក្នុង១អង្គៗ។ ក្នុងចំណោមនេនទាំង៩អង្គ នោះមាននេនអាយុក្រោម១៥ឆ្នាំ ចំនួន៥អង្គ។ លុះដល់អង្គទី៩ ទើបបែកការណ៍ខណះមាននេនមួយអង្គបានទៅរាយការណ៍ប្រាប់ញោមៗ ហើយត្រូវញោមៗទៅប្ដឹងដល់នគរបាល។
នៅព្រឹកថ្ងៃទី១០ វិច្ឆិកា ២០១៥ ដដែលនេះ ស្នងកានគរបាល ខេត្តសៀម រាបបានរៀបចំសំណុំរឿងបញ្ជូនចៅអធិការវត្ត រតនៈមណីរោងគោ ឈ្មោះ វង្ស ចែត អាយុ ៤៦ឆ្នាំ ទៅសាលាដំបូងខេត្តដើម្បីចាត់ការតាមនីតិវិធី៕ដោយ៖រដ្ឋា
ផ្លែមង្ឃុត ជាផ្លែឈើមួយប្រភេទដែលអាចជួយថែរក្សាស្បែកអោយមានសុខភាពល្អ ហើយវាមានសារធាតុប្រឆាំងនឹងការរលាក, សម្លាប់បាក់តេរី, សម្លាប់មេរោគផ្សិត, ប្រឆាំនឹងអាឡែហ្ស៊ី និងអង់ទីអុកស៊ីដង់ជួយកាត់បន្ថយការប្រឈមនឹងជំងឺជាច្រើនដូចជា ការរលាកស្បែក, ស្បែកដែលចាស់ទៅតាមអាយុ, ជំងឺស្បែក Eczema, អាឡែហ្ស៊ី, ការបង្ករោគដោយបាក់តេរី និងមានសមាសធាតុប្រឆាំងនឹងជំងឺមហារីកស្បែក។
លើសពីនេះទៅទៀត ផ្លែមង្ឃុតសម្បូរទៅដោយជីវជាតិ, ជាតិរ៉ែ, វីតាមីន និងសារធាតុ Xanthone ជាច្រើនដែលអាចជួយការពាររាងកាយពីជំងឺ និងបង្កើនមុខងារប្រព័ន្ធភាពស៊ាំបាន៕
រុស្ស៊ី៖យោងតាមរបាយការណ៍របស់ក្រសួងការពារជាតិរបស់ប្រទេសរុស្ស៊ីបានឲ្យដឹងថា កងកម្លាំងអាកាសរបស់រុស្ស៊ីបានបើកការវាយប្រហារជាថ្មីក្នុងប្រទេសស៊ីរីចំនួន១៣៧ជើងក្នុងរយៈពេលបីថ្ងៃចុងក្រោយនេះ ដោយបានវាយប្រហារហេដ្ឋារចនាសម្ព័ន្ធចំនួន៤៤៨ដែលជាកម្មសិទ្ធិរបស់ក្រុមរដ្ឋឥស្លាម និងក្រុមភេរវករផ្សេងទៀតនៅក្នុងប្រទេសនេះ។
អ្នកនាំពាក្យក្រសួងការពារជាតិលោក Igor Konashenkov បានឲ្យដឹងថា “ក្នុងរយៈពេលបីថ្ងៃចុងក្រោយនេះ យន្តហោះរបស់រុស្ស៊ីបានវាយប្រហារចំគោលដៅនៅក្នុងខេត្ត Aleppo, Damascus, Idlib, Latakia, Raqqa, Hama និង Homs”។ នៅក្នុងខេត្ត Latakia យន្តហោះចម្បាំងរបស់រុស្ស៊ីបានវាយប្រហារទីតាំងកាំភ្លើងត្បាល់មួយរបស់ក្រុមភេរវកម្ម Jabhat al-Nusra។
ទីតាំងរបស់ក្រុម Jabhat al-Nusra ជាច្រើនទៀតត្រូវបានកំណត់គោលដៅនៅក្នុងខេត្ត Hama ដែលជាកន្លែងហាងជួសជុលរថពាសដែករបស់ក្រុមភេរវករនេះនៅខាងក្នុងត្រូវបានបំផ្លាញ។ នៅ Idlib យន្តហោះយោធារបស់រុស្ស៊ីបានវាយប្រហារមណ្ឌលបញ្ជាការដ៏សំខាន់មួយរបស់ក្រុម Jabhat al-Nusra ដែលបានសម្របសម្រួលសកម្មភាពរបស់ក្រុមភេរវករទាំងនៅក្នុងខេត្ត Idlib និង Aleppo ។ លោក Konashenkov បានឲ្យដឹងទៀតថា បន្ទាប់ពីយន្តហោះគ្មានមនុស្សបើកបានហោះឈ្លបយកការណ៍ យន្តហោះចម្បាំង Su-24 បានបើកការវាយប្រហារលើទីតាំងជាមួយនឹងគ្រាប់បែក KAb-500។
គួរបញ្ជាក់ថា រុស្ស៊ីបានចាប់ផ្តើមធ្វើការវាយប្រហារតាមអាកាសប្រឆាំងនឹងក្រុមរដ្ឋឥស្លាម និងក្រុមភេរវកម្មផ្សេងទៀត នៅក្នុងប្រទេសស៊ីរីកាលពីចុងខែកញ្ញាបន្ទាប់ពីមានសំណើពីលោកប្រធានាធិបតី បាសា អាល់អាសាត៕
