ប្រជាពលរដ្ឋ អាជ្ញាធរមូលដ្ឋាន និងភាគីពាក់ព័ន្ធ នៅក្នុងស្រុកសូទ្រនិគម និងស្រុកជីក្រែង ខេត្តសៀមរាប ត្រូវបានទទួលការផ្សព្វផ្សាយ និងតម្រង់ទិសយ៉ាងលម្អិត អំពីតួនាទី ភារកិច្ចរបស់ «ការិយាល័យប្រជាពលរដ្ឋ» ព្រមទាំងការណែនាំពីរបៀបប្រើប្រាស់ កម្មវិធីទូរស័ព្ទដៃ (App) «មតិយើង» ដើម្បីបង្កើនប្រសិទ្ធភាពនៃការបម្រើសេវាសាធារណៈ។
សូមទស្សនាព័ត៌មានពិស្ដារ៖
(ព្រៃវែង)៖ ក្រសួងការងារនិងបណ្ដុះបណ្ដាលវិជ្ជាជីវៈ តាមរយៈវេទិកាការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ក្រោមប្រធានបទ «ខ្មែរជួយរកការងារ និងផ្ដល់ការងារឱ្យខ្មែរ» បាននាំយកឱកាសការងារ ៣ ៨០០កន្លែង អត្ថប្រយោជន៍ ប.ស.ស. និងកម្មវិធី TVET ផ្សព្វផ្សាយជូនប្រជាពលរដ្ឋជាង ៦០០នាក់ ជាពិសេសអតីតពលករពីប្រទេសថៃ និងយុវជនកំពុងស្វែងរកការងារធ្វើ នាព្រឹកថ្ងៃទី១ ខែសីហា ឆ្នាំ២០២៦ នៅបរិវេណសាលាស្រុកកំចាយមារ ខេត្តព្រៃវែង។
សូមទស្សនាព័ត៌មានពិស្ដារ៖
អភិបាលខេត្តពោធិ៍សាត់ ឯកឧត្តម ខូយ រីដា បានបើកយុទ្ធនាការ ចលនាមន្ត្រីរាជការ រដ្ឋបាលក្រុង ស្រុក មន្ទីរ អង្គភាពជុំវិញខេត្ត កងកម្លាំងប្រដាប់អាវុធ និងអាជ្ញាធរមូលដ្ឋានគ្រប់ជាន់ថ្នាក់ ដើម្បីចាក់ប៉េតុងបំពេញជង្ហុក និងបំបាត់សំបុកមាន់ ក្នុងគោលបំណងជួសជុល ថែទាំ និងសម្រួលដល់ការធ្វើដំណើររបស់ប្រជាពលរដ្ឋ លើកំណាត់ផ្លូវកៅស៊ូ ដែលរងការខូចខាត ត្រង់ចំណុចផ្សារបត់រំដួល ឆ្ពោះទៅបឹងព្រះពន្លាជ័យ ស្ថិតក្នុងឃុំផ្ទះរុង ស្រុកតាលោសែនជ័យ ខេត្តពោធិ៍សាត់។
បច្ចុប្បន្នភាពស្តីពី «ការវិវត្តស្ថានភាពព្រំដែនកម្ពុជា-ថៃ និងព្រឹត្តិការណ៍ថ្មីៗដែលកើតឡើង»។ ថ្ងៃសៅរ៍ ៣រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែសីហា ឆ្នាំ២០២៦ នៅទីស្តីការគណៈរដ្ឋមន្ត្រី។
សូមទស្សនាសេចក្ដីថ្លែងការណ៍៖
(បន្ទាយមានជ័យ)៖ នារសៀលថ្ងៃទី៣០ ខែកក្កដា ឆ្នាំ២០២៦ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានអញ្ជើញជាអធិបតីក្នុង «ពិធីប្រកាសចូលកាន់មុខតំណែងអភិបាលរង នៃគណៈអភិបាលស្រុកព្រះនេត្រព្រះ» គឺលោក ឈឺន រតនៈ (យោងតាមប្រកាសលេខ ៨១៤៦ ប្រក របស់ក្រសួងមហាផ្ទៃ) ដើម្បីបន្តលើកកម្ពស់ប្រសិទ្ធភាព និងប្រសិទ្ធផលការងាររដ្ឋបាលនៅថ្នាក់ក្រោមជាតិ។
សូមទស្សនាព័ត៌មានពិស្ដារ៖
(មណ្ឌលគីរី)៖ផ្សារកែវសីមា ដែលជាបេះដូងសេដ្ឋកិច្ចរបស់ស្រុក កំពុងស្ថិតក្នុងស្ថានភាពទ្រុឌទ្រោមគួរឱ្យព្រួយបារម្ភ។ ពីមួយថ្ងៃទៅមួយថ្ងៃ សភាពផ្សារកាន់តែអាក្រក់ ដោយដំបូលធ្លុះធ្លាយ ទឹកភ្លៀងជ្រាបគ្រប់ទីកន្លែង តូបជាច្រើនត្រូវបានបោះបង់ចោល ខណៈតូបឈើដែលចាស់ទ្រុឌទ្រោមកំពុងពុកផុយ បង្កហានិភ័យដល់អាជីវករ និងប្រជាពលរដ្ឋ។
សូមទស្សនាព័ត៌មានពិស្ដារ៖
កងឆ្មាំបដិវត្តន៍អ៊ឺរ៉ង់ (IRGC) កាលពីថ្ងៃព្រហស្បតិ៍ ទី៣០ ខែកក្កដា បានបញ្ចេញខ្សែវីដេអូបាញ់បង្ហោះមីស៊ីល ដោយអះអាងថា ខ្លួនបានវាយប្រហារចំគោលដៅមូលដ្ឋានទ័ពអាកាសអាមេរិក អាលី អាល់សេឡឹម (Ali Al Salem) នៅក្នុងប្រទេសគុយវ៉ែត ដោយបានបំផ្លាញឃ្លាំងផ្ទុកដ្រូនចំនួនពីរ និងអាងស្តុកប្រេងយន្តហោះយោធា ។
ប៉ាគីស្ថាន ដែលជាអ្នកសម្របសម្រួល បានអះអាង កាលពីថ្ងៃព្រហស្បតិ៍ ទី៣០ ខែកក្កដាថា ការចរចារវាងប្រទេសអ៊ីរ៉ង់ និងសហរដ្ឋអាមេរិក នៅតែបន្តប្រព្រឹត្តទៅ ទោះបីជាក្រុងវ៉ាស៊ីនតោនបានបើក ការវាយប្រហារយ៉ាងធ្ងន់ធ្ងរ ទៅលើ
សត្រូវរបស់ខ្លួន។ ជាការវាយប្រហារ ដែលអាមេរិកអះអាងថា ដើម្បីឆ្លើយតបទៅនឹងការវាយប្រហារថ្មីៗ របស់អ៊ីរ៉ង់ដែលតម្រង់ទិសដៅទៅលើប្រទេសហ្សកដានី ។
ការវិវត្តស្ថានភាពព្រំដែនកម្ពុជា-ថៃ និងព្រឹត្តិការណ៍ថ្មីៗដែលកើតឡើង ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ នៅទីស្តីការគណៈរដ្ឋមន្ត្រី។
(ខេត្តមណ្ឌលគិរី)៖ ឯកឧត្តម គង់ គឹមនី អភិបាលខេត្តមណ្ឌលគិរី បានអញ្ជើញទទួលស្វាគមន៍យ៉ាងកក់ក្តៅបំផុត ចំពោះវត្តមានរបស់ក្រុមការងារ CYBERLOCOS និង MBUZISELLER ដែលបានធ្វើដំណើរមកដល់ទឹកដីខេត្តមណ្ឌលគិរី ដើម្បីបំពេញបេសកកម្មផលិតមាតិកា និងផ្សព្វផ្សាយពីសក្តានុពលសម្រស់តំបន់ទេសចរណ៍កម្ពុជាទៅកាន់ភ្ញៀវទេសចរអន្តរជាតិជុំវិញពិភពលោក។
សូមទស្សនាព័ត៌មានពិស្ដារ៖
(ភ្នំពេញ)៖ ឯកឧត្ដម ហេង សួរ រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ បានទទួលជួបសម្តែងការគួរសមជាមួយលោក យ៉ូស៊ីហ៊ីសា កៃនុម៉ា (Yoshihisa Kainuma) អគ្គនាយកប្រតិបត្តិក្រុមហ៊ុន MinebeaMitsumi Inc. នារសៀលថ្ងៃទី២៩ ខែកក្កដា ឆ្នាំ២០២៦ នៅទីស្តីការក្រសួង ដើម្បីបង្ហាញវឌ្ឍនភាពនៃប្រតិបត្តិការអាជីវកម្មរបស់ក្រុមហ៊ុននៅកម្ពុជា ពិភាក្សាអំពីបញ្ហាប្រឈម និងផ្តល់ដំណោះស្រាយ ក៏ដូចជាពិភាក្សាពីការត្រៀមរៀបចំពិធីអបអរសាទរខួបលើកទី១៥ នៃការប្រតិបត្តិការរបស់ក្រុមហ៊ុន Minebea (Cambodia) Co., Ltd. នៅកម្ពុជា ដែលគ្រោងនឹងធ្វើឡើងនៅខែធ្នូ ឆ្នាំ២០២៦ នេះ។
សូមទស្សនាព័ត៌មានពិស្ដារ៖
(ខេត្តមណ្ឌលគិរី) ៖ នាថ្ងៃទី៣០ ខែកក្កដា ឆ្នាំ២០២៦ លោក ជាក់ ម៉េងហ៊ាង អភិបាលរងខេត្តមណ្ឌលគិរី បានអញ្ជើញជាអធិបតីក្នុង «កម្មវិធីប្រគល់-ទទួល និងដាក់ឱ្យដំណើរការជាផ្លូវការនូវហេដ្ឋារចនាសម្ព័ន្ធ ក្រោមគម្រោងលើកកម្ពស់ការប្រើប្រាស់ទឹកស្អាត និងទឹកសម្រាប់ទទួលទាន» នៅមន្ទីរពេទ្យបង្អែកខេត្តមណ្ឌលគិរី ដើម្បីផ្តល់ទឹកស្អាតសុវត្ថិភាពដោយឥតគិតថ្លៃ ជូនដល់បុគ្គលិកពេទ្យ និងប្រជាពលរដ្ឋមកទទួលសេវាព្យាបាល។
សូមទស្សនាព័ត៌មានពិស្ដារ៖
(បន្ទាយមានជ័យ) ៖ នាព្រឹកថ្ងៃទី៣០ ខែកក្កដា ឆ្នាំ២០២៦ រដ្ឋបាលខេត្តបន្ទាយមានជ័យ បានប្រារព្ធ «ពិធីបុណ្យរុក្ខទិវា ៩ កក្កដា» ក្រោមអធិបតីភាព ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ស្ថិតនៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ដោយមានការដាំកូនឈើលម្អ (ដើមក្ងោក) ចំនួន ៣០០ដើម តាមដងផ្លូវជាតិលេខ៥ និងចែកជូនកូនឈើប្រណីតចំនួន ១០០០ដើម ដល់មន្ទីរ-អង្គភាព និងប្រជាពលរដ្ឋ។
សូមទស្សនាព័ត៌មានពិស្ដារ៖
កងទ័ពសហរដ្ឋអាមេរិក បានបើកការវាយប្រហារ យ៉ាងខ្លាំងក្លា លើប្រទេសអ៊ីរ៉ង់ នាថ្ងៃព្រហស្បតិ៍ ទី៣០ ខែកក្កដានេះ ដើម្បីឆ្លើយតបទៅនឹងការវាយប្រហាររបស់ទីក្រុងតេហេរ៉ង់ ដែលបានបាញ់មីស៊ីលលើមូលដ្ឋានទ័ពអាមេរិកក្នុងប្រទេសហ្សកដានី ។ សង្គ្រាមនៅមជ្ឈិមបូព៌ាបានឆាបឆេះឡើងវិញ ហើយថែមទាំងបានទាញក្រុមប្រូកស៊ីឬក្រុមតំណាងរបស់អ៊ីរ៉ង់ឱ្យចូលរួមទៀតផង ។
អាជ្ញាធរមូលដ្ឋានជប៉ុនបានឱ្យដឹងថា ចំនួនមនុស្សស្លាប់ដោយសារគ្រោះរញ្ជួយដីដ៏ខ្លាំងក្លានៅលើកោះ Kyushu ក្នុងខេត្ត Kumamoto បានកើនឡើងដល់ ៣៤នាក់ហើយ គិតត្រឹមថ្ងៃទី៣០ ខែកក្កដា ។
តួលេខនេះរួមបញ្ចូលទាំង ពលរដ្ឋវៀតណាមម្នាក់ ស្ថិតក្នុងចំណោមជនរងគ្រោះ។ គ្រោះរញ្ជួយដីនៅជប៉ុនបានធ្វើឱ្យផ្ទះជាច្រើនគ្មានអគ្គិសនី ទឹក និងឧស្ម័ន ខណៈក៏បានបំផ្លាញអគារ ផ្លូវថ្នល់ និងស្ពាននៅក្នុងតំបន់ជាច្រើន។
