នៅវិមានសាមគ្គីភាព នៃព្រឹទ្ធសភា នាព្រឹកថ្ងៃព្រហស្បតិ៍ ៧កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦ នេះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញាតឱ្យលោកសាស្ត្រាចារ្យ កាវ ហ្វៃ (Gao Fei) នាយកសាកលវិទ្យាល័យការបរទេសចិន (CFAU) ចូលជួបសម្ដែងការគួរសម និងពិភាក្សាការងារ។

សូមទស្សនាព័ត៌មានពិស្ដារ៖

បាត់ដំបង៖ ដោយមានការយកចិត្តទុកដាក់ពី ឯកឧត្តម សុខ លូ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង កាលពីថ្ងៃទី១៨-១៩ ខែសីហា ឆ្នាំ២០២៦ មន្ត្រីប្រតិបត្តិសាខាខេត្ត បានសហការជាមួយអនុសាខាកាកបាទក្រហមស្រុកសំពៅលូន និងស្រុកសំឡូត ចុះផ្សព្វផ្សាយអប់រំអំពីហានិភ័យនៃយុទ្ធភណ្ឌមិនទាន់ផ្ទុះ ការធ្វើចំណាកស្រុកដោយសុវត្ថិភាព និងការថែទាំសុខភាព ជូនដល់ប្រជាពលរដ្ឋជាង ១០០នាក់ នៅភូមិទឹកថ្លា (ស្រុកសំពៅលូន) និងភូមិតាសាញជើង (ស្រុកសំឡូត) ក្រោមការឧបត្ថម្ភថវិកាពីអាជ្ញាធរមីនកម្ពុជា តាមរយៈទីស្នាក់ការកណ្តាលកាកបាទក្រហមកម្ពុជា។

សូមទស្សនាព័ត៌មានពិស្ដារ៖

បន្ទាយមានជ័យ ៖ នារសៀលថ្ងៃទី១៩ ខែសីហា ឆ្នាំ២០២៦ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តបន្ទាយមានជ័យ អមដំណើរដោយលោក ហ៊ឹល រ៉ាយ៉ា អភិបាលរងខេត្ត ព្រមទាំងក្រុមការងារសមាគមថ្នាក់ខេត្ត ស្រុក និងឃុំ-សង្កាត់ បាននាំយកថវិការបស់សមាគមទៅចូលរួមបុណ្យសពអតីតយុទ្ធជន និងនិវត្តជនចំនួន ៥សព នៅស្រុកអូរជ្រៅ ស្រុកស្វាយចេក និងក្រុងសិរីសោភ័ណ។

សូមទស្សនាព័ត៌មានពិស្ដារ៖

បច្ចុប្បន្នភាពស្តីពី «ការវិវត្តស្ថានភាពព្រំដែនកម្ពុជា-ថៃ និង​ព្រឹត្តិការណ៍ថ្មីៗដែលកើតឡើង»។ ថ្ងៃព្រហស្បតិ៍ ៧កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦ នៅទីស្តីការគណៈរដ្ឋមន្ត្រី។

សូមទស្សនាសេចក្ដីថ្លែងការណ៍៖

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញជួបសំណេះសំណាលជាមួយលោក អ៊ុក វណ្ណដេ ស្ថាបនិក «សាលាដូង» នៅលើភ្នំគិរីរម្យ ដោយសម្តេចបានសម្តែងនូវការកោតសរសើរយ៉ាងស្មោះចំពោះទឹកចិត្ត និងឆន្ទៈមោះមុតក្នុងការបង្កើតសាលា និងបណ្ណាល័យចល័ត ដើម្បីជួយលើកកម្ពស់ចំណេះដឹង និងបំណិនជីវិតដល់កុមារជាង ១៥០នាក់ក្នុងមូលដ្ឋាន ទោះបីជាគ្មានធនធានផ្ទាល់ខ្លួនច្រើនក៏ដោយ។

សូមទស្សនាព័ត៌មានពិស្ដារ៖

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី១៩ ខែសីហា ឆ្នាំ២០២៦ នេះ បានប្រកាសពីការចាត់វិធានការម៉ឺងម៉ាត់បំផុតលើអ្នកគ្រប់គ្រងជាជនបរទេសចំនួន ២រូប (១រូបនៅរោងចក្រ ចាស្ទីន អេលេន ខេត្តកណ្តាល និង ១រូបទៀតនៅរោងចក្រ មីង យ៉ាង ខេត្តកំពង់ស្ពឺ) ដោយតម្រូវឱ្យធ្វើការសុំទោសជាសាធារណៈ និងធ្វើកិច្ចសន្យាឈប់ប្រើប្រាស់ពាក្យសម្តី ឬអាកប្បកិរិយាមិនសមរម្យ ប៉ះពាល់ដល់សេចក្តីថ្លៃថ្នូររបស់កម្មករនិយោជិតខ្មែរតទៅទៀត។

សូមទស្សនាព័ត៌មានពិស្ដារ៖

កំពង់ស្ពឺ៖ លោកស្រី ម៉ែន ស៊ីនួន ប្រធានមន្ទីរព័ត៌មានខេត្តកំពង់ស្ពឺ បានដឹកនាំកិច្ចប្រជុំពិនិត្យ និងពង្រាងរបាយការណ៍លទ្ធផលការងារប្រចាំខែសីហា ឆ្នាំ២០២៦ ដោយមានការចូលរួមពីប្រធាន និងមន្ត្រីតំណាងការិយាល័យទាំង៥ ដើម្បីវាយតម្លៃវឌ្ឍនភាព ដោះស្រាយបញ្ហាប្រឈម និងទិសដៅអនុវត្តបន្ត។

សូមទស្សនាព័ត៌មានពិស្ដារ៖

បន្ទាយមានជ័យ ៖ នាព្រឹកថ្ងៃទី១៩ ខែសីហា ឆ្នាំ២០២៦ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានដឹកនាំកិច្ចប្រជុំត្រួតពិនិត្យវឌ្ឍនភាពនៃការអនុវត្តការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) និងការអនុវត្តអនុក្រឹត្យលេខ០៣ អនក្រ.បក របស់រាជរដ្ឋាភិបាល ស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំ។

សូមទស្សនាព័ត៌មានពិស្ដារ៖