សម្ដេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង អមដំណើរដោយ អភិបាលខេត្តកំពង់ឆ្នាំង ឯកឧត្តម ស៊ុន សុវណ្ណារិទ្ឋិ រួមទាំងមន្ត្រីរាជការ ប្រជាពលរដ្ឋជាច្រើនរូបទៀត នៅព្រឹកថ្ងៃទី២៥ ខែកញ្ញា ឆ្នាំ២០២៤ បានអញ្ជើញ កាត់ឫសសីមាព្រះវិហារវត្តគំរាបរុក្ខារាម ស្ថិតនៅភូមិត្រពាំងចាន់ ឃុំត្រពាំងចាន់ ស្រុកបរិបូណ៌ ខេត្តកំពង់ឆ្នាំង ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/-a54w2sh_hk
សមាជិកគណៈកម្មាធិការអចិន្ត្រៃយ៍ នៃការិយាល័យនយោបាយមជ្ឈិមបក្សកុម្មុយនីស្តចិននិងជាប្រធានសភាប្រឹក្សានយោបាយនៃប្រជាជនចិន ឯកឧត្តម វ៉ាង ហ៊ូនីង (Wang Huning) បានជម្រាបសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជាថា ឈរលើកិច្ចសហប្រតិបត្តិការដ៏ល្អ មិត្តភាពជាប្រពៃណី មិត្តដែកថែប និងកិច្ចសហប្រតិបត្តិការដៃគូយុទ្ធសាស្រ្តគ្រប់ជ្រុងជ្រោយ ចិននឹងកៀរគរអ្នកទេសចរ និងអ្នកវិនិយោគពីប្រទេសខ្លួន ឱ្យមកទស្សនានិងបណ្តាក់ទុននៅកម្ពុជាឱ្យបានកាន់តែច្រើន។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/my1Xn7D2cpk
អាជ្ញាធរជាតិអប្សរា ជួសជុលច្រាំងកសិន្ធុប្រាសាទអង្គរ ផ្នែកខាងជើងស្ពានហាលប្រវែងចំនួន២០ម៉ែត្រជាបន្តទៀត ក្នុងដំណាក់កាលទី៨ នៅឆ្នាំ២០២៤។ ការងារនេះ គ្រោងនឹងបញ្ចប់នៅដើមឆ្នាំ២០២៥ខាងមុខនេះ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/4NkFpjaxzpE
ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ឯកឧត្តមអភិសន្តិបណ្ឌិត ស សុខា បានណែនាំឯកឧត្តម លោកជំទាវ ជាអភិបាល នៃគណៈអភិបាលរាជធានី ខេត្តទាំងអស់ ដឹកនាំមន្រ្តីពាក់ព័ន្ធ ជាពិសេសស្នងការដ្ឋាននគរបាល និងបញ្ជាការដ្ឋានកងរាជអាវុធហត្ថ ពិនិត្យនិងកែសម្រួលផែនការយុទ្ធសាស្រ្តស្ដីពីការពង្រឹងសន្តិសុខក្នុងដែនរដ្ឋបាលរបស់ខ្លួនឡើងវិញ ដើម្បីឆ្លើយតបការវិវត្តន៍ប្រែប្រួលរបស់សង្គមជាតិ និងពិភពលោក។ ការណែនាំពីប្រមុខក្រសួងមហាផ្ទៃ បានធ្វើឡើងក្នុងពិធីផ្សព្វផ្សាយ ផែនការយុទ្ធសាស្ត្រស្តីពីការអនុវត្តគោលនយោបាយភូមិ-ឃុំ-សង្កាត់មានសុវត្ថិភាព របស់ក្រសួងមហាផ្ទៃ ឆ្នាំ២០២៤-២០២៨ រៀបចំនៅទីស្ដីការក្រសួង នាព្រឹកថ្ងៃទី២៥ ខែកញ្ញា ឆ្នាំ២០២៤នេះ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/FEDsu_ZlLj8
ឯកឧត្តម វង សូត អនុប្រធានទី២ រដ្ឋសភា បានអនុញ្ញាតឲ្យប្រតិភូសមាគមនាវាយុវជនអាស៊ីអាគ្នេយ៌កម្ពុជា ទាំង១៦រូប ចូលជួបសម្តែងការគួរសម និងទទួលអនុសាសន៍ នៅវិមាន រដ្ឋសភា មុនពេលចេញ ដំណើរទៅចូលរួម កម្មវិធីនាវាយុវជនអាស៊ីអាគ្នេយ៌ និងជប៉ុន នៅក្នុងខែវិច្ឆិកាខាងមុខនេះ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/O2U_WlaaAzQ
បន្ទាប់ពីស្ថានភាពកម្ពស់ទឹកទន្លេមេគង្គខេត្តក្រចេះ បានបន្តហក់ឡើងខ្លាំង រហូតដល់កម្ពស់ជាង២១ម៉ែត្រ បានបណ្តាលឱ្យជន់លិចលំនៅដ្ឋានពលរដ្ឋ ជាង៣ពាន់ខ្នងផ្ទះ រួមនិងហេដ្ឋារចនាសម្ពន្ឋ័ វត្តអារាម មណ្ឌលសុភាព ប៉ះពាល់ស្រូវសន្ទូង.ពង្រោះ ជាង៧ពាន់ហិចតា នៅទូទាំងខេត្តក្រចេះ។
ជាមួយនិងស្ថានភាពនេះអាជ្ញាធរខេត្តក៏បានចេញសេចក្តីណែនាំ ដល់កងកម្លាំងប្រដាប់អាវុធ ជាពិសេស រដ្ឋបាលក្រុង ស្រុក ត្រូវត្រៀមលក្ខណៈ ក៏ដូចជាសម្ភារៈ ដើម្បីត្រៀមសង្គ្រោះពលរដ្ឋ ក៏ដូចជាសត្វពាហនៈ ទៅកាន់ទីទួលសុវត្ថភាព ដែលអាជ្ញាធរខេត្តបានត្រៀមទុក។ប្រធាន់មន្ទីធនធានទឹកនិងឧតុនិយម លោក ហេង រត្នម៉ូនីដា បានឱ្យដឹងនៅថ្ងៃទី២៥ខែកញ្ញានេះថា គិតត្រឹមថ្ងៃនេះ កម្រិតកម្ពស់ទឹកនៅស្ថានីយ៍ជល់សាស្ត្រខេត្តក្រចេះ មានកម្ពស់២១.៦៤ម៉ែត្រ ហើយកម្រិតកម្ពស់ទឹកនេះ មិនទាន់ហក់ឡើងដល់កម្រិតប្រកាសអាសន្ននៅឡើយទេ ខណៈកម្រិតទឹកប្រកាសអាសន្នមានកម្ពស់ទឹក២៣ម៉ែត្រ។ លោកថា កម្រិតកម្ពស់ទឹកនេះ គឺបានហូរហៀរចូលតាមព្រែក តាមបឹង និងនៅតាមស្ថានីយ៍ស្តុបទឹក សំរាប់ស្តុបទុកបង្កបង្កើនផលដំណាំងរបស់ពលរដ្ឋនៅរដូវប្រាំង។
យោងតាមរបាយការរបស់គណៈកម្មាធិការគ្រប់គ្រងគ្រោះមហន្តរាយខេត្តបានបង្ហាញថា ជំនន់ទឹកភ្លៀងនិងជំនន់ទឹកទន្លេមេគង្គ បានជន់លិចលំនៅដ្ឋានរបស់ពលរដ្ឋ៣០៥១ខ្នងផ្ទះ សាលារៀន៣២កន្លែង មណ្ឌលសុខភាព២កន្លែង វត្តអារាម១៥កន្លែង លិចស្រូវសន្ទូង.ពង្រោះ៧៣៦៩ហិចតា រួមនិងដំណាំរួមផ្សំជិត១ពាន់ហិចតា និងជន់លិចផ្លូវថ្នល់ជាច្រើនកន្លែង និងបានជម្លៀសសត្វពាហនៈ និងពលរដ្ឋទៅកាន់ទីទួលសិវត្ថិភាព។
ជាមួយនិងគ្រោះទឹកជំនន់ទឹកភ្លៀងនិងទឹកទន្លេមេគង្គនេះ ក៏បានបង្កឱ្យមានមនុស្ស៤នាក់ស្លាប់ ក្នុងនោះនៅក្នុងស្រុកចិត្របុរី ស្លាប់៣នាក់ ដោយសារករណីលិចទូក និងជនរងគ្រោះម្នាក់ទៀតគឺនៅក្នុងស្រុកព្រែកប្រសព្វ គឺស្លាប់ដោយសារករណីលង់ទឹក។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/dmkN8sPGCfc
(ខេត្តកំពង់ធំ)÷ អភិបាលខេត្តកំពង់ធំ ឯកឧត្តម នួន ផារ័ត្ន ព្រមទាំងប្រតិភូអមដំណើរ បានចុះពិនិត្យស្ថានភាពជាក់ស្តែង នៅតំបន់ព្រៃលិចទឹកបឹងទន្លេសាបនារដូវបិទនេសាទ និងចុះសួរសុខទុក្ខបងប្អូនប្រជាពលរដ្ឋ នៅក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ នាព្រឹកថ្ងៃទី២៤ ខែកញ្ញា ឆ្នាំ២០២៤។
ចុច Link ទស្សនាព័ត៌មានពិស្ដារ៖https://youtu.be/gv_b7zB7NCw
ឯកឧត្ដមឃួង ស្រេងអភិបាល នៃគណៈអភិបាលរាជធានីភ្នំពេញ នៅល្ងាចថ្ងៃទី២៣កញ្ញានេះ បានដឹកនាំមន្ត្រីជំនាញនិងអាជ្ញាធរដែនដីចុះពិនិត្យមើលស្ថានភាពនៃការបាក់កំណាត់ផ្លូវបេតុងអមប្រឡាយស្ទឹងមានជ័យ ក្នុងសង្កាត់ស្ទឹងមានជ័យទី២ ខណ្ឌមានជ័យ កំណាត់ផ្លូវបេតុងអបប្រឡាយស្ទឹងមានជ័យ បានបាក់ជាបណ្តើរៗ នារសៀលថ្ងៃទី២៣កញ្ញានេះ ហើយការចុះពិនិត្យមើលស្ថានភាពជាក់ស្តែងពីសំណាក់ឯកឧត្ដមឃួង ស្រេង ធ្វើឡើងដើម្បីស្វែងរកមូលហេតុ ឈានទៅរកការទប់ស្កាត់កុំអោយបាក់បន្ត និងការបញ្ជៀសនូវហានិភ័យផ្សេងៗចំពោះប្រជាពលរដ្ឋអ្នកដំណើរនិងប្រជាពលរដ្ឋរស់នៅតំបន់នេះ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/d_rGpBDvZQQ
សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានបង្ហាញក្តីសប្បាយរីករាយប្រកបដោយមោទនភាព នៅពេលកិច្ចសហប្រតិបត្តិការសភាកម្ពុជា-ចិន មានសន្ទុះយ៉ាងខ្លាំងគួរឱ្យកត់សម្គាល់ ទាំងក្នុងកម្រិតទ្វេភាគី និងពហុភាគី ដោយផ្អែកលើការគោរព ការជឿទុកចិត្ត ការយោគយល់គ្នា និងការផ្តល់ផលប្រយោជន៍ឱ្យគ្នាទៅវិញទៅ មកដែលទទួលបានលទ្ធផលផ្លែផ្កាគួរជាទីមោទនៈ។ សម្តេច ប្រធានរដ្ឋសភា បានលើកឡើងដូច្នេះ នៅចំពោះសមភាគី ឯកឧត្តម ចាវ ឡឺជី (Zhao Leji) ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន ក្នុងពិធីលៀងសាយភោជន៍ ជូនគណៈប្រតិភូជាន់ខ្ពស់រដ្ឋសភាកម្ពុជា នៅរាត្រីទី២៣ ខែកញ្ញា ឆ្នាំ២០២៤ នៅវិមានសភាតំណាងប្រជាជនចិន។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/RhWed4CKThI
ជាលទ្ធផលសំខាន់មួយនៃដំណើរទស្សនកិច្ចផ្លូវការនិងមិត្តភាពរបស់គណៈប្រតិភូជាន់ខ្ពស់រដ្ឋសភាកម្ពុជា ដឹកនាំដោយសម្តេចមហារដ្ឋសភាធិការធិបតី ឃួន សុដារី និងប្រធានរដ្ឋសភានៅប្រទេសចិន គឺការចុះហត្ថលេខាលើឯកសារចំនួនពីរ ស្តីពីកិច្ចសហប្រតិបត្តិការរវាងរដ្ឋសភាប្រទេសទំាងពីរនៅគ្រប់កម្រិត និងគ្រប់វិស័យ ឱ្យកាន់តែសកម្ម គ្រប់ជ្រុងជ្រោយឡើងបន្ថែមទៀត ស្របតាមបរិបទបច្ចុប្បន្ន ក្នុងការបម្រើផលប្រយោជន៍ជូនប្រទេសនិងប្រជាជនទំាងសងខាង។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/vIb-KzL3EQE
ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានអំពាវនាវឱ្យប្រជារាស្ត្ររួមគ្នា គោរព និងការពារ រដ្ឋធម្មនុញ្ញដែលជាច្បាប់កំពូលរបស់កម្ពុជា ឱ្យស្ថិតស្ថេរជារៀងរហូត។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/YqKyt9hxk0k
អាជ្ញាធរមូលដ្ឋានបានបញ្ជាក់ឲ្យដឹងនាល្ងាចថ្ងៃទី២៤ កញ្ញា ឆ្នាំ២០២៤ ថាស្ថានភាពទឹកព្រែកឆ្លូង ដូចជានៅទ្រឹងមិនមានការហក់ឡើងទៀតនោះទេ។តែក្នុងរយៈពេលប៉ុន្មានថ្ងៃមុខនេះមេឃបានបង្អររភ្លៀងធ្លាក់មកជាបន្តបន្ទាប់រួមផ្សំនិងទឹកទន្លេមេគង្គបានហូរចូលតាមបឹងបួរជាច្រើនជាហេតុធ្វើឲ្យព្រែកឆ្លង ស្ថិតនៅក្នុងឃុំដំរីផុងស្រុកឆ្លង ខេត្តក្រចេះ ត្រូវបានជន់លិចផ្លូវលំនិងក្រោមផ្ទះប្រជាពលរដ្ឋប្រមាណ ៩១គ្រួសារ។ក្នុងនោះមានអ្នកខ្លះចិញ្ចឹមសត្វពាហនៈត្រូវបានដឹកជញ្ជូនចល័តទៅកាន់ទីទួលសុវត្ថិភាព ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/G8fT88Xi5uA
ដែនជម្រកសត្វព្រៃកែវសីមាដែលលាតសន្ធឹងលើផ្ទៃដីជាង៣០ម៉ឺនហិកតា មិនត្រឹមបានផ្ដល់ភាពសុខសាន្តដល់ពពួកសត្វព្រៃជាច្រើនប៉ុណ្ណោះទេ។តែថែមទាំងបានលើកស្ទួយកម្រិតជីវភាពរបស់ពលរដ្ឋក្នុងតំបន់យ៉ាងច្រើន ដែលពួកគេ សុទ្ធសឹងជាបងប្អូនជនជាតិដើមភាគតិចព្នង ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/cUZ-zOQJmqM
អភិបាលខេត្តកំពង់ឆ្នាំងឯកឧត្តម ស៊ុន សុវណ្ណារិទ្ធិ បានបញ្ជាថាចាប់ពីពេលនេះតទៅ កងកម្លាំងប្រដាប់អាវុធ ទាំង៣ ភេទ អាជ្ញាធរគ្រប់ជាន់ថ្នាក់ ត្រូវពិនិត្យពង្រឹងសន្តិសុខសណ្ដាប់ធ្នាប់ឲ្យបានតឹងរឹង នៅតាមតំបន់គោលដៅ ប៉ុស្តិ៍រដ្ឋបាលឃុំ សង្កាត់ របស់ខ្លួន ជនប្លែកមុខគួរសង្ស័យ ត្រូវរាយការណ៍ជាបន្ទាន់ជូនសមត្ថកិច្ចជំនាញ។ដាក់កម្លាំងទៅតាមសណ្ឋាគារ ភោជនីយដ្ឋាន និងត្រូវដាក់កម្លាំងត្រួតពិនិត្យឲ្យបានតឹងរឹងបំផុតចំពោះជនអន្តោប្រវេសន្ត៍។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/K4q7kuqeQUw
សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងបញ្ជាក់ថា ទោះបីរាជរដ្ឋាភិបាលលុប CLVក្តី តែ«ការអភិវឌ្ឍព្រំដែន»នៅបន្តខណៈមូលនិធិព្រំដែនទទួលថវិកាបាន២១លានដុល្លារ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/rNMeojl7Xb0
