ដោយ ៖ កូវ ប៊ុនហេង
ខេត្តព្រះវិហារ ៖ នាព្រឹកថ្ងៃទី ៣០ ខែធ្នូ ឆ្នាំ២០១៩ រដ្ឋបាលខេត្ត បានរៀបចំ កម្មវិធីប្រគល់-ទទួល តាប្លែត ជូនឃុំ-សង្កាត់ ដើម្បីអនុវត្តគម្រោង កម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារ តូចអាយុ ក្រោម ០២ឆ្នាំ ក្នុងគ្រួសារក្រីក្រ ក្រោមអធិបតីភាពលោក ប្រាក់ សុវណ្ណ អភិបាលនៃគណៈអភិបាលខេត្ត ដោយមានការចូលរួម ពីប្រធាន មន្ទីរអង្គភាពពាក់ព័ន្ធ អភីបាលក្រុង ស្រុក មេឃុំ ចៅសង្កាត់ និងស្មៀនឃុំ សង្កាត់ទូទាំងខេត្ត ។
មានមតិស្វាគន៍ក្នុងឱកាសនោះ លោក រស់ ស៊ីផា ប្រធានមន្ទីរ សង្គមកិច្ច អតីតយុទ្ធជន និងយុវនីតិសម្បទាទខេត្ត បានជម្រាប ជូន នូវគោលបំណង នៃកម្មវិធីនេះគឺដើម្បីអនុវត្តះអនុវត្តគម្រោង កម្មវិធីឧបត្ថម្ភសាច់ប្រាក់ជូនស្រី មានផ្ទៃពោះ និងកុមារ អាយុ ក្រោម២ឆ្នាំ និងការកំណត់អត្តសញ្ញាណកម្ម គ្រួសារក្រីក្រ ទទួលបានប្រសិទ្ធភាព តម្លាភាព និងនិរន្តភាព ដែលនឹងត្រូវចាប់ ផ្តើមអនុវត្តនៅដើមខែកុម្ភៈ ឆ្នាំ២០២០ខាងមុខនេះ ។ហើយTablets ដែលបានប្រគល់ជូននេះគឺជូនដល់ឃុំ សង្កាត់ទាំង៥១ឃុំ ទូទាំងខេត្តដែលជាប្រតិបត្តិករផ្ទាល់ក្នុង ការអនុវត្តកម្មវិធីនេះ ។
ក្នុងឳកាសនោះ ឯកឧត្តម ប្រាក់ សុវណ្ណអភិបាលខេត្ត បានមានប្រសានស៍ន៍ពីការយកចិត្តទុកដាក់របស់ប្រមុខរាជរដ្ឋាភិបាលលើសុខមាល ភាពប្រជាពលរដ្ឋ តាមរយះការដាក់ចេញ នូវគោលនយោបាយគាំពារសង្គម(២០១៦-២០២៥ )ដែលផ្តោត លើសសរស្តម្ភទាំងពីរគឺប្រព័ន្ធជំនួយ និងប្រព័ន្ធសន្តិសុខសង្គម ដែលទាំងនេះពិតជាអាចឈានដល់ការកាត់បន្ថយ ភាពក្រីក្រ ប្រកបដោយប្រសិទ្ធភាពខ្ពស់ និងការអភិវឌ្ឍជាតិប្រកបដោយ និរន្តរភាព។ ឯកឧត្តមបានបញ្ជាក់បន្ថែមថា កម្មវិធីសាច់ ប្រាក់ ឧបត្ថម្ភ ជូនដល់ ស្រ្តីមានផ្ទៃពោះ និងកុមារអាយុក្រោម ២ឆ្នាំនេះត្រូវបានអនុវត្តជាបី ដំណាក់ កាល ដែលសរុប ទឹក ប្រាក់ក្នុងកុមារមា្នក់ទទួលបានប្រាក់ឧបត្ថម្ភ ៧៦០,០០០ រៀល ។ ហើយឯកឧត្តមបានស្នើឲ្យអ្នកពាក់ព័ន្ធទាំងអស់ត្រូវបំពេញតួនាទី របស់ខ្លួនឲ្យបានល្អក្នុងការបម្រើសេវាជូនប្រជាពលរដ្ឋក្រីក្រ ជាពិសេស ចំពោះមេឃុំ ចៅសង្កាត់ត្រូវចាត់តាំងមន្រ្តីដែល មានសមត្ថភាពក្នុងប្រព័ន្ធ ព័ត៌មានវិទ្យា ដើម្បីគ្រប់ គ្រងកម្មវិធីនេះលើថេបភ្លេតក៏ដូចថែរក្សា ឲ្យបានគង់វង្សថេប ភ្លេតដែលបានប្រគល់ជូន នៅពេលនេះ ។ ចំពោះមន្ទីរ សង្គមកិច្ចអតីតយុទ្ធជន និងយុវនីតិសម្បទាខេត្ត និងមន្ទីរ ផែនការខេត្ត ត្រូវដឹកនាំ និងតាមដានការអនុវត្តកម្មវិធី ការកំណត់អត្តសញ្ញាណកម្ម គ្រួសារក្រីក្រពិតប្រាកដ និងត្រូវតាមដាននិង ដោះស្រាយឲ្យបានទាន់ ពេលវេលា នូវបញ្ហាប្រឈមនានារបស់ប្រជាពលរដ្ឋនិង ឆាប់រហ័សប្រកប ដោយតម្លាភាព និងប្រសិទ្ធភាពខ្ពស់ ថែមទៀតផង ៕ 
តាមប្រភពពត៍មានពីកន្លែងកើតហេតុបានអោយដឹងថាគេឃើញមានម៉ូតូមួយគ្រឿងម៉ាក់Honada Dreamពណ៍ខ្មៅ មានស្លាកលេខកំពងស្ពឺ(1B-6970)មានបើកបរដោយបុរសនឹងស្រ្តីម្នាក់ទឹសដៅពីត្បូងទៅជើងលុះមកដល់ចំណុចកើតហេតុខណះពេលកំពុងឈប់រងចាំភ្លើងស្តុបក៏ស្រាបតែមានរថយន្តដឹកដីមួយគ្រឿងម៉ាកHyundaiប្រផេះមានស្លាក់លេខភ្នំពេញ(3E-7789)បើកបរដោយបុរសម្នាក់ធ្វើដំណើរទឹសដៅស្រប់គ្នាក្នុងល្បឿនលឿនហើយបត់ស្ដាំបណ្ដាលអោយរថយន្តគៀរម៉ូតូចូលក្រោមរថយន្តបណ្ដាល់អោយបុរសម្នាក់ដែលជាម្ចាស់ម៉ូតូស្លាប់ ចំណែកឯស្រ្តីជាអ្នករួមដំណើររងរបួសធ្ងនត្រូវបញ្ចូនទៅមន្ទីពេទ្យភ្លាមៗ បណ្តាបពីកើតហេតុបានឃាត់ម្ចាស់រថយន្តបង្កទៅសាកសួរនាំនៅអធិការដ្ធាននគរបាលខណ្ឌមានជ័យ ។
ថ្លែងនៅក្នុងពិធីបិទសន្និបាតសរុបការងារ១៦ខែ និងទិសដៅបន្តរបស់ ក្រុមប្រឹក្សាពិគ្រោះ និងផ្តល់យោបល់ នៅរសៀលថ្ងៃទី២៧ ធ្នូនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហាញនូវការពេញចិត្តចំពោះ យន្តការ និងរបាយការណ៏ការងាររបស់សមាជិករបស់ឧត្តមក្រុមប្រឹក្សាពិគ្រោះ និងផ្តល់យោបល់ទាំង១៦គណបក្ស ដែលបានផ្តល់ព័ត៌មាន និងរបាយការណ៏ មកកាន់នាយករដ្ឋមន្ត្រី ក្នុងការដោះស្រាយ។ សម្តេចតេជោ បានអះអាងថា សម្តេចសុខចិត្តស្តាប់ និងទទួលយកយោបល់នានាពីសមាជិកនៃឧត្តមក្រុម ប្រឹក្សា និងពិគ្រោះយោបល់ ប្រសើរជាងស្តាប់ការបង្គាប់បញ្ជាពីបរទេស ក្នុងធ្វើការធ្វើនេះ ធ្វើនោះដើម្បីជាថ្នូរទៅនឹងជំនួយ និងប្រព័ន្ធអនុគ្រោះពន្ធ។
នៅក្នុងសុន្ទកថានាពេលនោះ ឯកឧត្តមឧបនាយករដ្ឋមន្ត្រី បានជម្រាបអង្គពិធីថា មជ្ឈមណ្ឌលពាណិជ្ជកម្មកម្ពុជា គឺជាកន្លែងសម្រាប់ផ្សព្វផ្សាយ និងទាក់ទាញការវិនិយោគ និងធុរកិច្ច ពីបរទេសមកកាន់ប្រទេសកម្ពុជា តាមរយៈការដាក់តាំងបង្ហាញគំរូផលិតផលសក្ដានុពលកម្ពុជា និងឯកសារនានា ដែលទាក់ទងនឹងវិស័យពាណិជ្ជកម្ម វិនិយោគ វប្បធម៌ និងទេសចរណ៍នៃប្រទេសកម្ពុជា ជូនដល់វិនិយោគិន ធុរជន និងប្រជាជនចិន ដើម្បីស្វែងយល់ពីឱកាសធុរកិច្ច វិនិយោគ និងមកទស្សនាប្រទេសកម្ពុជា។
តាមប្រភពពត៌មានពីកន្លែងកើតហេតុបានអោយដឹងថា នៅមុនកើតហេតុឝេឃើញទូកដរដឹកចម្លងអ្នកដំណើរ រួមជាមួយម៉ូតូមួយចំនួន និងរថយន្តមួយគ្រឿង បានចេញពីកំពង់ចម្លងស្វាយស្រណោះ មកកំពង់ចម្លងព្រែកពោធិ ស្រុកស្រីសន្ធរ ខេត្តកំពង់ចាម។ ប្រភពដដែលបានបន្តថា នៅពេលទូកចម្លងខាងលើ មកដល់កំពង់ចម្លងព្រែកពោធិ ត្រើយម្ខាងទៀត គេឃើញអ្នកដំណើរ និងម៉ូតូខ្លះបានដើរ និងជិះឡើងច្រាំងធ្វើដំណើរទៅកាន់គោលដៅរៀងៗខ្លួន។ ក្នុងខណៈនោះគេឃើញរថយន្តម៉ាក LexusRX 330 ពាក់ស្លាកលេខភ្នំពេញ 2AU 4122 បើកចេញពីទូកដរឡើងច្រាំងដែរ តែបានបន្តិចក៏ទុចងក់ទំនងឡើងមិនរួច។ ឃើញដូច្នោះមានបុរសម្នាក់ជាអ្នកបើកទូកដរបានទៅឈរពីខាងក្រោយរថយន្ត ធ្វើសញ្ញាបញ្ជាទៅអ្នកបើកបររថយន្តអោយថយក្រោយសិន ។ ខណៈនោះស្រាប់តែរថយន្ត LEXUS បានថយក្រោយយ៉ាងលឿនបុកអ្នកធ្វើសញ្ញា រួមនិងអ្នកដំណើរដែលនៅលើទូកដរ នោះ រុញទៅផ្ទប់នឹងរនាំងទូកដរ បណ្តាលអោយរងរបួសធ្ងន់ចំនួន ៥នាក់ ក្នុងនោះមានស្រីចំនួន ២នាក់ បុរសអ្នកបើកទូកដរ១នាក់ និងកុមារាចំនួន ២នាក់។
នាវេលាព្រឹកថ្ងៃទី២៧ ខែធ្នូ ឆ្នាំ២០១៩ នេះ ព្រះករុណាជាអម្ចាស់ជីវិតលើត្បូង ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរព សក្ការៈដ៏ខ្ពង់ខ្ពស់បំផុត ក្រោមព្រះរាជហឫទ័យទុកដាក់ខ្ពស់អំពីសុខទុក្ខប្រជានុរាស្រ្តជាកូនចៅ ព្រះ អង្គសព្វព្រះរាជហឫទ័យស្តេចយាងសំណេះសំណាលសាកសួរសុខទុក្ខ និងប្រោសព្រះរាជទាន ព្រះ រាជអំណោយ ជូនដល់ប្រជាកសិករក្រីក្រ លោកគ្រូអ្នកគ្រូ សិស្សានុសិស្ស និងក្រុមគ្រូពេទ្យ នៅតាមដងទន្លេតូច ស្ថិតក្នុងភូមបឹងទឹង ឃុំទងត្រឡាច ស្រុកស្រីសន្ធរ ខេត្តកំពង់ចាម ចំនួន ៤៦០ សារ។
