សាកសពពលករខ្មែរម្នាក់ទៀតត្រូវបានអាជ្ញាធរថៃបញ្ជូនមកស្រុកវិញ
ដោយ៖ប៉ែន សុផល
បាត់ដំបង៖សាកសពពលករខ្មែរម្នាក់ទៀតហើយត្រូវបានអាជ្ញាធរថៃដឹកបញ្ជូនមកកម្ពុជាតាមច្រកទ្វារអន្តរជាតិដូងនៅវេលាម៉ោង១៤ និង៣០នាទីរសៀលថ្ងៃទី៣ ខែមករា ឆ្នាំ២០១៧ម្សិលមិញនេះ។
យោងតាមមន្ត្រីទំនាក់ទំនងព្រំដែនកម្ពុជាថៃនៅច្រកទ្វារអន្តរជាតិដូងក្នុងស្រុកកំរៀងបាននិយាយថាសាកសពជនរងគ្រោះខាងលើមានឈ្មោះ ម៉ី ជូ ភេទស្រី អាយុ៣២ឆ្នាំ រស់នៅភូមិ បន្សាយត្រែង ឃុំបន្សាយត្រែង ស្រុកថ្មគោល ខេត្តបាត់ដំបង។
មន្ត្រីដដែលនិយាយទៀតថា សាកសពស្ត្រីជនរងគ្រោះបើយោងតាមអាជ្ញាធរសុខាភិបាលប្រទេសថៃបានអោយដឹងថា ជនរងគ្រោះស្លាប់ដោយសារជំងឺមហារីកក្រពះ។
បច្ចុប្បន្នសពជនរងគ្រោះត្រូវបានសមត្ថកិច្ចប្រគល់ទៅអោយក្រុមគ្រួសារយកធ្វើបុណ្យតាមប្រពៃណី៕
