មកលេង​ផ្ទះ​មិត្តភក្តិ​នៅ​ស្រុក​កោះសូទិន បែរជា​អស់​ជីវិត​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 8 January, 2018

​កំពង់ចាម ៖ បុរស​ម្នាក់​នៅ​រាជធានី ភ្នំពេញ មកលេង​ផ្ទះ មិត្តភក្តិ​នៅ​ខេត្តកំពង់ចាម បានបញ្ចប់​ជីវិត​រប​ស់​ខ្លួន កាលពី​ថ្ងៃទី​០៧ ខែមករា ឆ្នាំ​២០១៨ វេលា​ម៉ោង​១៧.៣០ នាទី ដោយសារ​លង់ទឹក​នៅ​ចំណុច​ដង​ទន្លេតូច​(​កំពង់ចម្លង​អំបែងចេះ​)​ស្ថិត​ក្នុងភូមិ​អំបែងចេះ ឃុំ​ល្វេ ស្រុក​កោះសូទិន ខេត្តកំពង់ចាម​។​
ប៉ូលីស​បានអោយដឹងថា ជនរងគ្រោះ​ឈ្មោះ ម៉ក់ កែវ​តារា ភេទ ប្រុស​អាយុ​២៤ ឆ្នាំ​ជនជាតិខ្មែរ នៅ​សង្កាត់​ស្ទឹងមានជ័យ ខណ្ឌមានជ័យ រាជធានី​ភ្នំពេញ​។​
លោក​អធិការ នគ​បាល​ស្រុក​កោះសូទិន បានអោយដឹងថា ក្រោយពី​ទទួលបាន​ព័ត៌មាន​ភ្លាម កម្លាំង​ជំនាញ​អធិការដ្ឋាន​នគរបាល​ស្រុក​កោះសូទិន សហការ​ជាមួយ​កម្លាំង​ប៉ុស្តិ៍នគរបាល​រដ្ឋបាល​ល្វេ បង្កើត​គណៈកម្មាធិការ ត្រួតពិនិត្យ​សព ដោយមាន​ការចូល​ពី​គ្រូពេទ្យ មេភូមិ មេឃុំ​។​
លោក​អធិការ​បាន​បញ្ជាក់ថា ផ្អែក​តាម ការធ្វើ​កោសល្យវិច័យ​ការពិនិត្យ​សព​សមត្ថកិច្ច​បាន​សន្និដ្ឋាន​បាន​ថា សព​ឈ្មោះ ម៉ក់ កែវ​តារា ពិតជា​ស្លាប់​ដោយសារ​លង់ទឹក​ពិតប្រាកដ​មែន​ពុំមាន​ពាក់​ព​ន្ធ័​ឃាតកម្ម​ទេ​។​
ប្រភព ពត៍​មាន​ពី​កន្លែងកើតហេតុ បាន​អោ​ដឹងថា នៅ​ថ្ងៃកើតហេតុ ជនរងគ្រោះ​មក​លែង​ផ្ទះ​មិត្ត​ភ​ក្រ័​(​ស្រុកកំណើត​នៅ​ភូមិ​.​ឃុំ កើតហេតុ ខាងលើ ) ហើយ​ផឹកស្រា ស្រវឹង រួច​នាំគ្នា​ទៅ​មុជទឹក​ទន្លេ​។​
នៅពេល​កំពុង​ងូតទឹក ជនរងគ្រោះ បាន​រអិល​ជើង​ចូល​ទឹក​ជ្រៅ ដោយ​ជនរងគ្រោះ​មិនចេះ​ហែល​ទឹក ក៏​លង់​ស្លាប់​។ សព​រក្សាទុក​រង់ចាំ​ក្រុមគ្រួសារ​មក​ទទួលយក​ទៅធ្វើ​បុណ្យ​តាម​ប្រពៃណី​៕ សុ​ភ័​ណ្ឌ​