នាយករដ្ឋមន្ត្រី ជួប​ពិសា​អាហារ​ជាមួយ​កម្មករ​ស៊ីក្លូ​ជាង ​៣០០​នាក់ នៅ​កោះ​ពេជ្រ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 13 January, 2018

​តាម​ការគ្រោងទុក នៅ​ព្រឹក​ថ្ងៃ​សៅរ៍ ទី​១៣ ខែមករា ឆ្នាំ​២០១៨ នេះ សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អញ្ជើញ​ជួប​សំណេះសំណាល ព្រមទាំង​ពិសា អាហារ​ជាមួយ​បងប្អូន​អ្នកធាក់ស៊ីក្លូ​ក្នុង​រាជធានី​ភ្នំពេញ ជាង​៣០០​នាក់ ដែល​រៀបចំឡើង​នៅ​ម​ជ្ឈ មណ្ឌល​កោះ​ពេជ្រ​។​
​សូម​រំឭកថា កាលពី​ដើមខែ មករា ឆ្នាំ​២០១៨ នេះ បាន​បង្កើត​មូលនិធិ​គាំទ្រ​កម្មករ​ធាក់​ស៊ីក្លូ ទាំងអស់ នៅ​កម្ពុជា​។ ការបង្កើត​មូលនិធិ​នេះ បានធ្វើ​ឡើង បន្ទាប់ពី​សម្តេច​តេ​ជោ ហ៊ុន សែន បាន អនុញ្ញាត​ឲ្យ​អ្នកធាក់ស៊ីក្លូ​ទាំងអស់ អាច​ទៅពិនិត្យ និង​ព្យាបាល​ជំងឺ​នៅតាម​មន្ទីរពេទ្យ​រដ្ឋ ដោយ​មិន គិតថ្លៃ ដើម្បី​ជាការ​ឆ្លើយតប​នឹង​ទុក្ខលំបាក ក៏ដូចជា​ការខ្វះខាត​ក្នុង​ជីវភាព​របស់ បងប្អូន​កម្មករ​ធាក់ ស៊ីក្លូ​គ្រប់ៗ​រូប​។​
​មូលនិធិ​ទ្រទ្រង់​អាជីព​របស់​អ្នកធាក់ស៊ីក្លូ​នេះ នឹងត្រូវ​ប្រកាស​បង្កើត​ជា​ផ្លូវការ​នៅ​ថ្ងៃទី​១៣ ខែមករា នេះ តែម្តង​។ បន្ថែម​ពីលើ​នេះ សម្តេច​តេ​ជោ ហ៊ុន សែន បានដាក់​ថវិកា​ផ្ទាល់ខ្លួន​ដំណាក់ កាល​ដំបូង​ចូលក្នុង​មូលនិធិ​នេះ​ប្រមាណ ១០០​លាន​រៀល ហើយ​សម្តេច​នឹង​បន្ថែម​ប្រមាណ ១០ លាន​រៀល​បន្ថែមទៀត ជា​រៀងរាល់ខែ​។​
​នៅក្នុង​ឱកាស​ជួប​សំណេះសំណាល​នេះដែរ បងប្អូន​អ្នកធាក់ស៊ីក្លូ​ទាំងអស់ បានបង្ហាញ​ក្តី សប្បាយរីករាយ​យ៉ាង​ចំពោះ​ការសម្រេច​របស់​សម្តេច​ប្រមុខ​រាជរដ្ឋាភិបាល អនុញ្ញាត​ឲ្យ​ពួកគាត់ ព្យាបាល ដោយ​មិន​គិតថ្លៃ​តាម​មន្ទីរពេទ្យ​រដ្ឋ​។ ជាពិសេស​ការបង្កើត​មូលនិធិ​សម្រាប់​ទ្រទ្រង់ ដល់ អាជីព​របស់​ពួកគាត់​។​
​សម្តេច​តេ​ជោ ហ៊ុន សែន បាន​ថ្លែងថា ការបង្កើត​មូលនិធិ​នេះ មិន​ត្រឹមតែ​ជួយ​ទ្រទ្រង់​ដល់ អាជីព របស់​អ្នកធាក់ស៊ីក្លូ​នោះទេ តែ​ក៏​ជាការ​រួមចំណែក​អភិរក្ស​ស៊ីក្លូ ដែលជា​យាន​បង្ហាញ​ពី​អត្ត សញ្ញាណ​របស់​ខ្មែរ​បន្សល់ទុក​តាំងពី​សម័យ​អាណានិគម​ន៍​បារាំង​មក​នោះ​។ ប​ន្ទឹ​ម​នឹង​នេះ សម្តេច តេ​ជោ ហ៊ុន សែន ក៏បាន​អំពាវនាវ​ដល់​សម្បុរ​ស​ជន​នានា ចូលរួម បរិច្ចាគ ក្នុង​មូលនិធិ​គាំទ្រ​កម្មករ ធាក់​ស៊ីក្លូ​នេះ​ឱ្យបាន​ច្រើន​ផងដែរ​៕
លោក អ៊ឹម សម្បត្តិ ប្រធាន​សមាគម​អភិរក្ស​ស៊ីក្លូ និង មុខរបរ​ក្រៅ​ប្រព័ន្ធ​បាន​ឲ្យ​ដឹង​ថាស​ព្ធ​ថ្ងៃ​លោក​កំពុង​គ្រប់គ្រង​សមាជិក​ជា​អ្នកធាក់ស៊ីក្លូ​ប្រមាណ​១២០​នាក់ ។
​បើតាម​លោក អ៊ឹម សម្បត្តិ នៅក្នុង​រាជធានី​ភ្នំពេញ​ប​ច្ចប្ប​ន្ន​មាន​ចំនួន​ស៊ីក្លូ​សរុប​ប្រមាណ ៤០០​គ្រឿង ។ ប៉ុន្តែ​មាន​អ្នក​ប្រកប​អាជីព​ជា​អ្នកធាក់ស៊ីក្លូ​នេះ​មាន​ប្រមាណ​ជាង ២០០ នាក់​ប៉ុណ្ណោះ​។
សព្វថ្ងៃ​ស៊ីក្លូ​បាន​ក្លាយជា​ផលិតផល​ទេសចរណ៍ មួយ​ដែរ​សម្រាប់​ទាក់ទាញ​ភ្ញៀវទេសចរ​បរទេស​។​គេ​តែង​សង្កេតឃើញ​ភ្ញៀវទេសចរ​បរទេស​ភាគ​ច្រើន​ពេលមកដល់​ភ្នំពេញ​ពួកគេ​បាន​ជិះ​ស៊ីក្លូ ទស្សនា​ក្រុងភ្នំពេញ​ដោ​យស​ប្យា​យ​រីករាយ ៕​