ជម្លោះ​ផឹកស៊ី​ក្នុង​រោងការ ចាក់​គ្នា​ស្លាប់​ម្នាក់​នៅ​ស្រុក​ត្រពាំង​ប្រាសាទ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 14 January, 2018

​ឧ​ត្ត​រ​មានជ័យ ៖ យុវជន​ពីរ​នាក់​ដែលជា​ជនដៃដល់​ត្រូវបាន​កម្លាំង​កងរាជអាវុធហត្ថ​ស្រុក ត្រពាំង​ប្រាសាទ បញ្ជូនទៅ​តុលាការខេត្ត​ឧ​ត្ត​រ​មានជ័យ កាល​វេលា​ម៉ោង ១១ និង ៣០​នាទី នា​ថ្ងៃទី​១៣ ខែមករា ឆ្នាំ​២០១៨ ពាក់ព័ន្ធ​នឹង​ករណី​ឃាត់​កម្ម​សម្លាប់​។​

មន្ត្រី​កងរាជអាវុធហត្ថ​ស្រុក​ត្រពាំង​ប្រា សាទ បានអោយដឹងថា ជនសង្ស័យ ទី​១​ឈ្មោះ បឿន សុភ​ក្រ័ ភេទ ប្រុស​អាយុ​២២​ឆ្នាំ​មុខរបរ​ធ្វើ​សិប្បកម្ម រស់នៅ​ភូមិ​ស្រះ​ជ្រៃ ឃុំ​-​ស្រុក​ត្រពាំង​ប្រាសាទ ខេត្ត​ឧ​ត្ត​រ​មានជ័យ និង​ទី​២​ឈ្មោះ ឌី ចំ​រ៉ុង ភេទ​ប្រុស អាយុ​២៤​ឆ្នាំ​មុខរបរ​ធ្វើ​សិប្បកម្ម រស់នៅ​ភូមិ​អូរ​សោម ឃុំ​-​ស្រុក​ត្រពាំង​ប្រាសាទ ខេត្ត​ឧ​ត្ត​រ​មានជ័យ ដែល​ត្រូវបាន​ឃាត់ខ្លួន​កាលពី​វេលា​ម៉ោង​១៩ និង​៣០​នាទី​ថ្ងៃទី​១២ ខែមករា ឆ្នាំ​២០១៨ នៅ​ចំណុច ភូមិ​ស្រែ​ក្រសាំង ឃុំ​-​ស្រុក​ត្រពាំង​ប្រាសាទ ខេត្ត​ឧ​ត្ត​រ​មានជ័យ​។
​សមត្ថកិច្ច​បន្តថា ជនសង្ស័យ​ទាំងពីរ​នាក់​ខាងលើ​បានធ្វើ​សកម្មភាព​សម្លាប់​ជន​រង គ្រោះ​

ឈ្មោះ សៀ ឆា​លី ភេទ​ប្រុស អា យុ​១៨​ឆ្នាំ មាន​មុខរបរ​ធ្វើស្រែ រស់នៅ​ភូមិ​ស្រែ​ក្រសាំង ឃុំ​-​ស្រុក​ត្រពាំង​ប្រា សាទ កាលពី​យប់​ថ្ងៃទី​១១ ខែមករា ឆ្នាំ​២០១៨​។ ដោយ​ជនរងគ្រោះ ត្រូវ​ជន​ស​ង្ស​យ័​ចាក់​ចំ​ក្រោម​ឆ្អឹងជំនី​ផ្នែក​ខាងឆ្វេង​បណ្តាលអោយ​ស្លាប់​នៅនឹងកន្លែង​កើតហេតុ មូលហេតុ ស្រវឹងស្រា​ឈ្លោះ​គ្នា​ក្នុង​រោងការ​៕​