ព្រៃវែង ៖ ប្រជាពលរដ្ធរស់នៅក្នុងសង្កាត់ជើងទឹក.ស្រុកព្រៃវែង.ខេត្តព្រៃវែងជាច្រើនគ្រួសារដែលប្រកបមុខរបរនេសាទត្រីលក្ខណៈគ្រួសារដាក់មង.ចងសន្ទូចក្នុងបឹង.ព្រែកអតីតឡូនេសាទវាលកំពង់គ្រោះនិងវាលកណ្តាលនៃសង្កាត់.ក្រុងខាងលើបាននាំគ្នាមួរម៉ៅក្តៅក្រហាយដោយចោទថាមានទូកនេសាទត្រីល្មើសច្បាប់របស់ជនជាតិវៀតណាមជាច្រើនគ្រឿងបានធ្វើសកម្មភាពរុញឈិបយន្តនិងអូសយ៉ាំងកៅនាពេលយប់បណ្តាលឲ្យដាច់មងដាច់សន្ទូចរបស់ពួកគាត់ដែលរាយនៅតាមបឹង.ព្រែកជារៀងរាល់ថ្ងៃរហូតធ្វើឲ្យពលរដ្ធមួយចំនួនលែងហ៊ានទៅរកខ្លះរត់ទៅធ្វើការងារចំណាក់ស្រុកឆ្ងាយបែកប្រពន្ធបែកកូនទៀតផង។
ពលរដ្ធប្រហែលជិត៤០គ្រួសារមកពីភូមិជើងទឹកតំណាងឲ្យពលរដ្ធជាច្រើនគ្រួសាររស់នៅក្នុងសង្កាត់ជើងទឹកទាំងមូលមកជួបជុំគ្នានៅចំណុចកំពង់ទូកបានប្រាប់ភ្នាក់ងារទូរទស្សន៍អាសុីអាគ្នេយ៍ថាបន្ទាប់ទំនេរពីការងារធ្វើស្រែបន្តិចបន្តូចមិនសូវបានផលនោះ!ប្រជាពលរដ្ធប្រហែលជា៥០%ភាគរយក្នុងសង្កាត់មួយនេះបានងាកមករកមុខរបរនេសាទត្រីលក្ខណៈគ្រួសារដោយដាក់មង.ចងសន្ទូចនៅតាមចំណុចបឹង.ព្រែកខាងលើគ្រាន់បានប្រាក់កាក់ខ្លះយកមកដោះស្រាយជីវភាពក្នុងគ្រួសារបន្ថែម។ប៉ុន្តែបែរជាមានទូកនេសាទត្រីរបស់ក្រុមជនជាតិជាច្រើនគ្រឿងបានសកម្មភាពអូសយុាំកែវឫឈិបយន្តនៅពេលយប់ដែលគេសង្ស័យថាមានឆក់ត្រជាក់ថែមទៀតផងនោះបណ្តាលឲ្យមង.សន្ទូចរបស់រដ្ធខ្មែរដាច់អស់គ្មានសល់។សកម្មភាពនេះកើតមានរយៈពេល៤.៥ឆ្នាំហើយគឺចាប់ផ្តើមអូសពីម៉ោង៧ព្រលប់រហូតដល់ប្រហែល២យប់ទើបផ្អាកសកម្មភាពដោយប្រើសុទ្ធតែទូកម៉ាសុីនធំៗអូសព្រាតពេញបឹង.ព្រែកក្នុងមួយៗមិនក្រោមពីជាង១០គ្រឿងឡើងទៅនោះទេគឺអូសឡើងខាប់ទឹកតែម្តងមិនដែលឃើញអាជ្ញាធរជាពិសេសមន្ត្រីជំនាញជលផលចុះមកទប់ស្កាត់ឫបង្ក្រាបសោះឡើយ។ពលរដ្ធបញ្ជាក់បន្ថែមថារឿងក្រុមជនជាតិវៀតណាមអូស៉យ៉ាំងកៅ និងរុញឈិបយន្តដែលគេសង្ស័យមានបង្កប់ឆក់ដុំត្រជាក់ទៀតនោះ!ហើយរុញឫអូសបណ្តាលឲ្យដាច់មងនិងសន្ទូចនេះកន្លងមកគឺពួកគាត់ក៍ធ្លាប់នាំគ្នាទៅព័ទចាប់និងបានទៅប្តឹងនគរបាលប៉ុស្តិ៍ជើងទឹកនិងលោកចៅសង្កាត់រហូតដល់ក្រុងតាំងពីឆ្នាំទៅតែហាក់បីដូចជាស្ងាត់ឈឹងគ្មានដំណោះស្រាយសោះហើយសកម្មភាពទូកជនជាតិវៀតណាមទាំងនោះនៅតែបន្តលើសដើម។រហូតធ្វើឲ្យពលរដ្ធមួយចំនួនមួរម៉ៅក្តៅក្រហាយធ្វើអីគេមិនបាននិងអស់ជំនឿងទៅលើអាជ្ញាធរនិងមន្ត្រីជំនាញជលផលបោះបង់មុខរបរនេសាទត្រីនេះចោលសុខចិត្តរត់ទៅធ្វើការចំណាក់ស្រុកបែកប្រពន្ធបែកកូនបណ្តើរៗហើយ។ភាពព្រងើយកន្តើយនេះហើយបានធ្វើឲ្យពលរដ្ធដាក់ការសង្ស័យថាការដែលក្រុមជនជាតិវៀតណាមហ៊ានធ្វើសកម្មភាពយ៉ាងគឃ្លើនបែបនេះសង្ស័យមានអាជ្ញាធរមន្ត្រីជំនាញជលផលខ្លះទទួលបានលាភសក្ការៈឈរកាងនៅពីខាងក្រោយខ្នងនៃបទល្មើសនេះ!ព្រោះក្រុមជនជាតិវៀតណាមទាំងនោះគេមានមេក្លោងធំៗជាជនជាតិវៀតណាមដូចគ្នាចំនួន៤នាក់រត់ការ.ទី១ឈ្មោះសុខ.ឡុក.ទី២ឈ្មោះសុខ.ហួត.ទី៣ឈ្មោះថាំនិង៤ឈ្មោះគ្រឿង។ជនជាតិវៀតណាមទាំងនេះរស់នៅចំណុចមាត់បឹង.ព្រែកទល់មុខក្រុងព្រៃវែងនេះតែម្តង។
ប្រជាពលរដ្ធបញ្ជាក់បន្តថាឆ្នាំនេះពួកគាត់ខ្លះអត់មានដីធ្វើស្រូវរស់ពឹងមុខរបរនេសាទត្រីនិងខ្លះទៀតមានដីស្រែបន្តិចបន្តួចធ្វើគ្រាន់នឹងបានហូបតែឆ្នាំនេះធ្វើមិនសូវបានផលទេដោយសាររងគ្រោះទឹកជំននផងនិងសត្វល្អិតមកយីយាច្រើនផងនោះ!ទើបពួកគាត់ខំយកប្លង់ដីឫផ្ទះទៅដាក់ធនាគាឯកជនខ្ចីប្រាក់គេយកមកទិញទូក.ម៉ាសុីន.មងសន្ទូចយកមកដាក់រាយតាមផ្ទៃបឹងអតីតឡូនេសាទដែលសម្តេចអគ្គមហាសេនាបតីតេជោហ៊ុន.សែននាយករដ្ធមន្ត្រីនៃព្រះរាជាណាចក្រកម្ពុជាបានកាត់រំសាយឡូចោលទុកឲ្យរាស្ត្ររកនេសាទត្រីលក្ខណៈគ្រួសារលើកតម្កើនជីវភាពរបស់ពលរដ្ធកាត់បន្ថយភាពក្រីក្រ!ជាពិសេសឲ្យអាជ្ញាធរមន្ត្រីជំនាញជួយទប់ស្កាត់បទល្មើសនេសាទរក្សាពូជមច្ឆជាតិ.ជីវៈចម្រុះឲ្យបានគង់វង់និងមាននិរន្តភាព។មិនគួរណាអាជ្ញាធរនិងមន្ត្រីជំនាញទាំងនេះមិនអនុវត្តតាមធ្វើពលរដ្ធជួបការលំបាកប្រឈមនឹងការគ្មានលុយបង់សងធានាគាឯកជនទេ។
តាមរយៈទូរទស្សន៍អាសុីអាគ្នេយ៍ពលរដ្ធសូមសំណូមពរឲ្យសម្តេចតេជោហ៊ុន.សែនជួយពួកគាត់ផងព្រោះពួកគាត់មិនចង់ទៅបំរើការងារចំណាក់ស្រុកនោះទេ!ជួយឲ្យពួកគាត់រកនេសាទត្រីលក្ខណៈគ្រួសារបន្តិចបន្តួចនៅក្បែរផ្ទះអត់សុីមានសុីចង់រស់ជួបជុំសុខក្តមរម្យនាជាមួយប្រពន្ធនិងកូន។
ពាក់ពន្ធ័បញ្ហានេះភ្នាក់ងារយើងមិនអាចសូមការបំភ្លឺពីមន្ត្រីជំនាញជលផលបានទេ។ចំណែកលោកម៉ននី.បណ្ឌិតអភិបាលក្រុងព្រៃវែងបានឲ្យដឹងតាមទូរស័ព្ទថាលោកទើបឡើងកាន់តំណែងបានប្រហែល១០ថ្ងៃ!ហើយជាប់រវល់ប្រជុំរហូតចាំលោកសួរទៅលោកចៅសង្កាត់ឲ្យច្បាស់សិនព្រោះកន្លងមកឮថាមានទូនេសាទរំខានដល់របរនេសាទត្រីលក្ខណៈគ្រួសារនេះដែរតែមិនដឹងថាមានជនជាតិវៀតណាមនោះទេ៕
