យប់​នេះ នឹង​មើលឃើញ​ព្រះ​ចន្ទ​ប្រែ​បី​ពណ៌​ដូចធ្លាប់មាន កាលពី​១៥០​ឆ្នាំមុន​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 31 January, 2018

​ប្រទេស​អូស្ត្រាលី និង​រដ្ឋ​វី​តូ​រី​យ៉ា និង​មាន​ឱកាសល្អ​បំផុត​ក្នុង​ការមើលឃើញ​ព្រឹត្តិការ​ណ៏ ព្រះ​ច័ន្ទ​ក្រហម​ឬ Super blue blood moon ជាមួយ​ពពក​ច្រើន ។ វា​ជា​ឱកាស​មួយ ក្នុង​ឆាកជីវិត សំរាប់​ប្រជាជន​អូស្ត្រាលី ដើម្បី​មើល ព្រឹត្តិការ​ណ៏ ព្រះ​ច័ន្ទ​ក្រហម​ឬ Super blue blood moon ប៉ុន្តែ​មាន ពពក​គ្របដណ្តប់​ធ្វើ​ឲ្យ​បណ្តា​ប្រទេស​មួយចំនួនទៀត មាន ឱកាស​តិច​ក្នុង​ការមើល​ព្រឹត្តិការ​ណ៏​ដ៏​កម្រ​នេះ​។​

បាតុភូត​នេះ មាន​រយៈពេល​១៥០​ឆ្នាំ​មកហើយ ចាប់តាំងពី​មាន​ព្រឹត្តិការណ៍​ព្រះ​ចន្ទ ចំនួន​៣ ជា​កន្លែង​ដែលមាន​ចន្ទ​គ្រាស ប្រែក្លាយ ព្រះ​ចន្ទ លេចចេញ​ក្នុងពេល​ដំណាលគ្នា មាន​ព័ណ៌​ក្រហម​ចាស់ ខណៈពេល​គាប់​ជួន​មាន Supermoon និង និង​ព្រះ​ចន្ទ​ព័ណ៌​ខៀវ​ដ៏​កម្រ​។

ព្រឹត្តិការ​ណ៏​នេះ​កើតមាន ឡើង​ម្តង ទៀត​នៅ​យប់​ថ្ងៃ​ពុធ​នេះ ប៉ុន្តែ​ពពក​និង​គ្រប ដណ្តប់​ច្រើន​លើ​រដ្ឋ​ញូ​សៅ​វ៉េ​ល និង​ទឹកដី របស់​ប្រទេស​អូស្ត្រាលី ព្រមទាំង​ប្រទេស​អូស្ត្រាលី​ផ្នែក​ខាងត្បូង ដែល​ធ្វើ​ឲ្យ​ព្រឹត្តិការ​ណ៏ ព្រះ​ចន្ទ​ចំនួន​៣​នេះ​ពិបាក​និង​មើលឃើញ​។ ព្រឹត្តិការ​ណ៏ ចន្ទ​គ្រាស ជា​ព្រឹត្តិការ​ណ៏ យោង​ទៅរក ព្រះ​ចន្ទ​មាន​ព័ណ៌​ឈាម ឬ Blood Moon ព្រោះ​ព្រះ​ច័ន្ទ​ប្រែជា​ព័ណ៌​ក្រហម ដែល​និង​អាច​មើលឃើញ​នៅក្នុង​ប្រទេស​អូ​ស្រា​លី តំបន់​អាស៊ី និង​ប្រទេសមួយ ចំនួន នៅ​អឺរ៉ុប និង​សហរដ្ឋអាមេរិក​ផងដែរ​។ ព្រឹត្តិការណ៍​ព្រះ​ចន្ទ​ក្រហម Blueblood Moon បូករួម​នឹង​ចន្ទ​គ្រាស នឹង​កើតមានឡើង​នៅ​យប់ ថ្ងៃ​ពុធ ទី​៣១ ខែមករា ឆ្នាំ​២០១៨ នេះ​។

​អ្វីដែល​គេ​នឹង​ឃើញ​នោះ គឺ​ព្រះ​ចន្ទ​ពណ៌​ក្រហម​ខុសពី​ធម្មតា និង​មាន​ទំហំ​ធំ​ជាង​ធម្មតា ហើយ​ជាពិសេស​គឺ​ចន្ទ​គ្រាស​បន្តិចៗ​ម្តង​។ ព្រះ​ចន្ទ នឹង​ក្លាយជា​ព្រះ​ចន្ទ​ធំ​បំផុត ដែល​គេ​ហៅថា Super Moon ព្រោះ​វា​នឹង​ស្ថិតនៅ​ចំណុច​កៀក​នឹង​ផែនដី​បំផុត នៃ​គន្លង​របស់​វា ដែល​មានន័យថា ព្រះ​ចន្ទ នឹង​លេចឡើង​ធំ​ជាង​ធម្មតា​៧​ភាគរយ និង​ភ្លឺ​ជាង​ធម្មតា ១៤​ភាគរយ ហើយ​វា​ក៏​នឹង​ក្លាយជា​ព្រះ​ច័ន្ទ​ខៀវ ដែល​គេ​ហៅថា Blue Moon)៕