ព្រះសីហនុ ៖ នៅក្នុងទឹកដីនៃក្រុងព្រះសីហនុ មួយរយៈពេលចុងក្រោយនេះគេឃើញមានការរីកចម្រើននៃអគារសំណង់កប់ពពកជាច្រើនបានលេចជារូបរាងស្ទើរពាសពេញទីក្រុង ពិសេសតាមបណ្ដោយឆ្នេរ ស្របពេលដែលអភិបាលខេត្តព្រះសីហនុ លោក យន្ត មីន អភិបាលនៃគណៈអភិបាលខេត្តព្រះសីហនុ ជាថ្នាក់ដឹកនាំខេត្តមួយរូបដែលតែងតែ ខិតខំ រិះរកគ្រប់មធ្យោបាយដើមធ្វើយ៉ាងណាឲ្យខេត្ត មានភាពល្អប្រសើរឡើងពីការបណ្ដាក់ទុនរបស់ជនជាតិបរទេសផងនោះ។
ជាក់ស្ដែងពេលនេះក៏មានផងដែរ នៅក្រុមហ៊ុន(រោងចក្រឡុងបេតុង) ជាច្រើនក្នុងក្រុង ដែលកំពុងដំណើរការយ៉ាងមមាញឹកក្នុងវិស័យនេះ។ហើយថ្មីៗនេះ ប្រជាពលរដ្ឋដែលកំពុងរស់នៅក្នុងក្រុងព្រះសីហនុទាំងមូល មានចម្ងល់យ៉ាងខ្លាំងអ្នកខ្លះក៏ដឹងតាមរយៈកម្មករ អ្នកខ្លះក៏មិនទាន់បានដឹងនោះដែរ។ ក្នុងចម្ងល់និងការដឹងនោះ គឺការដែលកំពុងរៀបចំការសាងសង់នៅសំណង់មួយរបស់អ្នកមានលុយនិងមានអំណាចលោក ឧកញ៉ាម្នាក់ ដែលល្បីឈ្មោះ ក្នុងស្រុកខ្មែរ។
បើតាមប្រភពមួយពីសាលាខេត្តព្រះសីហនុដែលបានបង្ហើបឲ្យអ្នកសារព័ត៌មានយើងដឹងថា «ពេលនេះស្ថានីយរថភ្លើងដែលកំពុងដំណើរការសព្វថ្ងៃ ស្រាប់តែនៅមុខស្ថានីយរថភ្លើងបានចង់ក្លាយជា “ក្រុមហ៊ុន ក្រឡុកបេតុងរបស់លោក ឧកញ៉ា ខណៈពេលដែលប្រជាពលរដ្ឋក្នុងខេត្តពេលនេះ អ្នកដែលបានដឹង រិះគន់យ៉ាងខ្លាំងទៅលើក្រុមហ៊ុន ក្រឡុងបេតុងដែលកំពុងសាងសង់នេះ)។អ្វីដែលប្រជាពលរដ្ឋបានលើកឡើងនោះពិតជាមិនខុសនោះទេ ពួកគាត់មើលឃើញថា ចំពោះការសាងសង់ក្រុមហ៊ុន(ក្រឡុកបេតុង) នៅកណ្ដាលបេះដូងក្រុងព្រះសីហនុ ជាក្រុងទេសចរណ៍ដ៏ស្រស់ស្អាតនេះ អាចបង្កផលប៉ះពាល់បរិស្ថានយ៉ាងធ្ងន់ធ្ងរ និងសុខភាពពលរដ្ឋជិតខាង, បំផ្លាញបរិយាកាសជុំវិញ, និងបង្កការកកស្ទះចរាចរណ៍យ៉ាងធ្ងន់ធ្ងរ, ស្របពេលដែលផ្លូវសេដ្ឋកិច្ចកំពុងផែស្វយ័ត ក្រុងព្រះសីហនុមានការកកស្ទះចរាចរណ៍សឹងតែរាល់ថ្ងៃនោះ។
មិនតែប៉ុណ្ណោះ ក្រុមហ៊ុនក្រឡុកបេតុង មួយឈ្មោះ “អ៊ុយមញុង” ដែលស្ថិតនៅជាប់នឹងផ្លូវជាតិលេខ៤ ឃ្លាំងលើ សង្កាត់លេខ១ ក្រុង.ខេត្តព្រះសីហនុ កំពុងត្រូវបានអាជ្ញាធរ និងថ្នាក់ដឹកនាំខេត្តសម្រេចឲ្យធ្វើការបិទនិងរុះរើចេញពីតំបន់នេះ ដោយសារតែបានបង្កផលប៉ះពាល់ជាខ្លាំង ដល់ប្រជាពលរដ្ឋរស់នៅជិតខាងនិងអ្នកធ្វើដំណើរតាមដងផ្លូវ ពិសេសសាលារៀន ឃ្លាំងលើតែម្ដង។
យោងតាមលិខិតនៃការស្នើសុំ របស់អ្នកតំណាងឈ្មោះ (នី សុជាតិ) ជាតំណាងអ្នកឧកញ៉ាម្នាកដោយ សុំមិនបញ្ចេញឈ្មោះ បានស្នើសុំទៅសាលាខេត្តព្រះសីហនុកាលពីថ្ងៃទី១២ ខែមករា ឆ្នាំ២០១៨ ដោយស្នើសុំសាងសង់រោងចក្រលាយបេតុងមួយនេះ។
ទោះជាយ៉ាងណាក៏ដោយបើតាមប្រសាសន៍ របស់បងប្អូនប្រជាពលរដ្ឋច្រើនាក់រួមជាមួយ លោក រាជ ដាវី ប្រធានក្រុមទី១៣ ភូមិ៣ សង្កាត់លេខ៣ ដំណាងឲ្យប្រជាពលរដ្ឋជាច្រើនគ្រួសារដែលរស់នៅទីនេះ បានលើកឡើងថា លោកមានការព្រួយបារម្ភយ៉ាងខ្លាំងពីផលប៉ះពាល់យ៉ាងធ្ងន់ធ្ងរបើមានការបង្កើតរោងចក្រលាយបេតុង ក្នុងតំបន់មុខរ៉ាជាប់ផ្លូវជាតិលេខ៤នេះ ដូច្នេះលោកក៏សូមអំពាវនាវដល់ថ្នាក់ដឹងនាំខេត្តក៏ដូចជាមន្ទីរពាក់ព័ន្ធផងដែរសូមមេត្តាគិតគូរឲ្យបានទាន់ពេលវេលា៕
