ភ្នំពេញ៖ ចង់ចំណេញដាច់ចំណងយុវជន២នាក់ជិៈរថយន្តលុចស៊ីសបានបុកម៉ូតូមិនឈប់ដោះស្រាយប្រឹងបើករត់ទៅបុករះចូលឃ្លាំងលក់រថយន្តសេរីទំនើបខូចខាត យ៉ាងដំណំ នៅខណ្ឌដូនពេញ។
យុវជន២នាក់ បើករថយន្តលុចសុីសបានបុកម៉ូតូហើយព្យាយាមបើករត់យ៉ាងលឿនទៅបុករថយន្តរ៉េហ្វរហើយរថយន្តរ៉េហ្វរក៏រ៉េចង្កូតឡើងចិញ្ចើមផ្លូវបុកចូលឃ្លាំងលក់រថយន្តសេរីទំនើបបណ្តាលអោយខូចខាតរថយន្តម៉ាកអាល់ហ្វារមួយគ្រឿងផ្នែកខាងមុខយ៉ាងធ្ងន់ធ្ងរ បង្កអោយមាន ការភ្ញាក់ផ្អើល នៅវេលាម៉ោង៤និង០០នាទីទាបភ្លឺឈានចូលថ្ងៃទី១៥ខែកុម្ភះឆ្នាំ២០១៨ នៅចំណុចជិតរោងកុនលុច ក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។
តាមប្រភពពីកន្លែងកើតហេតុបានអោយដឹងថាមុនដំបូងគេឃើញរថយន្តលុចសុីសRX330ពណ៌ស្ករ មានស្លាកលេខ ភ្នំពេញ2AC.8292 បើបរដោយយុវជន២នាក់ទឹសដៅពីជើងមកត្បូងតាមបណ្តោយផ្លូវនរោត្តម ខណៈមកដល់ចំណុចកើតហេតុខាងលើក៏បុកម៉ូតូមិនចាំម៉ាកបន្ទិចបន្ទួចហើយមិនឈប់ដោះស្រាយ ព្យាយាមបើករត់ទៅទឹសខាងលិចតាមផ្លូវ១៥៤ដោយមានក្រុមក្មេងស្ទាវដេញតាមពីក្រោយផងក៏បើកបត់មកផ្លូវ១៧២ទឹសដៅពីលិចមកកើតវិញ យ៉ាងលឿនមកដល់ផ្លូវព្រះនរោត្តមមិនបង្អង់ក៏បុក រថយន្តរ៉េហ្វរពណ៌ស មានស្លាកលេខភ្នំពេញ2AK.3158បើតាមបណ្តោយផ្លូវព្រះនរោត្តមទឹសដៅពីត្បូងទៅជើង ពេញទំហឹងបណ្តាលអោយវិលមួយជុំប៉ះបង្គោលផ្លាក់ សញ្ញាបង្ហាញផ្លូវបាក់អស់១និងរថយន្តខូចខាតផ្នែកខាងមុខស្ទើរតែទាំងស្រុងចំណែកឯរថយន្តរ៉េហ្វរក៏ជ្រុលបុកចូលឃ្លាំង៨៩លក់រថយន្តសេរីទំនើបបណ្តាលអោយបាក់ទ្វារអស់២ផ្ទាំងធំៗនិងរថយន្ត បែកបាក់ខាងមុខម៉ាកអាល់ហ្វារ សេរី២០១៨ថ្មីស្រឡាងតំលៃ១៦មុឺនដូល្លាអស់១គ្រឿង ចំណែក អ្នក បើករថយន្តរ៉េហ្វររងរបួសដៃផងដែល និងកំពិតផ្នែកខាងឆ្វេងរថយន្តដាច់កង់ខាងឆ្វេងមុខអស់១ទៅមុខលែងរួច។
ក្រោយពីកើតហេតុសមត្ថកិច្ចបានមកដល់ក៏នាំម្ចាស់រថយន្តបង្កនិងយុវជន២នាក់ដែលដេញតាមពីក្រោយទៅប៉ុស្តិ៏នគរបាលរដ្ឋបាលជ័យជំនះដើម្បីសួរនាំហើយ ក៏ទាក់ទងទៅជុំនាញចរាចរណ៏ជើងគោក ក្រុងមកវាស់វែងស្ទូចយករថយន្តទាំង២គ្រឿង
ទៅរក្សាទុកដើម្បីដោះស្រាយគ្នានៅថ្ងៃក្រោយ ៕
