ខេត្តព្រះសីហនុ ៖ ដោយមានការអនុញ្ញាពីរដ្ឋាភិបាលនៃសាធារណរដ្ឋប្រជាមានិតចិន និង មានការ ឯកភាពពីរាជរដ្ឋាភិបាលកម្ពុជា ក្នុងការផ្តល់សិទ្ធវិនិយោគ នៅប៉ែកនិរតី នៃប្រទេសកម្ពុជា ក្រុមហ៊ុនដ៏ធំ មួយរបស់ប្រទេសចិន បានសម្រេចបោះទុន ចំនួន១០០ពាន់លានដុល្លារអាមេរិក ដើម្បី បង្កើតតំបន់សេដ្ឋ កិច្ច ពិសេសនៅលើទឹកដីស្រុកស្ទឹងហាវ ខេត្តព្រះសីហនុ។
លោក ជីង ឡុង (Jing Long) ប្រធានក្រុមហ៊ុន អេស៊ា បាស៊ីហ្វីក ស៊ីងហ៊ុយហ្វេន ហ្វានាន់ហ្សល គ្រុប លីមិតធីត (ASIA BACIFIC XINHUIFENG FINANCIAL GROUP LIMITED) បានឱ្យដឹងនៅក្នុងពិធី ពិសារអាហារសាមគ្គី ក្នុងឱកាសបុណ្យចូលឆ្នាំថ្មីប្រពៃណីចិន នៅថ្ងៃទី១៥ ខែកុម្ភៈ នេះ ថា កាលពីឆ្នាំមុន ដោយមានការយល់ព្រមពី លោកប្រធានាធិបតីចិន ស៊ី ជីនពីង និងផ្តល់កិច្ចសហការពីក្រុមហ៊ុន របស់ លោក ដើម្បីបង្កើតតំបន់សេដ្ឋកិច្ចពិសេសដ៏ធំមួយ នៅប្រទេសកម្ពុជា ដោយ ជ្រើសរើសយកក្នុង តំបន់ ស្ទឹង ហាវ លើផ្ទៃដីទំហំ ៣ពាន់ហិកតា។
លោកបន្តថា តំបន់សេដ្ឋកិច្ចមួយនេះ នឹងពង្រីកចំណងមិត្តភាព សាមគ្គីភាព និងកិច្ចសហ ប្រតិ បត្តិការ បន្ថែមទៀត រវាងប្រទេសទាំងពីរកម្ពុជា-ចិន ហើយក៏ជាការផ្តល់ការងារជាច្រើន ដល់ ប្រជាជន កម្ពុជាពិសេសជួយលើកតម្កើងនូវ GDPឱ្យមានចំណូលកាន់តែខ្ពស់។
លោកបន្ថែមថា ហេតុផល ដែលក្រុមហ៊ុនរបស់លោកជ្រើសរើសយកតំបន់ស្ទឹងហាវ ក្នុងការ វិនិ យោគ តំបន់សេដ្ឋកិច្ចពិសេសនេះ ដោយមើលឃើញថា តំបន់នេះ មានសក្កដានុពលជាច្រើន ជាតំបន់ ឆ្នេរដ៏សំខាន់មួយរបស់កម្ពុជា និងជាផ្លូវមួយដែលនាវារបស់ចិន តែងតែឆ្លងកាត់ ឆ្ពោះទៅ មហាសមុទ្រ ប៉ាស៊ីហ្វិកខាងត្បូង ហើយក៏ជាកាលានុវត្តភាពសម្រាប់ពេលអនាគតផងដែរ។
យ៉ាងណាលោកបានបញ្ជាក់ថា ការដែលក្រុមហ៊ុនរបស់សម្រេចចិត្តបោះទុក ដ៏ច្រើនសន្ធឹក សន្ធាប់បង្កើតតំបន់សេដ្ឋកិច្ចពិសេសនេះ ដោយសារកម្ពុជាជាប្រទេសមានសុខសន្តិភាពពេញលេញ មាន ស្ថិរភាព នយោបាយល្អមួយក្នុងតំបន់អាស៊ីប៉ាស៊ីហ្វីក មានការអភិវឌ្ឍន៍រីកចំរើន គួរឱ្យកត់ សម្គាល់ លើស ពីនេះ គឺភាពស្អិតរមួតរវាងកម្ពុជានិងចិន គ្មានអ្វីអាចមករារាំងចំពោះការវិនិយោគ មួយនេះទេ។
លោក ជីង ឡុង បានបញ្ជាក់ទៀតថា តំបន់សេដ្ឋកិច្ចពិសេសស្ទឹងហាវនេះ បានផ្តោតជា សំខាន់ ទៅ លើវិស័យអាទិភាពធំៗចំនួន៥ ដែលក្នុងនោះមាន៖ ផ្នែកហិរញ្ញវត្ថុ ដោយប្រមូលផ្តុំនូវ ធនាគារធំៗ នៅលើ ពិភពលោក, វិស័យដឹកជញ្ជូន មានទាំងផ្លូវទឹក និងផ្លូវគោក សេវាបដិសណ្ឋារ កិច្ច មានសណ្ឋាគារ ភោជនីយដ្ឋាន មជ្ឈមណ្ឌលកំសាន្ត ដែលបង្ហាញនូវវប្បធម៌ ទំនាមទំលាប់ នៃ ប្រទេសទាំងពីរ និងជាមជ្ឈ មណ្ឌលពាណិជ្ជកម្ម ដោយមានក្រុមហ៊ុនធំៗជាច្រើន នឹងចូលមក វិនិយោគនៅតំបន់នេះ នឹងក្លាយទៅ ជាទីក្រុងថ្មីមួយរបស់ប្រទេសកម្ពុជា។
សូមបញ្ជាក់ថា ក្រោយពីទទួលបានសិទ្ធវិនិយោគពីរាជរដ្ឋាភិបាលកម្ពុជា ក្រុមហ៊ុន អេស៊ា អ៊ិនធើណេសិនណល ហ្វាយនែន ហ្វ្រីត្រេដ ហ្សូន ឌីវេឡុបម៉ិនឯ.ក និង ក្រុម ហ៊ុន ឆាយណា (ខេមបូឌា) ញូអេស៊ា ជេស៊ីហ្វិក លែន ឌីវេឡុបម៉ិន ឯ.ក បាននិងកំពុងមមាញឹក ក្នុងការកសាង ហេដ្ឋា រច្ចនាសម្ព័ន្ធ រូបវន្ត ដើម្បីសម្រេចឱ្យបានតាមគោលដៅ និង ផែនការដែលបានកំណត់ទុក៕
