ប្រធានរដ្ឋសភា​កម្ពុជា​ថា កូរ៉េខាងត្បូង​កំពុង​ដើរតួនាទី​យ៉ាងសំខាន់​ដល់​ការអភិវឌ្ឍ​នៅ​កម្ពុជា​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 21 February, 2018 ក+ ក-

ភ្នំពេញ ៖ ថ្លែង​ទៅកាន់​ឯកឧត្តម អូ​ណាក់ យ៉ុង ឯកអគ្គរដ្ឋទូត​ថ្មី​នៃ​សាធារណរដ្ឋ​កូរ៉េ​ប្រចាំ​កម្ពុជា នា​ជំនួប​សវនាការ​នៅ​ព្រឹក​ថ្ងៃទី​២១ កុម្ភៈ​នេះ នៅ​វិមាន​រដ្ឋសភា សម្តេច​អគ្គ​មហា​ពញា​ចក្រី ហេង សំរិន ប្រធានរដ្ឋសភា​កម្ពុជា​បាន​គូសបញ្ជាក់ថា សាធារណរដ្ឋ​កូរ៉េ ឬ​ប្រទេស​កូរ៉េ​ខាង ត្បូង បាន និង​កំពុង​ដើរតួនាទី​យ៉ាងសំខាន់​ក្នុងការ​រួមចំណែក​ដល់​ការអភិវឌ្ឍន៍​នៅ​កម្ពុជា​លើ គ្រប់​វិស័យ តាមរយៈ​ការផ្តល់​ជំនួយឥតសំណង និង​ការផ្តល់​កម្ចី​ឥណទាន​សម្បទាន​ជាដើម ដើម្បី​យកមក​អភិវឌ្ឍន៍​កម្ពុជា​។​

ជាមួយគ្នានេះ​សម្តេច​ប្រធានសភា​កម្ពុជា​បាន​លើកឡើងថា កូរ៉េខាងត្បូង​គឺជា​ទីផ្សារ ការងារ​ដ៏​ធំ​របស់​ពលករ​កម្ពុជា​។ ដូចនេះ​តាមរយៈ​ឯកអគ្គរដ្ឋទូត​កូរ៉េខាងត្បូង​ថ្មី សម្តេច​បានស្នើ អោយ​ឯកឧត្តម​ជួយ​ពិនិត្យ និង​ជម្រុញអោយមាន​អ្នកវិនិយោគ និង​អ្នកទេសចរ​ពី​កូរ៉េខាងត្បូង មកកាន់​កម្ពុជា​ច្រើនឡើង​បន្ថែមទៀត រួមទាំង​ការពិចារណា​នូវ​ការ​បន្ថែមចំនួន​កូតា​សម្រាប់ ពលករ​កម្ពុជា​ទៅធ្វើ​ការ​នៅ​ប្រទេស​កូរ៉េ​អោយបាន​ច្រើនជាង​បច្ចុប្បន្ននេះ​។​

ជាការ​ឆ្លើយតប​ទៅនឹង​សំណើ​នេះ​ឯកឧត្តម អូ​ណាក់ យ៉ុង ឯកអគ្គរដ្ឋទូត​ថ្មី​នៃ​សា ធារ​ណ​រដ្ឋ​កូរ៉េ​ប្រចាំ​កម្ពុជា​មានប្រសាសន៍ថា សំណើ​របស់​សម្តេច​ប្រធានរដ្ឋសភា​គឺ​ស្ថិតនៅក្នុង ចំណុច​គោលនយោបាយ​អាទិ៍ភាព​ឆ្ពោះ​មកកាន់​អា​សុ​ី​ខាងត្បូង ដែល​បាន​ដាក់ចេញ​ដោយ​រដ្ឋា ភិ​បាល​កូរ៉េ​នាពេល​កន្លងទៅនេះ​។ ដូច្នេះហើយ​តួនាទី​របស់​ឯកឧត្តម គឺ​ខិតខំ​ជម្រុញ​អោយ​អ្នក វិនិយោគ និង​អ្នកទេសចរ​កូរ៉េខាងត្បូង​មកកាន់​កម្ពុជា​អោយបាន​ច្រើនឡើង​បន្ថែមទៀត​នា ពេលអនាគត​។​

ដោយឡែក​ចំពោះ​ការស្នើសុំ​អោយមាន​ការបង្កើន​ចំនួន​កូតា​សម្រាប់​ពលករ​កម្ពុ​ជា​ទៅ ធ្វើការ​នៅ​កូរ៉េខាងត្បូង​ដែល​បានស្នើ​ឡើង​ដោយ​សម្តេច​ប្រធានសភា​កម្ពុជា​ដែរនោះ ឯកឧត្តម ទូត​បាន​បញ្ជាក់ថា បញ្ហា​នេះ​គឺ​វា​ស្ថិតនៅលើ​ទីផ្សារ​ឧស្សាហកម្ម​នៃ​ការផលិត​ប៉ុណ្ណោះ មាន ន័យ​ថា ប្រសិនបើ​មានការ​ផលិត​ច្រើន តម្រូវការ​នូវ​កម្លាំង​អ្នកធ្វើការ​ក៏​កាន់តែច្រើន​ដែរ ដែល ធ្វើអោយ​ចំនួន​កូតា​នៃ​ពលករ​ប្រទេស​នី​ិ​មួយៗ​ក៏មាន​ការកើនឡើង​ទៅ​តាម​នឹង​ដែរ​។ តែ​ទោះ ជា​យ៉ាងណាក្តី​ឯកឧត្តម អូ​ណាក់ យ៉ុង បាន​បញ្ជាក់ថា តាមពិតទៅ​ចំនួន​ពលករ​កម្ពុជា​ទៅធ្វើ ការ​នៅ​ប្រទេស​កូរ៉េ នៅ​ពុំទាន់​គ្រប់​តាម​ចំនួន​កូតា​ដែល​រដ្ឋាភិបាល​កូរ៉េ​ផ្តល់អោយ​នៅឡើយ​
​ទេ​៕​