ខេត្តកណ្តាល៖ កាលពីព្រឹកថ្ងៃទី ២០ ខែកុម្ភៈ ឆ្នាំ២០១៨ ម្សិលមិញនេះ កម្លាំងចម្រុះដឹកនាំដោយលោក ឡាយ គឹមឡាញ់ មន្ត្រីអាជ្ញាសាលាអមសាលាដំបូងខេត្តកណ្តាល បានចុះអនុវត្តដីការរឹបអូសទ្រព្យសម្បត្តិ នៅក្នុងរោងចក្រហ្គាវ័ន្ត ដែលមានទីតាំងស្ថិតក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល ជាបណ្តោះអាសន្ន ដោយយោងទៅតាមសាលដិកាសម្រេចការពារលេខ៣៨៣ព របស់ចៅក្រមលោក ងួន វុទ្ធី។
មន្ត្រីអាជ្ញាសាលាបានឱ្យដឹងថា យោងដិកាខាងលើ បានសម្រេចទី១ រឹបអូសជាបណ្តោះអាសន្ននូវទ្រព្យសម្បត្តិទាំងឡាយដែលមានក្នុងក្រុមហ៊ុន GAWON APPAREL CO.LTD និងទី២ ដើម្បីទទួលបាននូវការលុបចោលដិកាអនុវត្តរឹបអូសជាបណ្តោះអាសន្ន កូនបំណុលត្រូវផ្ញើប្រាក់រំដោះចំនួន៦០ ម៉ឺនដុល្លារសហរដ្ឋអាមេរិកមកសាលាដំបូងខេត្តកណ្តាល ទី៣ ប្រាក់បន្ទុកក្តីជាបន្ទុករបស់កូ នបំណុល ទី៤ ច្រានចោលការទាមទារក្រៅពីនេះរបស់សហម្ចាស់បំណុល ហើយអាចប្តឹងត វ៉ាបាន ហើយលោកក៏បានឱ្យដឹងដែរថា ដិកានេះបានចេញដោយលោកចៅក្រម និងជាអនុប្រធានតុលាការ គឺលោក ងួន វុទ្ធី កាលពីថ្ងៃទី២០ ធ្នូ ២០១៧។
គួរបញ្ជាក់ដែរថា រោងចក្រខាងលើនេះ និយោគជក់បានកើតមានវិវាទជាមួយក្រុមក ម្មករ អស់រយៈពេលជាច្រើនខែមកហើយ ប៉ុន្តែ មិនអាចរកដំណោះស្រាយដោយការចចារ និងការសម្របសម្រួលគ្នាបាននោះទេ។ រហូតក្រុមកម្មករដែលធ្វើកូដកម្មមិនចូលធ្វើការ នាំ គ្នាបោះតង់យាមនៅខាងមុខច្រកចេញចូល ការពារខ្លាចក្រែងខាងក្រុមហ៊ុនដឹកជញ្ជូនសម្ភា រៈចេញអស់រយៈពេលជាង២ខែមកហើយ ដោយទាមទារឱ្យថៅកែបើកប្រាក់ខែឱ្យក្នុងអំឡុ ងពេលជាង២ខែដែលធ្វើកូដកម្មមិនបានចូលធ្វើការ និងមិនដូច្នោះទេ បើបញ្ឈប់សូមឱ្យថៅ កែបើកប្រាក់បំណាច់ឱ្យ ដែលក្នុងម្នាក់ៗអាចទទួលបានចន្លោះពី១.៤០០ដុល្លាររហូតដល់ជាង៤.០០០ដុល្លារ៕
