ខេត្តឧត្តរមានជ័យ ៖ ភ្លៀងកក់ខែមួយមេ បានលាយឡំនឹងខ្យល់កន្ត្រាក់ ដែលបានបំភ្លេចបំផ្លាញលំនៅដ្ឋានប្រជាពលរដ្ឋចំនួន ៥៥ខ្នងផ្ទះ ក្នុងនោះក៏មានលំនៅដ្ឋាន ចំនួន៥ ខ្នង ត្រូវបានរងការខូចខាតទាំងស្រុង ហើយក៏មានលំនៅដ្ឋានខ្មែរ-ឥស្លាម មួយចំនួនទៀត ក៏រងការវាយប្រហារ ដោយគ្រោះមហន្តរាយនេះដែរ។
តាមរបាយការណ៍ពីអាជ្ញាធរ បានអោយដឹងថា ភ្លៀងកក់ខែដែលលាយឡំនឹងខ្យល់កន្ត្រាក់ បានវាយប្រហារទៅលើតំបន់មួយចំនួន ក្នុងខេត្តឧត្តរមានជ័យកាលពីវេលាម៉ោងប្រមាណជា ៤លា្ងចថ្ងៃទី៥ ខែមិនា ឆ្នាំ២០១៨ បានធ្វើអោយផ្ទះប្រជាពលរដ្ឋ និងប្រជាពលរដ្ឋ ខ្មែរ-ឥស្លាម ត្រូវរំលំខ្ទេច ហើយខ្លះទៀតប៉ើងដំបូល និងជញ្ជាំង អស់ចំនួន ៥៥ខ្នងផ្ទះស្ថិត នៅភូមិកិរីវ័ន្ត សង្កាត់កូនក្រៀល ក្រុងសំរោង ខេត្តឧត្តរមានជ័យ។ ហើយករណីនេះមិនបណ្តាលអោយពលរដ្ឋណាមា្នក់រងគ្រោះថា្នក់ឡើយ។
យោងតាមរបាយការណ៍របស់លោក ញ៉ើន កួន ប្រធានមន្ទីរធនធានទឹក និងឧតុនិយម ខេត្តឧត្តរមានជ័យបានអោយដឹងថា ភ្លៀងកក់ខែខាងលើនេះ ដែលមានកំរិតទឹកភ្លៀង ៣៣មម ហើយបានលាយឡំជាមួយខ្យល់កន្ត្រាក់ ដោយបានវាយប្រហារមកលើតំបន់មួយចំនួននៃក្រុងសំរោង ខេត្តឧត្តរមានជ័យ ដែលបណ្តាលអោយលំនៅដ្ឋានប្រជាពលរដ្ឋរងការខូចខាតអស់ជាច្រើនខ្នង ហើយគ្រោះធម្មជាតិនេះ មិនបានឆាបឆក់យកជីវិតមនុស្សណាម្នាក់ឡើយ៕
