Jamie Vardy នឹងអវត្តមានសម្រាប់ Leicester ២សប្តាហ៍
បាល់ទាត់៖កីឡាករខ្សែប្រយុទ្ធ Jamie Vardy របស់ក្លិបកញ្ជ្រោងព្រៃ Leicester City នឹងត្រូវអវត្តមានប្រមាណ១០ថ្ងៃ បន្ទាប់ពីមានរបួសក្រលៀនក្នុងអំឡុងពេលប្រកួតជាមួយ AFC Bournemouth ។
បើតាមការបញ្ជាក់ពីគ្រូពេទ្យរបស់ Vardy បានឲ្យដឹងថា របួសក្រលៀនដែលមិនទាន់ឈានដល់ដំណាក់កាលធ្ងន់ធ្ងរនៅឡើយ និងធ្វើការវះកាត់នៅថ្ងៃស្អែកដើម្បីព្យាបាល ។
គួរបញ្ជាក់ថាការវះកាត់ខាងលើនឹងធ្វើឲ្យខ្សែប្រយុទ្ធ Top Scorer លីគកំពូលអង់គ្លេស ត្រូវខកខានការប្រកួត FA Cup ដែល Leicester ត្រូវប្រឈមនឹង Tottenham ប៉ុន្តែគេរំពឹងថានឹងត្រឡប់មកលេងវិញបាន ក្នុងប្រកួតក្របខ័ណ្ឌ Premier League ដែលត្រូវប៉ះនឹង Tottenham ដូចគ្នា៕
